Soulmate

Амьдралын тоглоом

2012-01-31T05:17:00.002+09:00

Би тоглоомонд их тааруухаан. Хүн тоглож байгааг нь мэдэхгүй тэр чигт нь итгээд хямраад намираад явж өгнө. Тоглож байгаад тоглоом даадгүй тонгойж байгаад бөгсөө даадгүй гэдэг шиг хамаагүй их тогловол уйлчдаг уурлачдаг :р

За тэгээд хөзөр муушгинд аз дутаад явахгүйэ, шатар дааманд толгой дутаад нэмэргүйэ, сагс теннисэнд хөдөлгөөний эвсэл дутаад ахицгүй. Ядаж байхад бөмбөг нь надад дуртайн, хаа ч байсан толгойг минь олж ирээд оночдогийн ккк. Насны залуу цусны шингэнд хүүхдүүдийг дуурайгаад компьютер тоглоом сонирхож л явлаа, эцсийн бүлэгт уураг тархи маань тэр талын хөгжил муутайм байна гэсэн дүгнэлтэнд хүрээд орхисон доо.
Дурлалын тоглоомонд мөн л авьяасгүй. Нэг бол хүлээх тэвчээр дутаад тоглоомыг орхин одох, эс бол гарт барьсан модоо яагаачгүй эрт дэлгэчээд өнөө хүн маань уйдах...Cool байж чадсан хүн энэ тоглоомонд хождог гэхийн билээ, би тэгж сураагүй, дурлахгүй үнсэлцэж чадахгүй бас хүсэхгүй, ингээд л хожигдсоор байгаад таардаг юм энэ тоглоомонд бас...

Cool гэснээс энэ дээр гардаг Gwen мөн ч сайхан амьтан шүү ай.

Амьдрал хэмээх асар том хөлөг дээр наадахдаа л хожигдчихгүйм сан гэж хичээх юм даа. Дараагийн нүүдлээ хийхээс өмнө аль болох олон боломжуудыг олж хараад өөрт хэрэгтэйг нь шүүж тунгаагаад явцгүйг нь цаг тухайд нь арилгаад явчихлаар аяндаа хийх сонголтын дүр зураг тодроод ирдгийм байна. Эхний үед эргэн тойрон түнэр харанхуй ноёлоод хаачих яахаа мэдэхгүй эргэлзэж тээнэгэлзсээр ядарч туйлддаг хэдий ч аажим аажмаар орчноо мэдэрч, харагдах хүрээ тэлэхийн хэрээр хандах зүг чиг тогтоод ирдгийн байна.

Эргэлзэх нь аргагүй чиний онгойлгосон хаалга бүр
Зөв байгаагүй урд нь гэхдээ нээж үзэхээс нааш мэдэхгүй

гээд миний дуртай царайлаг дуучин дуулдаг шиг. Өмнөх шийдвэр бүр зөв байгаагүй, гэхдээ заримдаа онгойлгож үзэхээс нааш, оролдож эхлэхээс өмнө буруу зөвийг нь мэдэхийн аргагүй үе байхым. Аргагүйдэж мухардахын цагт энэ бол мад биш шаг, гарах гарц байж л таараа гэж бодох хэрэгтэйм. Хүлээгээд л суувал аяндаа шалаанаас гарахгүй, тиймээс дараагийн нүүдлээ бодож хөдлөх л хэрэгтэй. Харин хожим нь, асуудлыг даваад туулаад гарсны дараа, алдаа бүрийн цаана ямар нэгэн зүйл ухаарсан, сурсан байдаг нь сайхан...

Ийм шатар тогловол маргааш нь үхсээн ккк. Идүүлсний тоогоор хундагатайгаа уудаг гэнэ :р

Шөнө дунд цас орж байна

2012-01-29T14:35:00.001+09:00

Энэ дуунд угаасаа дуртай байсан, гэхдээ яагаад ч юм үгийг нь онцолж сонсдоггүй байсийм шигээ. Саяхан Л.Ө.-ийн шүлэг гэдгийг нь мэдэж авсан. Энгийн хэрнээ яруу, гоё үгтэй...

Хав хар тэнгэрээс цагаахан од дусална
Харанхуйд хэн нэг нь уйлж байна
... Энэ яасан сэвсгэр зөөлөн!
Энэ яасан сэрүүн аниргүй!

Гэрэлтдэг, нимгэн, шөнийн өмсгөлтэйгээ
Гэрийнхээ тагтан дээр би хөл нүцгэн зогсож байна
Өнө мөнхөд өвөл л байсан юм шиг...
Шөнө дунд цас орж байна

Хиргүй сайхан юм ертөнц даяар бударч
Хэн нэг нь аяархан санаа алдаж байна
Яагаад ч юм гуниг...
харанхуйн цасны гэгээнд
Яг над шиг нэгэн унтаж чадахгүй
зогсож байна.

Яг энд гардаг шиг цас орвол тагтан дээрээ зогсоод будран унах ширхэгийг нь ширтэн зогсоно доо гээд л хүлээгээд байсан юм. Одоо гадаа цас хаялж байна, шөнийн аниргүйтэй ханьсаад агаар амьсгалж хэсэг зогслоо, гоё байна...Арай ч хөл нүцгэн, гэрэлтдэг нимгэн хувцастай гарч зүрхэлсэнгүйээ ккк.

Гоё ба муухай

2012-01-23T16:42:00.000+09:00

Онгод орсон дээр нь дахиад нэг бичлэг хийчий.

Энэ улсаас таалагддаг зүйлс
1. Номын сан нь. Хаа сайгүй, алхаад орчмоор ойрхон зайнд хэн ч үйлчлүүлэх боломжтой, тухлаг тохилог, орой болгон ном уншуулдаг дээрээ байгаа охинд маань бүр авралын газар. Тэр болгоныг худалдаж авна гэдэг бүткүү нь ойлгомжтой. Монголдоо ганц гоё хүүхдийн номын сан нээх юмсан гэдэг миний мөрөөдөл.

2. Тоглоомын талбай. Энэ бас л хүүхэдтэй холбоотойм байна. Зуны хар халуунд тоглоомын талбай бүр усаар шүршиж сэрүүцүүлдэг төхөөрөмжтэй. Хүүхэд багачуудад чухам жаргалын орон гэдэг нь л тэр байх.

3. Өргөн зам, парк хийх хангалттай талбай. За гэхдээ энэ ч миний амьдардаг хотод л хамааралтай байхаа даа. Торонто руугаа бол бас л алалцдагийн байлээ. Манай энд бол сайхан шд. Над шиг далий мурий тавьдаг гарууд холхон шиг зайтай газар очоол тааваараа далийлгаад орхиход амар ккк. Замын түгжрэл гэж бараг байхгүй.

4. Агаар сайхан. Уур амьсгал нь со-г бодвол хуурай ч гэсэн монголыг бодвол чийглэг. Яг нэг сайхан таарсан. Со шиг бүгчим биш салхитай, монголтой ер нь төстэй.

5. Худалдаж авсан юмаа буцаах амархан. Анх аймаар санаа зовоол хургаад л очсон чинь гялс буцаачихлээр нь бүр гайхдаг байсан. Одоо бол хэмнэлтийн нэг хэрэгсэл болгож байна, 15-30 хоног түр хэрэглэчээд буцаагаад өгсөн ч ямар нэг асуудалгүй мөнгөө эргүүлээл авчна.

6. Онтарио нуур гоё юм байнаа...

За одоо онцгүйг нь жагсааж өгнөө.

