Уйлсан нь
Эртээр уйлмаар байна гэж бичсэнээс хойш уйлах боломж нөхцөл бүрдэхгүй явсаар онгоцонд сууснаас хойш 4 ч удаа уйлав. Ганцаараа байх, нулимсаа сул тавих боломж бүрдсэн нь тэр юмуу даа.
1. In Our Prime гээд солонгос кино үзэж байтал энэ ая гарах үед уйлсан. Киноны үйл явдал нээх уйлахаар юм гараагүй. Bach Cello Suite No.1 in G Major гэсэн.
Нэг сонин юм гардаг нь, pi (𝝅)тоог нот руу хөрвүүлэхээр (До =1, Ре =2 гэх мэтээр) аймаар гоё уянгалаг аяз болдог гэсэн.2. Франц зохиолч эмэгтэй Marguerite Duras-н "Амраг" гэдэг нэртэй номыг уншиж дуусахад, сүүлчийн өгүүлбэр дээр бас нулимс асгарааск. Үйл явдал нь урд хойноо орсон, уншихад жоохон ойлгомжгүй дараалалтай, гэхдээ дүрүүдийнх нь бодол санаа, мэдрэмж нь их тод илэрхийлэлтэй юм билээ. Кино нь их эротик гэж дуулсан, үзэж амжаагүй байгаа, ном нь бол огтоос эротик бишээр үл барам, хоёр хүний амраглалыг тойрсон аалзны тор мэт нийгэм, гэр бүл, хувь хүний асуудлуудыг хөндсөн ээдрээтэй, хүндэвтэр зохиол санагдсан. Тэр залуугийн хэлж буй сүүлийн өгүүлбэр хамгийн их сэтгэл хөдөлгөм байсан, яалтачгүй.
Уйлаад авсан бол одоо нэг хэсэгтээ сайхан даа. Уйлахад бас сэдэл хэрэгтэй байнаа. Би нь бас нэг уйлж онгойх хэрэгтэй л байна хэхэ.
ReplyDelete