Between Love and Friendship

Энэ дуунд угийн дуртай байлаа. Харин тэр нэг найзаа санагалзан суухдаа үгийг нь орчуулмаар онгод оволзов.

Хайр, нөхөрлөлийн зааг дээр


Цагийн урсгал биднийг улам холдуулсаар
Царай чинь хүртэл бүдгэрэн алсалсаар
Хэзээнээс ч билээ, юунаас ч боллоо
Зүрхэлж гарт чинь хүрч чадашгүй нь


Хагацлын гашууныг, бас зайлшгүйг мэддэг болохоор
Хамтдаа байсан ахархан хугацаанд би харамсахгүй ээ
Чамайг орлох хэн нэгнийг дахин олж чадахгүй ч
Чинийх байх эрхгүй хувь заяандаа гомдохгүй ээ


Цагийн зүүг зогсоочмоор дэндүү жаргалтай мөч хором
Цаглашгүй баялаг дурсамжууд чи бидэнд бий
Өөр юугаар ч солимгүй энгүй дотно чамайгаа
Өр зүрхний гүндээ нулимстайгаа цуг хадгалъя даа


Жинхэнээсээ хайртай гэхээр дэндүү алсад орших
Жирийн үерхэл гэхээр дэндүү дотно санагдах
Учир нь үл ойлгогдох чиний зүрхний оньсого
Угтаа би тэнд хаана нь байгаан бол доо


Энэ хорвоогийн хэнээс ч илүү, бүр өөрөөсөө ч илүү
Эрхэмлэж явсан шүү анд минь чамайгаа
Одоо харин найз нь явъя энэ бүхнийг дуусгая
Оломгүй сэтгэлээ бусдаас, чамаас ч нууцлая


Амрагийн сэтгэл ч биш андын нөхөрлөл ч биш
Аргагүй соньхон холбоосоо одоо ингээд таслая даа
Санаандгүй учралаас ч богинохон настай
Сайхан үерхэлээ л зүрхэндээ дурсаж явъя