1. Хүнд сурталтай, удаан. Со-гийн хурдан үйлчилгээнд дасаад муу зан сурсан тал ч бий байх. Юм л бол бөөн бичиг цаас, захиа ирж очно. Тэр хэмжээгээр цаг алдана, хог новш цугларна. Ирээд жил болоогүй байхад 2 хавтас дүүрэн бичиг, хайрцаг дүүрэн тасалбар (receipt) цуглууллаа. Электрон байдлаар мэдээлэл хадгалагдана гэж огт байдгүй бололтой, заавал цаасан дээр хэвлэсэн юмаар л нотолгоо баталгаа хийнэ гэнэ. Үнэн ядаргаатай.

2. Тэнэг үнэтэй. Дээрээс нь зүсэн зүйлийн нэмэгдэл заавал дагалдана. 10 доллар гээд бичсэн юмыг татвартайгаа нийлээд хэд болох бол гэж нэг гашилна, анх бодож байснаас ямагт, дандаа үнэтэй болж таарахад нь гол харлаж бас нэг гашилна. За тип өгдөгийг бол одоо дурдахаа больчий. Сонин сонин юман дээр маш өндөр үнэлгээ өгсөн байх нь боож үхэх ч багадмаар. Залгаж байгаа хүний дугаарыг харах, voice mail зэрэг үйлчилгээ 8-10$, машины даатгал тэнгэрт хадаад бүр сансарт ниссэн үнэтэй, үүний араас байр, хүүхдийн цэцэрлэг бас нисээд хиймэл дагуултай найзлацан. Банканд мөнгөө хийгээд картаараа гүйлгээ хийх болгондоо шимтгэл төлдөг, тэр нь бас аймшгийн кинонд тоглуулмаар үнэтэй. Бас ... бас ... бас... гээд энэ жагсаалт нилээд урт болноо ккк. Аль болгоныг бичиж барахав.

3. Хулхи. Эсвэл их дөвөргөж рекламддаг ч гэхиймүү. Жирийн үйлчилгээний газрууд, дэлгүүр хоршоо ч дүүрч гэхэд төрийн байгууллага, албан ёсны арга хэмжээ нь нуль уран панаал. Эсвэл би бичсэн чигт нь итгээд гоё юм төсөөлж очсон буруутай байж болох л. Юутай ч их олон зүйл дээр реклам, танилцуулга нь бодит байдлаа гүйцэхгүй, урам хугарсан тохиолдол дийлэнх байсан. Шинэ жилээр л гэхэд countdown, салют буудах гээд сүпер юм болно гээд л хөөрцөглөөд очтол юу вээ, шал миа байдгийн. Янз бүрийн сургалт, үнэгүй, шинээр ирэгсдэд зориулсан гээд л, яг очоод үзвэл хэрэг болох зүйл тун цөөхөөн. Ихийг хүсэж хүлээсэн би өөрөө буруутай л доо ер нь бол.

4. Үнэнч биш юм шиг санагдсан. Дэлгүүрт тооцоо хийгээд гарахдаа заавал нягтлахгүй бол хариулт нь дутуу ч юмуу, хямдруулна гэснээ хямдруулаагүй ч юмуу, илүү дутуу юм бичигдсэн байх магадлал өндөр. Над шиг хайнга хүнд энэ их хэцүү. Яв цав тооцоотой байдаг газар дасаад муу зан сурсны гай л даа. Бас кредит кардтай холбоотой асуудал хоёр ч үүсчлээ. Миний карднаас надад хэлэлгүй мөнгө аваад, бүр өөр хотод ашиглаад явжийсан хэрэг гарсан. Юм л бол өнөө амны уншлага болсон улстайгаа харьцуулах юмдаа, гэхдээ тэнд 10 гаран жил болохдоо ганц ч тохиолдоогүй явдлууд энд үүсэх юмаа ккк.

5. Хоол муутай, нэг бол шорвог эсвэл тослог. Аа мэдээж үнэтэй чухал газраа сайхан байх л даа. Гарын доор гадуур зардаг нь, дэлгүүрт хагас бэлэн боловсруулсан бүтээгдэхүүн нь дандаа тиймэрхүү. Үүний сайн тал нь гэртээ төрөл бүрээр нь хоол унд хийж сурч байна даа. Ололттой хэрэг :р

За дараа санахаараа үргэлжлүүлий. Ер нь бол хөгжлөөрөө Америкийг гүйцэхгүй, далбаан доор нь явдаг хэрнээ хэлбэрдэлт загвардалт нь дийлдэхгүй, хямсгар, үнэтэй хоёр нь Англи шиг, удаан нь яст мэлхий шиг, өндөр татвар аваад ядуу хүмүүстээ цацаад байдгийг нь бодохоор одоо хаанах шиг ч юм дээ. Нэг бол тасарцан баян, эсвэл бүр үгээгүй ядуу хүн л энд сайхан амьдарнаа. Эмзэг давхаргад багтаад явчуул тэжээлгээд амар байхым шиг байгаан.

Гэхдээ энэ бүхэн зөвхөн миний нүдээр л харсан дүгнэлт шүү дээ. Энэ улсаас юуг хүсэн хүлээж ирсэн, ер нь амьдралдаа чухал гэж боддог хүчин зүйлс нь юу вэ гэдгээс хамаараад сайхан муухайг ялгаж салгах нь тэс өөр болох бизээ. Дээр дурдсан онцгүй талуудыг даван туулаад дасан зохицоод амьдары гэвэл болохгүй юмгүй. Гэвч, тэгэх хэмжээний үнэ цэнэтэй юу? Тэгснээрээ би юуг алдаж юуг олж авч байгаа билээ??? гэдэг дээр ойрдоо жоохон төөрөлдөөд л байна.

Асар урт бичлэг уншсанд баярлалаа :р

Anonymous

2012-01-23T15:08:00.002+09:00

Ийм нэртэй хакэруудын бүлгэм байдгийн байшд мэдэхүү? Надаас бусад нь л мэджаагаадөө аягүй бол. Би ч бас мэддэг л байсан байх, мартцан болохоос биш гэж нэг нэрэлхэж өгөөд :р

Америкт нэг хууль(SOPA&PIPA) батлагдах гээд, тэрийг нь Википедиа, Мозилла нтр эсэргүүцээд юм юм болоод байгаашдээ. Тэгсэн кино татдаг Megaupload-ыг уг хуулийн дагуу хаасын байхаа. Тэгэнгүүт Anonymous хакерууд FBI сайт руу довтолгоо хийсэн гэнээ. Энэ зэвүүн баг шиг зураг эмблем нь юм шиг байна.

We are Anonymous. Бид Нэргүй.
We are Legion. Бид тоо томшгүй.
We do not Forgive. Бид хэзээ ч уучилдаггүй.
We do not Forget. Бид хэзээ ч мартдаггүй
We love You. Бид та нарт хайртай.
Expect Us. Биднийг хүлээ?!?

http://www.sanakae.com/2012/01/anonymous.html

За энэ ч яахав. Гэнэт учир зүггүй огт хөндөдгүй сэдвээ оролдоод юу болчвоо тээ. Сайндаа ч бишээ зүгээр л anonymous гэдэг сэдвээр ганц бичлэг хийюү гэж бодоод гүүглэдсэн чинь иймэрхүү зүйлийг олж мэдлээ.

Блог хэмээх хувь хүний хэвлэл мэдээллийн хэрэгсэл. Нэг ийм дүрэм байх шиг байна. Би ийм хүн гэж зарлаад ил тод бичвэл хөндөх сэдэв, хамрах хүрээ нь хумигдаад ихэвчлэн гадаад ертөнцийн тухай, хал балгүйхэн блог хөтөлдөг. Өөрийгөө нууж бичвэл харин нэг чөлөөтэй сайхан, дотоод ертөнцөө илэн далангүй илэрхийлж чаддаг. Би л гэхэд анх эхэлж байхдаа ямар нэг шүүлтүүр байхгүй санаанд орсноо урсгадаг байлаа. Хэдэн жил хөтөлсний эцэст уншигчид дунд танилууд олшроод эхэлсэн, түүний хэрээр бичих гэсэн, гаргах гэсэн бүхнээ чимээгүйхэн буцаагаад залгих нь ихэссэн.

