Би...(2)

Өөрийгөө тодорхойлох нь...
Үргэлжлэл.
Өмнөх нь энд.


онолдох дуртай. сэдэв нь дандаа л хүмүүсийн харьцаа, дурлал, өөрийн дотоод сэтгэл гм... Биегүй, барьцгүй зүйлсийг бодит юмс үзэгдлээр төлөөлүүлж, зураглаж бодох нь сонирхолтой санагддийн...

төлөвлөх дуртай, байнга л төлөвлөгөө зохиож явдаг. Тэхдээ биелэх нь ховор, дандаа миний төлөвлөөгүй гэнэтийн үйл явдлууд үүсдэг. Гэнэтийн юманд бас дуртай. Тэхдээ л төлөвлөхөө больдгүй...

нимгэн чихтэй. Гэдэг нь юүгсэн үг вэ гэвэл хүний үгэнд автамхай. Өөрийн гэсэн үзэл бодол төлөвшөөгүй хүний шинж байх. Ямарваа асуудлын талаарх бодлоо эмхэлж цэгцэлж байх нь зүгээр юм шигээ.

хүнтэй эхэлж танилцаад сайн талыг нь л олж хардаг. Өөгүй, 10 хуруу тэгш гэж бодцон явжийгаад нэг том disappointed болуутаа эргэж харахгүй цэвдэгшээд хаядаг. Уул нь сайн таниж мэдээгүй байж дандаа гоёор төсөөлсөн миний буруу л даа. Нас яваад харин, уучилж сурч байгаа...

огцом ууртай хэрнээ барагтай хүнд уураа гаргахгүй. Бүүр ойр дотны, манай талын гэж бодсон хүндээ л уурладаг. Намайг өнгөц мэддэг хүмүүс чухам бодгаль, намуун тайван гэж боддог байхаа. Хөөрхий, миний ууранд өртөгсөд...тэхдээ би тэд нарт үнэхээр итгэдэг, сэтгэлээ нээсний илрэл юм шдээ...ккк

эхлүүлсэн юмаа заавал дуусгах гээд байдгийн. Төгсгөлийг нь хараагүй бол нэг л тавгүй. Дутуу орхисноо хүчээр, оромдоод ч болсон дуусгавал сая нэг санаа амарна. Тэхдээ амьдралд заримдаа дундаас нь орхиод гарах хэрэгтэй зүйлс байдгийг ухаарч эхэлжийнэ. Эвлэрэх нь зүйтэй бизээ...



Өчигдөр нэг ийм юм олж сонсов.

Би хэн бэ гэдэг (identity)ээ аль болох өөрийн хүсэл зоригийн дагуу, өөрөөсөө хамааралтай, хувирч өөрчлөгдөх нь бага хүчин зүйлсээр тодорхойлох хэрэгтэй. Жишээ нь :

- Би гайгүй газар ажилтай, боломжийн цалинтай.
- Би залуу, аятайхан бүсгүй

Ажлаасаа халагдах юмуу гоо үзэмжээ алдахад "би" нь алга болж сэтгэл санааны хувьд хоосрох юм. Мөн цаг үргэлж ажлаа алдах вий, хөөрхөн байхаа болих вий гэж санаа зовно.
Харин,

- Би хөөрхөн охины ээж хүн.
- Би бичих дуртай, блогчин.
- Би хайрлаж, хайрлуулж чаддаг эмэгтэй.
- Би сайн тогооч/мужаан/дуучин/зөвлөгч (авьяас, чадвар, хобби, сонирхдог зүйлс гм)-->жишээ шүү жишээ

гэх мэтээр "БИ"-гээ тодорхойлсон бол өөрийгөө алдах аюул бага, өөртөө итгэлтэй, аз жаргалтай хүн болох юмаа. Нэг үгээр хэлэхэд, "БИ" гэдэг хүнийг амьдралтай холбож буй гинжин хэлхээс, эсвэл түшиж тулж буй баганууд бат бэх, олон байх тусмаа тухайн хувь хүн сэтгэл санааны хувьд тогтвортой, амар амгалан байх болно. Олон юм сонирх, өөрийгөө нээ гэдэг ийм учиртай байх нь...