Зарим хүмүүс блогоо хаалттай болгох замыг сонгожийно. Аа бас зарим хүмүүс юун тухай бичсэнийг нь өөрөөс нь өөр хэн ч ойлгохооргүй нууц код, оньсого таавраар дүүрэн тэмдэглэл хийжийнэ. Надад аль аль нь төвөгтэй санагдах юмөө. Тэглээ гээд огт бичихгүй байж чадахгүй, бас хамаг байдгаа дэлгээд байх утгагүй... Одоог хүртэл дүүрч. Үүнээс цааш түүнээс хойш өөрийн IDENTITY-г ил гаргахаас түдгэлзэхээр шийдсээн аая :р Soulmate гэж ямар хүн байдаг тухай мэддэг нь цаашаа бүү тараагаарай гэж гуйя, мэдэхгүй нь өөрийнхөө төсөөлөл дөх тэр л хүнээрээ бодоод өнгөрөөрэй :) Бодол санаа цаашдаа яаж өөрчлөгдөхийг таашгүй хэдий ч одоогийн байдлаар anonymous байх зарчимыг мөрдсүгэй! Түн түн түн (шүүх хурлын шийдвэр сонсгосны дараа нэг мод шиг юмаар тогшоод байдаг даа, тэр шүү :D )

2012

2012-01-06T13:48:00.000+09:00

Он гараад 7 хонох гэж байхад, жил солигдсонтой эвлэрч амжаагүй хүн энд нэг ширхэг байнаа. Миний сэтгэлзүйн хуанлигаар бол 2011 он тэг дундаа л орж явах учиртайм. Энэ хорвоо тэр чигтээ миний эсрэг хуйвалдаад надаар даажигнаад байгаан бишүү...хэн тэр цагийн зүүг хурдасгаад байна, хэргээ хүлээ :р

ингээд бичсэн чинь маргааш нь Шархад руу ачигдсан байх вий дээ ккк.

"Алхимич" уншсан, санасныг бодоход их хөнгөхөн уншигддаг ном байна лээ шдээ. Нэрнээс нь болоод л хэцүү байх гэж бодоод явсийн би. Антибиотик уусаар байгаад хэр баргийн эм нөлөөлөхөө байцан өвчтөн шиг, иймэрхүү утга агуулгатай ном уншаад дөжирциймүү яасын нэг их сэтгэгдэл төрсөнгүйэ. Энгийн үгээр сайхан тайлбарлаж шүү гэсэн юм бодоол өнгөрөв. "Omen" буюу зөнч тэмдгийн тухай санаа харин их таалагдсан. Шийдэж ядаад эргэлзээд байгаа надад сэтгэл шулуутгаад өгөх omen харагдаасай гээд л ажигласан шиг ккк.

Нээх гоё шүлэг унших юмсаан. Бас нэг сайхан төвлөрөөд, ертөнцөөс тасраад, уран халилдах юмсааан. Хийсэн юмгүй шахуу хэрнээ завгүй, тэгсэн мөртлөө цаг хурдан явлаа гээд гомдоллоод байдаг хүн надаас өөр байдаг болуу...

Саранд хүрдэг шат

Энэ шатаар би алхсаар, алхсаар, алхсаар яваад саранд хүрдэг
Эцэс төгсгөлгүй өгссөөр, өгссөөр, өгссөөр байгаад газарт буудаг
Тэндээс би өнгөгүй шороо, үнэргүй өвс олж ирдэг
Тэмдэглэлийн дэвтэртээ тэгээд сэмээрхэн хийчихдэг
Үе үехэн би тэсгэлгүй гунихаараа
Үзэгнийхээ нүдээр дэвтрээ тэмтэрдэг
Өнөөх л, өнгөгүй, үнэргүй миний нууцууд өндийхөд ...
Өө, би яаж зураглах вэ?
Нарийхан олсон шатаа хааяа би олдоггүй
Найз минь, тийм үед л би үхмээр болдог оо
Л.Ө

Сануулга

2011-12-29T02:04:00.004+09:00

Анхааруулга
Сонордуулга

ккк дандаа л хатуу чанга сонсогдоод байх юмаа. "Нөхөрсөг сануулга" эсвэл "Найрсаг сонордуулга" гэдэг ч юм билүү. Санамж бичиг гэх ёстойм байна л даа. Бага ангид байхад шинэ жилээр онц, сайн гарсан хүүхдүүдэд өгдөг байсан "Сайшаалын үнэмлэх" гээч бичиг санаанд оров. Онц гарвал улаан бичигтэйг, сайн гарвал цэнхэр бичигтэйг өгнө, би сайшаалын гэдэг үгийг хэлж чадахгүй шаашаалын гээд байдаг байжүлээ. Ноднин зургийн цомгоо ухаж байгаад ганц улаан, хоёр гурван цэнхэр сайшаалын үнэмлэх олж харсан чинь дурсгалтай хөөрхөн санагдсаан. Дурсгалын дэвтэр гэж бас гоё юм байдагсан, 7-8 дугаар ангиас ганцхан миний дурсгалын дэвтэр л торойж үлдсэн юм, гэтэл тэрийгээ сайн хадгалж чадаагүй алга болгоцон, гэртээ харихаараа нэг сайн онгичиж хайвал гараад ирж магадгүй гээл горьддын, манай аав ээж хоёр тэхдээ хог новш цуглуулах хоббитой, юу ч байсан хаяхгүй хадгална гээд л тэгээд болкооноор дүүрэн хайрцагтай ууттай юмнууд. Юм олддоггүй ховор хомс үеийг туулаад гарсан болохоор хаях гэхээр хайран санагддаг бололтой, гэтэл би бол дэндүү хаямтгай, хадгалах ёстой байсан хайран дурсгалтай зүйлсээ хүртэл гээж орхисон, одоо бодохоор харамсмаар зүйлс зөндөө байнөө.

За энэ хадуурал ч яахав. Гарчигны учирыг гаргахгүй бол. Шинэ жил гарах дөхлөө, төлөвлөгөөгөө бичээрэй хүмүүсээ гэж сануулах гээл. Өнгөрсөн жилээ дүгнэж, ирэх жилээ цэгнэж ай. Би бас одоо бичнэ гээл бэлдэх байдалд ороод сууж байна. 2011 оныхоо тайланг гаргах арай болоогүйэ, энд ирсний нэг жилийн ойн дээрээ бичнэ, харин ирэх жилийнхээ төлөвлөгөөг одоо бодох санаатай. Со-д байхад сайхан байжээ юм бүхэн тодорхой, төлөвлөхөд амархан. Одоо бол би ирэх жил миний амьдралын зам хаагуур яаж зурайх тухай, салаа олон харгуйн алингаар нь явбал зохих талаар төсөөлөл үнэхээр бүдэг байна. Гэхдээ со-д байхад тэр тодорхой байдал нь бухимдал төрүүлдэг байсан, хэвэнд баригдсан мэт, шинэлэг алхам хийж болохгүй тогтсон, урсгалаараа өдөр хоногууд уур хүргэдэг сэн. Одоо бол хаашаа яаж ч эргүүлсэн болохоор, жолоо сул болчоод байна, хүсээд байсан эрх чөлөөгөө олж авсан ч юм шиг...

Заза үг олджээ. Гоё нухацтай, буурь суурьтай бичлэг хийнээ тэгж байгаад. Төлөвлөх чухал шүү, биелэх эсэх нь дараагийн асуудал...

Merry Christmas!

2011-12-24T03:43:00.001+09:00

Энд нижгэр тэмдэглэх юмөө. Аль сар хагасын өмнөөс ФМ-ээр шувтан Крисмасын дуу хадаастай, дэлгүүрээр энүүндээ, тэрүүндээ ийм тийм бэлэг аваарай гэсэн реклам яваастай. Худалч хүнд монголын цагаан сар шиг л бэлэгний баяр юм бишүү?

Хаузтай айлууд байшингаа чимэглээд гоё гоё болгочих юм. Амжвал он гарахаас өмнө ганц нэг зураг дарахыг оролдоноо.

Манай эрх жаал Санта өвөөд ийм захиа бичээд оймсон дотроо хийчихжээ. Гитар, үлээдэг хөгжим, бодвол лимбэ л бололтой, том бамбарууш өгөөрэй гэсэн байна (GEF ME гэдэг нь GIVE ME kkk) Одоохондоо Санта байдаг гэдэгт бат итгэлтэй.

Ёолкны мод засаж өгөөгүй хэмнэсэн тул, хүссэн бэлэгнүүдийг нь авч өгийдөө. Бамбарууш нь бараг өөр шиг нь томыг хямдруулсан байхад нь таараад азныко авцан. Лимбэ, гитар хоёрыг нь жинхэнэ хөгжмийн зэмсэг зардаг дэлгүүрээс авсан. Яг гитар ч биш, Хавайгаас гаралтай Үкүлэлэ гэдэг хөгжим гэсээн. Нэг залуу акустик гитараар гоё гоё ая дараад , өөрөө ч аятайхан дамшиг юм, нүд чих хоёроо баясгаад нилээд зогслоо. Тэр хооронд авах гээд тоочиглосон ягаан гитар нь зарагдчиж, гялс ганц үлдсэн нил ягааныг нь шүүрээд авлаа.

Энэ дууг цэцэрлэг дээрээ сурч ирчээд үргэлж дуулдгийн. Надад ч бас таалагдаад :)

Таны танин мэдэхүйд...(нойрны тухай)

2011-12-21T15:06:00.004+09:00

Зүүд, нойр гээд уул нь сонирхдымаа. Тэхдээ юу ч мэдэхгүй нойлын ногоон тэг л дээ. Эмч, мэргэжилтэнгүүд нь засаад дэлгэрүүлээд өгөөрэй плийз...

Хүний нойр 2 үе шатнаас тогтдог гэнээ. REM (rapid-eye-movement) буюу нүдээ хөдөлгөдөг хэсэг, non-REM буюу хөдөлгөдгүй хэсэг.

Non-REM
Нүдээ бараг хөдөлгөдгүй, зүүдэлдэггүй үе нь. Дотроо 3 шатлалд хуваагддаг (зурган дээр 4 гэсэн байгаа ч сүүлийн үед 3, 4 хоёрыг нэгтгээд нэг шатлалд оруулдаг болсон юм байх)
1р шат: Унтаа сэрүүний завсар л юм шиг байгаан. Орчин тойрон, дуу чимээг мэдэрнэ, хааяа булчингийн таталдах үзэгдэл байдаг. Их ядарсан үед би тэгээд татганаад байдгийн. Энэ үед намайг сэрээвэл би аймаар ууртай, хэнбугай ч байсан шууд тийрээд унагахад бэлэн ккк.
2р шат: Орчин тойрноо мэдэхгүй унтаж эхэлнэ. Эрүүл, нас биед хүрсэн хүний нойрны 45-50%ыг эзэлдэг гэнэ.
3р шат: Гүн нойронд автана, тархины долгион асар удаан, аажуу болж эхэлнэ. Энэ үеэр зүүдэндээ босож явах, ярих, хайчинд даруулах (Монголоор юу гэдгийг нь мэдэхгүйм. Унтаа ч юм шиг, сэрүүн юм шиг хэрнээ бие нь хөдөлж чадахгүй, хөл дээр нь ч юмуу бие дээр нь юм дараад байх шиг санагдах, айх үзэгдлийг Со нар ингэж нэрлээд байдгийн, Гуталчин энэ тухайгаа бичсэн байсан санагдана) гэх мэт нойртой холбоотой хямралууд ажиглагддаг гэнэ. Би багадаа зүүдэндээ босож яваад, нөгөө өрөөний гэрэл асаагаад баахан юм хэлж байснаа буцаад унтаад өгчийсөн гэсэн, өөрөө мэдээж юу ч санахгүй.

REM
Нүдээ хөдөлгөж унтдаг шат нь. Өөрөөр хэлбэл зүүдэлж байгаа, нүд нь зүүдээ хараад хөдлөөд байгаа гэсэн үг. Нийт нойрны 20%ыг эзэлдэг. Энэ үедээ сэрэх юм бол зүүдээ санана, эргээд non-REM шатруугаа шилжих юм бол зүүдээ мартана.

Зурган дээр байгаачлан, энэ хоёр үе шат шөнийн турш ээлжлэх нь байна. Улаанаар зурсан богинохон хугацаанд л зүүдлээд бусад үед нь нам унтдагийн байна. Шөнө дундын хавьцаах non-REM 3,4р шат бол хамгийн гүн нойрсож, хамгийн сайн амарч авах үе нь гэнэ дээ. За хурдхан энэ бичлэгээ дуусгаад унтаж үзий дээ.

Аан нээрээ түрүүн гоё юм болсийшд. Салхинд гарангаа ганц лааз пиав авах гээд архи пийвний дэлгүүр орсон чинь (хаалтан дотор нэмэлт тайлбар хийх хоббитой болчлоо ккк, энд согтууруулах ундааг төр засаг хяналтандаа авцан байдгийн, албан ёсны 2хон дэлгүүрт л зарна, тэр хоёр нь тэгээд эрт хаачноо, гадуур ууж явж, сууж болохгүй, согтуу явж болохгүй, бааранд суухлээр спиртний нэмэлт татвар аваад байдаг гэсэн, би одоо бараг жил болох гэж байж ганц ч удаа баар саваар шагайж үзсэнгүй ээ) за тэгсэн чинь яасан гээч. Манийг үнэмлэхээ үзүүл, тэхгүй бол пийв зарахгүй гээд. Насанд хүрээгүй байна гээд байгаан бишүү. Зарим хүнээс иймэрхүү түүх сонсож байсан ч арай намайг тэгж харна гэж үнэхээр бодсонгүйээ. Тулгамдаад олигтой юм ч хэлж чададгүй, насаа хэлж үзлээ, менежерт нь ольж үзлээ. Дотроо бол хүүеээ овоо шдээ оворгүй харагдаж дээ гээд баяр хөдлөөд инээд хүрээд байгаам чинь хаха. Тэр худалдагч хар арьстан байсан, ази хүмүүсийн насыг баримжаалж мэдэдгүй байх л даа, дээрээс нь би малгайтай цамц, үүргэвч, чихэвч зүүгээд нялхаараа амьтан харагдсийм байгааздээ. Юутай ч гоё л байлаа, ганзага хоосон ч сэтгэл дүүрэн буцаж ирсээн гэж.

Завсарлага

2011-12-15T03:30:00.018+09:00

Түр завсарлахаар шийдэв.

Амташсан хэрээ 13 дахина гэдгийн үлгэрээр сиймхий л гарвал гарчигаар хулхидах гээд байдаг болжээ энэ нөхөр ккк. Бөөн сүрийг бадруулж зарлан тунхаглаж тунхаглаж таг болчихоор хүмүүс яасан бол ийсэн бол гээд хүлээж байгаа, гэтэл урагшилсан ахиц дэвшилгүй болохоор бичих дуулгах сонин байдаггүй. Хэсэг гэрэвшиж суулаашд блогноосоо ккк.

Цагийн байдал ороо бусгаа хэвээрээ л байна. Цаашдаа яах нь тодорхойгүй. Яв тав шийдсэн үедээ л энд бичий. Тэр болтол ажил төрөл, амьдрал ахуйн ноцтой сэдвээ хөндөхгүйгээр завсарлах тухай л гарчиг байсийм шүү дээ гэж. Би угийн л юмыг болоогүй байхад нь ярьж хэлэх дургүй зантай байсийн, бүтэхгүй болчно гэж айгаад. Ойрдоо харин онгорхой ам сэтэрхий шүдэт гэдэг шиг л яагаачгүй байхад л 2,3 ажил энээ тэрээ гэж онгироод аль ч гүй хоцорсоон :р

Ойрд романтик киногоор дагнаад.

Before Sunrise (1995)

Үйл явдлыг нь ерөнхийдөө гадарлаж байгаа бизээ. Галт тэргэнд санаандгүй танилцсан америк залуу, франц бүсгүй. Ил гаргахгүй болохоос харваас хоорондоо таалагдсан нь илт. Залуугийн санал болгосноор Вена хотод нэг хоног өнжихөөр болно. Өгөгдсөн богинохоон хугацаанд хотоор зугаалж, хөгжилдөж, хоёр биендээ улам татагдаж, дурласан түүх...

Өөд өөдөөсөө харж суугаад найзтайгаа утсаар ярьж байгаам шиг тоглож байгаа нь. "Би энд нэг хүнтэй танилцсан, улам л таалагдаад байх юм, үнсэлцэхэд ямар гоё байсан бэ..." гэж ирээд л найздаа хэлж байгаам шиг тойруулаад хэлдгийн. Анх танилцаж байгаа хүмүүс ингэж үзвэл үнэн романтик гоё юмдаа гэж санагдсан.

Маргаашийн нар мандахад, салж ядан, баяртай гэж хэлцгээнэ. 6 сарын дараа яг энэ өдрөө яг энэ газраа дахин уулзахаар болзоод. Ингээд л кино дуусдаг.

Сонжоо: Тэр хоёр 6 сарын дараа эргэж уулзсан болуу? Тэдний дурлал цаашаа үргэлжилсэн болуу? Хариултаас нь өөрийгөө романтик, өөдрөг үзэлтэй эсэхээ мэдэж болно шүү :) Миний хувьд ҮГҮЙ гэж хариулсан, үүлэн дээрээс бууж газрын хүн болсныгоо мэдсэн.

Before Sunset (2004)

9 жилийн дараа, Парисын гудамжинд тэд дахин тааралдана. Залуу нь өөрийнхөө амьдралын тухай, тэр дундаа олон жилийн өмнө ганцхан өдөр цуг байсан франц бүсгүйн тухайн ном бичсэн нь бестселлэр болоод Европын хотуудаар уншигчидтайгаа уулзалт хийхээр ирдэг юм. Оройны онгоцоор нутаг буцах ёстой, ингээд нар жаргах хүртэл богинохон хугацаа л тэдэнд байгаа...

Энэ анги нь надад илүү таалагдаж, илүү ойр санагдсан. Тэр хоёрын нас одоо минийхтэй ойролцоо болоод тэгсэн бизээ. Амьдралын утга учир, мөрөөдөл болоод бодит нөхцөл байдал, хэн нэгэнтэй цуг байсан ч ганцаардах мэдрэмж, эргэж үл ирэх он жилүүдийн тухай харуусал, бүрхэг ирээдүйн талаарх айдас... гээд л яг миний бодож, шаналж, эргэцүүлж явдаг зүйлсийн тухай хүүрнэл... Кино гэдгийг нь мартаад тэр хоёрын нэг нь болчихсон юм шиг л...жинхэнэ амьдрал шиг...шимтэн байж үзлээ.

Гэрэвшингүй уулзаад, хөндийхөн, нэрэлхэнгүй байснаа аажимдаа бие биенээ санасан, үгүйлсэн сэтгэл нь илрээд л, догдлоод л байгаа нь нээх хөөрхөн. Ялангуяа Ethan Hawk дурласан, хайрласан эр хүний төрхийг ямар сайн илэрхийлээ вэ... Харц, биеийн хөдөлгөөн нтр нь, үнэхээр татагдаад, өөрийн мэдэлгүй бүсгүй рүүгээ ойртохыг хүсэж байгаа нь илт, гэхдээ түүнийгээ дарж нуух гэж оролдож байгаа нь гээд...унтраад удсан романтик булчирхайг сэрээгээд сүйд хийсэн шүү ккк.

Хувь тавилан, зурсан зураг гэх мэтэд итгэхээ болисон хүн билээ би. Зөвхөн бие биедээ зориулагдаж төрсөн хүмүүс байдаг тухай ч үлгэр л гэж боддог билээ. Гэтэл энэ киног үзсэний дараа үлгэр ч гэсэн итгэмээр, үнэхээр тийм хүн гэж байдаг бол...хэмээх дэврэнгүй бодол төрж байна лээ. Байгалиас шилдэг үр удам үлдээхийн тулд өгөгдсөн генийн татах хүчээс ангид, илүү дээгүүр төвшинд, сэтгэл хэмээх агуу ертөнцөөрөө холбогдох учиртай тийм л хүмүүс...

Хамгийн сүүлд ийм дуу дуулж өгдгийн. Дунд нь өөрийнх нь нэр явж байнгуут залуугийн баярлаж байгаагээ. "ОН"-ы сэтгэл номондоо шингэсэн, харин "ОНА"-гийн сэтгэлийг энэ дуу нь илэрхийлж байгаам даа. Тиймээс ч сонсож байгаа залуугийн царай тэр чигтээ гэрэлтээд бөөн баяр хөөр...

Би энд байсан

2011-11-29T07:42:00.004+09:00

Ээлжит халтуураа хийчлээ ккк. Үг нь энгийн хэрнээ утга нь гүн гүнзгий болохоор ойлгоод мэдрээд байгаа хэрнээ илэрхийлж гаргаж чадахгүй модон хэл царайлаад хэцүү байлаа. Уул нь ая, үг нь маш их таалагдсан юм. Англи чигт нь тавьюу гэснээ...цэвэр монгол хэл дээр хөтлөдөг блог болгох мөрийн хөтөлбөрт маань харшилаадаа :р

Намайг үхэхлээр би гэж хүн амьдарч байсан тухай ямар ул мөр үлдэх билээ. Гэж хааяа боддог юм. Мэдээж үр хүүхэд минь байна. Тэгээд л энэ блог. Баярлаж, гуниж, уйлж инээж, бүтэлгүйтэж, уран халилдаж явсны маань түүх. Олон хүн дурсаад байхгүй ч, охин маань том болсон хойноо ээжийнхээ тухай эндээс мэдэж авах болуу гэж боддогийн. Тэгж бодоол хичнээн бухимдаж, уураа гаргах юм олдохгүй болохоор нь хаачий яршиг гэж бодож байсан ч, хэнд ч хэрэггүй дэмий гэж хаялгүй хөтлөөд яваам. Энэ дууны үг шиг л, намайг энд амьдарч байсныг гэрчлээд үлдээрэй блог минь ээ...

Ажлаасаа гарах гэж байгаа цаг үетэй ч их таарч байна. Олигтой хувь нэмэр оруулж чадаагүй ч энд би ажиллаж байсийм шүү гэж энэ дууг аялсаар гарах нь байна шдээ.

Он цагийн элсэн дээр ул мөрөө үлдээмээр байна
Одоог ирээдүйд сануулах түүхээ сийлж орхимоор байна
Омог бардам, хоргодох зүйлгүй явж одмоор байна
Орчлон намайг дурсаг, хааяа ч болсон санаг...

Энд би байсан...
Амьдрал минь энд буцалж, би жаргасан
Хайр минь энд нахиалж, би зовсон
Чармайж, зүтгэж, чадах бүхнээ хийсэн
Чанад хүслийн үзүүрт, зорисондоо би хүрсэн
Энд би байсан...

Хосгүй амжилт, ховор нээлт минийх байгаагүй ч
Хоног өдөр бүрийг чин сэтгэлээсээ амьдарсан
Хорвоогийн од нь болж тэнгэрт би гялалзаагүй ч
Хонгор түүнийхээ цээжинд эрхэм дотно оршсон

Энд би байсан...

Уяралын утсыг нь хөндсөн зүрх бүхэн
Ухаарлын учиг руу хөтөлсөн оюун болгон
Намайг энд байсныг батлах гэрч болог
Нартад ирээд буцсаны утга учир нь байг

Энд би байсан...

Энэхэн амьдралдаа би өөрийгөө бүтнээр нь зориулсан
Эргүүлээд бас сайхан бүхнийг хүртсэн
Аз жаргалын хэлтэрхийг хэн нэгэнд бэлэглэсэн
Аян замынхаа эцэст, хорвоод өнгө нэмээд одох сон...

I wanna leave my footprints on the sands of time
Know there was something that, and something that I left behind
When I leave this world, I'll leave no regrets
Leave something to remember, so they won't forget

I was here
I lived,
I loved
I was here
I did, I've done, everything that I wanted
And it was more than I thought it would be
I will leave my mark so everyone will know I was here

I want to say I lived each day, until I die
And know that I meant something in, somebody's life
The hearts I have touched, will be the proof that I leave
That I made a difference, and this world will see

I was here
I lived,
I loved
I was here
I did, I've done, everything that I wanted
And it was more than I thought it would be
I will leave my mark so everyone will know

I was here
I lived,
I loved
I was here
I did, I've done, everything that I wanted
And it was more than I thought it would be
I will leave my mark so everyone will know I was here

I just want them to know
That I gave my all, did my best
Brought someone to hapiness
Left this world a little better just because

I was here
I was here
I lived,
I loved
I was here
I did, I've done, everything that I wanted
And it was more than I thought it would be
I will leave my mark so everyone will know I was here x2

"Цагийн хүрд" мэдээллийн хөтөлбөр

2011-11-24T02:24:00.008+09:00

Soulmate хувилбар ккк

Ойрдоо армаанчиглаад блог бичих сөхөө гардгүйэ. 2-3 залуутай танилцсан, ойрыг нь бодохоор канадтай нь найзламаар, хэтийн ирээдүйгээ бодохоор америктай нь үерхмээр. Гэвч би тэднийг сонгохоос өмнө, тэд намайг шилж шалгаруулна, утас шөрмөсөөр ярьж, учир начир ургуулах гээд давааны цаана даваа байнөө байна. Овоо нааштай болж иржийснаа өчнөөн хоногоор таг болчихоор нь хүүхэн хонгор миний нүд хүлээлтэндээ хөхрөх юмаа гэж...Үгүй ядахдаа чамаас болилоо, сонирхол буурлаа, өөр хүнтэй нийллээ нтр гээд биччихгүй усанд хаясан чулуу шиг сураггүй алга болоод хүн зовоогоод байх юм. Хүлээх дургүй, төрөлхийн тэвчээргүй нэгэн билээ би. Хажуугаар нь хуучин амрагтайгаа тооцоо бодох гээд завгүй байгаа. Эвий минь энд ирсээр анх учирсан болоод тэрүү салж хагацаж байгаа ч гэсэн саар муугаар бодож чадахгүй л юм.

Хүмүүс гарчигаар их хуурдаг шдээ. Би тэхээр уур хүрдэг байхгүй юу. Өөрөө болохоор бүхэл бүтэн тэмдэглэлээр хулхидах гэжийнэшд. Залуу гэдгийг ажил болгоод ойлгоорой миний ард түмээн. Залуу ч бай, ажил ч бай, сураггүй алга болоод зовоогоод байвал өөрийг хайж эхлэх хэрэгтэйгээрээ адилхан юмдаа:)

Soulmate миний бие 12 сарын 1-нээс ажилгүйчүүдийн эгнээнд эргэн нийлэх болсноор БНБАУ("Бүгд Найрамдах БИ Ард Улс"ын товчлол, Сурв.) ( Гэснээс Гилийн Хатаан намайг урилдаа тэхүү)-ын яам, тамгын газрын сайд дарга нар хуралдаад сүйд. Хамгийн түрүүнд эрүүл мэндийн яамны сайд босч ирээл энэ боломжийг ашиглаад турах, чийрэгжих кампанит ажлыг өрнүүлий гэсэн зарчмын санал тавьжийна. Өглөө иог, өдөр нь Зумба, оройд нь бассейн, шөнөдөө гүйх! шахуу төлөвлөгөөг хэрэгжүүлээд шинэ жилээр тасархай гоё болы гэнэ. Санхүүгийн яамны сайд ч мэдээж хэтэвчний байдал, байр хоолны зардлын ихийг дурдаад, зүгээр ойр хавьдаа гүйх, хааяа нэг гэртээ дискодох хэлбэрээр мөнгөө хэмнэе гэнэ. Парламентын гишүүд тэндээс та хоёр дуугай байжийдаа эхлээд боломжтой бүх газар луу апплайдчий гэх.

Боловсролын яам, Соёл урлагийн яамны сайд нар тус бүрдээ унших ном, явж үзэх газар, сурах сургууль, худалдаж авах ленз гэх мэтээ бичсэн цаасаа ил гаргаж үл зүрхлэн дэмий л Сангийн яамны сайдын амыг ширтэх аж. Гутранги үзлийн улсын хорооны дарга гүн нойрноосоо сэрцэн, хэлэндээ ус цас биш, мэргэжилдээ гоц гойд бус, яаж шинэ ажил олно доо яана, оллоо гэхэд бас яаж нүүж сууна даа гээл гингэнэхийн. Яршиг нутаг буцвал таарна нтр гэнэ. "Өөдрөг бодол" төрийн бус байгууллагын тэргүүн үүнийг эсэргүүцэж, чадышдээ чадна, анх энэ ажилд ороход бас л яана даа гэж байсан, чадцан л байгааздээ. Анхандаа барж дийлэмгүй санагдаж байсан ч тэмцээд тулаад, туулаад даваад гарцан хойноо амархан л санагддаг. Эцсээ хүртэл үзэлций, зорисондоо хүрчээд нутаг буцы гээд л цагаан хоолойгоор цангинуулж байна.

Улс орны байдал, хэтийн төлөв, ард түмний хувь заяа 2012 онд хаашаа яаж эргэх бол? Дараа дараачийн дугаараасаа тавлан сууж тухлан сонирхоорой.

Уран зохиолын булангаараа яруу найрагч Б.Эрдэнэсолонгын шүлгийг толилуулъя.

Амандаа ус балгаад гэрээдээ ниссэн
Ажилч нэгэн шувуу зам зуур түр амсхийж
Хос мөхөөлдөс, нэг шил дарс
Шөнийн дэлгүүрээс худалдаж аваад
Өглөө үдэшгүй зөөж барьсан
Өвсөн байшин руугаа яаран нисэв
-“Өвөл болох гэж байдаг…”
(Санаа алдах сонсогдов)

Төгсгөлд нь, таны сонорыг мялаах гурван сайхан дууг бэлдлээ. Таалан соёрхож ажаамуу :р

Нуль тоо

2011-11-11T01:01:00.001+09:00

2011.11.11

аяа ийм өдөр дахиад 100 жилийн дараа л тохиох нь байна.

2012.12.12

хойтон нэг ийм өдөр байгаан байна

2022.02.22

эсэн мэнд байвал 11 жилийн дараа бас нэг ийм өдөртэй золгох нь байна...

Ижил тоог азын билэг тэмдэг гэж үзвэл ойрдоо би хийморь лүндаа сэргээд хачин байгаа. Санаандгүй цаг харахад 3.33. Бараг л өдөр болгон. Тэхдээ албаар биш үнэхээр санаандгүй. Зурхайн дээр ч гэсэн миний ордны хүмүүст азын тэнгэр, од гаригийн тохиол сайн гэцэн байсан, би итгээд байгаа.

Математикийн хичээлийг бол нэг иймэрхүү подхийтэл бодчихдог байлаа :р

Тоогоор эхлээд тоогоор дуусгая. Энэ жоохон хуучирсан байж магадгүй гэхдээ их мэдүүштэй статистик судалгаа байна лээ:

Хүний идсэн хоол хүнс 7 секундын дотор ходоодонд очдог. Хүний үс 3кг даах чадалтай. Эрэгтэй хүний эрхтэн нь эрхий хуруунаасаа 3 дахин урт болдог. Хүний дунд чөмөгний яс цементээс ч хатуу. Бүсгүйчүүдийн зүрх эрчүүдээс илүү хурдан цохилдог. Бас эмэгтэйчүүд эрчүүдээс 2 дахин их нүдээ цавчдаг. Хүн зогсохын тулд 300 булчин нь ажиллаж байдаг. Бүсгүйчүүд энэ мөр хүртэл унших байхад эрчүүд эрхий хуруугаа харсаар л суугаа. Харин одоо хүүхнүүд хажууд байгаа эрчүүдийн эрхий хуруу руу харж байдаг.

:р

Гоё юмны тухай бичлэг

2011-11-08T06:37:00.000+09:00

Уйтгартай бичлэг оруулчаад хэд хонохлээр ирсэн зочиндоо амтгүй хоол өгсийм шиг санагдаад сэтгэл тавгүй гэж (аягүй сайхан зочломтгой эзэгтэй юм байхдаа) Орж гардаг айлчин гийчиндээ зориулаад амсуулчмаар амттан шимттэн юу байна гээд л муу бор авдраа баахан ухлаа. Арай дөнгүүр нь энэ үг л байна даа.

Бүгдээрээ цуг боды. Нээх гоё юм юу байж болох вэ? Хорвоогийн түмэн гоёийг бичиж барахгүй л дээ. Гоё хүүхэн харахаараа л яасс гоёийн гээд шүлс нь гоождог хүн байдгийн. Заримдаа би түүнтэй санал нийлдэг ч, заримдаа за аль гоёийг гүйцээж барах юм бэ гэж хэлдгийн ккк. Тэхдээ яахав санаанд бууж байгаа гоё юмаа бичье л дээ.

Гоё юмандаа идэхийм оруулахгүйэ, өдрийн цайнд идсэн салад дотор эвгүйцүүлээд байна. Бас миний идэмхий үе дууссан байгаа. Өмнө нь нэг бичиж байсан даа, биеийн юм ирэх дөхөхлээр мөнхийн өлсгөлөн болчдогоо. Уул нь долоо хоног л тийм байдаг сан, сүүлийн үед бараг сарын хагас нь идэмхий, үлдсэн хагас нь нормал иймэрхүү болчоод байх шигээ.

- Савлуур дээр суугаад тэнгэр ширтэх
- Зөөлхөн бамбалзсан хацар үнсэх
- Даарч байгаад халуун усанд орох
- Загатнасан газраа маажуулах
- Дансаа шалгатал цалин ирсэн байх
- Зөөлөн гартай эрэгтэй хүнээр үсээ угаалгах
- Дуу сонсоод алхах, энэ үед хүйтэн ч биш халуун ч биш байх бөгөөд салхи үл ялиг сэвэлзэн хүзүү рүү үлээж байх
- Магтуулах, гэхдээ тэр нь чин сэтгэлийнх гэдгийг мэдрэх...

Магтаал гэснээс хоёр юм санаанд орлоо.
(Би ингэж дугаарлаж ярих дуртайшд, энэ юуных вэ)

Дугаар нэг : Хүн их жоохон юманд баярладаг тэ. Тэр тусмаа над шиг хүн бол бүр амархан. Манай нэг босс байсын, хааяа нэг л ирдэг. Миний ярихыг анхааралтай сонсоно, дээрээс буусан илүү дутуу шахалт дарамтыг хөнгөлж өгнө, их дажгүй. Тэгээд хамгийн их баярлуулдаг нь, ажлаа ярьж байгаад намайг юм асуухаар, "Өө! Маш чухал асуулт байна!" гэж хэлдэг нь. Ажиглаад байхнээ, хүмүүс ингэж их хэлдэг, хэрэглэдэг юм байна лээ. Маш оновчтой асуулт байлаа, за тэхээр энэ бол... гээд л үргэлжлүүлнэ. Асуусан хүн нь хариултаа авахаасаа өмнө аль хэдийн сэтгэл хангалуун ккк.

Гэхдээ магтаал илт худлаа бол бүр дургүй хүрдэг. Би их сонин, ер нь итгэмхий талдаа. Хүний хэлснийг барагтай бол тэр чигт нь итгэчдэг. Намайг хуурах, цаанаа далд санаа агуулах шалтгаан байгаа гэж бодсон үедээ бол өөр л дөө. Нэгэнт тэгээд зууцан бол аймааршд, санаа гэж сабаакийн квадрат, дотуур тамиртай дээрээ тавьчна. Миний энэ гэнэн тэнэг байдал нүүрэн дээрээ илэрч гардаг бололтой, со-д гудамжинд явж байхад элдэв шалдав ухуулга сурталчилгаа, юмаа шахах гэсэн гарууд намайг их оролддог байлаа. Тэд нараас бол болгоомжлоод сурчихсан тул ер нь гайгүй өнгөрнөө.

Дугаар хоёр : Өчигдөр дэлгүүрт явжийтал нэг хүн цочтол барьж авснаа хүүеээ наад хуруу хумсаа хараачээ яанам бэ болоод явчлаа. Тэгснээ нэг дөрвөлжин юмаар хумсыг маань зүлгүүрдэж зүлгүүрдэж за одоо чи гайхамшгийг харна гэнэ. Нээрээ л хумс маань лак түрхсэн юм шиг гялалзаж байна гээч. Шохоорхоод, яасан гоё эд вэ, авчдын билүү гэж бодлоо. 79$ гэнэ, өөр бас бус юмтайгаа. Бүтэн хоёр жил хэрэглийшдээ, хөл гарын хумс чинь мэргэжлийн салонд оролтгүй ингээл гялтганаад явнашдээ дүдадүда гээд л худалдагч залуу мунхруулж өгчийнө. За авы авы гээд картаа гаргаад ирцэн. Тэгсэн чинь мань эрийн нүдэнд оч гялсхийснээ, чамд би гоё бүрррр юм үзүүлий гэнгүүтээ нэмээд бие үрэгч давс, тос хоёр бас аваач эд нар майр тасархай шдээ болоод явчлаа. Хэдийн гэсэн чинь нэг нь 79$. Өө яахын бэ, гоё л юм тэхдээ үнэтэйн гэсэн чинь. Тэгвэл ингий, чи нэгийг нь л авчих, нөгөөдхийг нь чамайг ийм үзэсгэлэнтэй болохоор чинь үнэгүй өгч байгаан, харин чи хэнд ч битгий хэлээрэй, гэснээ ирмэж мирмээд ч байх шиг. Нөгөө онигоон дээр гардаг шиг муухайгаа мэджийнэ гэмээр л боллоо. (муухай ч биш, хөөрхөн ч биш, нүдэнд дулаахан гэдэг чинь л би.)Өө яахын бэ нөгөө хумсны юмаа л авчаад явлаа гэсэн. Дахиал хоёр өөр юм гаргаж ирснээ, за тэгвэл чи энийг авчуул би энийг нь өгөөд бас тэр хоёрыг нэмээд өглөө гээд унахын. Миний сэтгэл дэх шохоорхлын гал хэдий нь унтраад эхэлцэн, за яахав нэгэнт авна гэцийм чинь гээд нэрэлхсэндээ 79$ийнхээ хайрцагтайг л төлөх гээд зогсоод байлаа. Худалдагч залуу мангайсан амьтанд баахан юм шахчих алтан төлөвлөгөө нь нурсанд урамгүй янзтай, за тэгвэл 90$оо төл дөө гэж байна. Юу билээ гэсэн, нөгөө л таксыг нь мартчиж. (юм авахад 13% такс нэмж төлдөг) Арай ч дээ бараг 100н цаас гэж бодонгуут ухаарал сэхээрэл!!! Нэрэлхээд нэрээ идэх биш, хуруу хумсны рекламанд тоглох ч биш, би ер нь юу ч авахаа болилоо гээд яваад өгсөн. Гэртээ ирээд нетээр харсан чинь тал үнээрээ байж байлээ. 5$ гээл адилхан зүлгүүр ч зөндөө. Том шатах дөхсөн байлээ. Тэр худалдагч давралгүй ганцыгаа зарцан бол тэ. Тэхдээ надад бол сайн хэрэг болсон. Дүгнэлт нь, магтаалыг хэтрүүлж, худлаа хэлж болдгүй байх нь. Над шиг мангуу хүн хүртэл тэрийг мэдэрдэг байх нь.

Гоё юмнуудаа үргэлжлүүлий :р

- Онгод ундраад л блог бичих, надаас ийм уран цэцэн үг гардгиймаа гэж биеэ бишрэх
- Олон коммент авсан байх, тэрийг нь унших (коммент үлдээгээчээ гэж өдөөн хатгаж байгаа хэрэг ооооооогтхон ч биш шүү :р )
- Санаандгүй аятайхан зураг дарцан байх (санаатайгаар гоё зураг дардаг болтлоо азанд л найдах юм даа)
- Англиар торолгүй ярих (энэ бас азны асуудал, хааяа нэг овоо түгдрэлгүй яриад байдгийн, ямар тохироо нь бүрдсэн үедээ тэгдгийн бөөмэд)
- Сүүлийн үед энэ дууг таалан соёрхсон, бодвол нөгөө дотор суудаг 16тын л явуулга байх :р

16тай хүмүүс хаа сайгүй байнаа :р

Алимны модны эрэлд...

2011-11-04T05:53:00.003+09:00

Ихэвчлэн, гарчигаа эхэлж тавиад, бичих юмаа бичээд, агуулгыг нь харж байгаад шошго оноодог юм. Энэ удаа эсрэгээрээ, Job Search гэдэг шошго түрүүлээд наачий. Нэг хэсэгтээ л романтик, уран халилаас хол, иймэрхүү уйтгартай сэдвээр бичих нээ...

Алимны мод тарьж ургуулаад, үр жимсийг нь борлуулдаг компани байжээ. (амарханаар жишээ татсын, нөгөө "хазуулсан алим"тай бол ямар ч холбогдолгүйм шүү) Би тэнд модны өт түүдэг ажилтай. Энэ ажлаа алдвал өөрийг яаж олох вэ? 6 сарын өмнө ажил хайх хичээлд сууж байхдаа сурсан зүйлсээ эргүүлэн бодож байна. Дараах үе шат хэрэгтэй :

1. Хүрээгээ тэлэх буюу networking
Танилын тоо ихсэх тусам ажил олдох магадлал өндөрсөнө. Канад дах ажлын байрны 80% нь огт зарлагдалгүй эзнээ олдог гэсэн. Дандаа танил тал харж ажилд авдаг гэсэн үг байгааз. Монголд л арын хаалгагүй бол хэцүү гээд байдаг, энд ч бас тийм юм байлээ. Гэхдээ мэдээж чадваргүй хүнийг хаалгадаад чихнэ гэж үгүй байх л даа. 100 өрсөлдөгч дундаас уг компанид ажилладаг хүний санал болгосонг илүү онцгойлж авч үзэх нь нэг бодлын үндэслэлтэй л асуудал. Шинэ оронд, танил тал бараг байхгүй нь ойлгомжтой. Азаар миний мэргэжил онлайнаар хүрээгээ тэлэхэд их дөхөм юм. www.linkedin.com энэ сайтад ижил төстэй салбарт ажилладаг хүмүүс, мөн ажлын зар, шинэ боломжуудын тухай олж мэдэж болдгийн. Фэйсбүүк шиг сүлжээний сайт, гэхдээ зөвхөн мэргэжлийн хүрээнд. Саяны хэд хоног тачигнатал баахан холбоотон (ФБ хэллэгээр бол найз) нэмлээшд. Бас хоёр ажлын зар олж авав.

2. Resume & Coverletter
Resume бол түүх, coverletter бол реклам гэж сонссон юм байна. Өөрийгөө рекламдаж, өмнөх ажлын түүхээ эвтэйхэн бичсэнээр ярилцлага хийх боломжийг олж авна. Солонгосоос анх ирэхэд миний resume дээр А алимны компанид тэдэн жил, Б компанид тэдэн жил гэсэн хоёр мөрнөөс өөр юм байгаагүйн. Сургалтанд суугаад 3 хуудас болгож өсгөсөн (мантууны гурил өсгөдөг шиг) Өтийг хэрхэн үр ашигтай, зохион байгуулалттай түүдэг байсан тухай, өт ихээр үүрлэдэг газрыг олж мэдэх гайхалтай аргыг бодож боловсруулснаар компанидаа ямар том хувь нэмэр оруулсан тухай, өт түүдэг бүхий л брэндийн апраадтай ажиллаж чаддаг тухай, ирээдүйд өт үүсэх магадлалтай газруудад урьдчилан сэргийлэх арга хэмжээг хэрхэн чадварлагаар авсны үр дүнд, алимны амт чанар яаж сайжирсан тухай... бурж өгнө шүү дээ. Өөрийн хийж байсан ажил, түүний үр дүн, компани дотроо гүйцэтгэж байсан үүрэг хариуцлагын тухай овойлгож, товойлгож, тодруулж, томруулж, тонтойлгож бичих хэрэгтэй. Гэхдээ огт үндэсгүй худлаа бол болохгүй л дээ. Хэтрүүлэг, дэврүүлэг бол зайлшгүйм билээ. Азиас ирсэн даруу зангаараа байвал хүмүүс улам л дарж ойлгоно, иймээс аль болох өөд нь дээш нь татсан үгсийг хайр гамгүй хэрэглэх нь зөв. Мөн тодорхой тоо баримтыг дурдвал тун зүгээр. Яг үнэндээ миний ажлын үр дүн алимны борлуулалтанд хэдэн хувийн сайн нөлөө үзүүлснийг хэлж мэдэхгүй, гэхдээ совестоороо 15%-20% нэмэгдүүлсэн гэх мэтээр бичсэн байхад зүгээр гэдгийн байлээ.

3. Ярилцлага...
Дараа нь ярилцлаганд дуудагдвал энэ тухай бичий.

хөгжилтэй бичлэг, алим болоод үхрийн нүд(?)ний тухай гардгийн ккк

Halloween

2011-11-02T02:40:00.001+09:00

Сонирхолгүй санагдах байх л даа.

Би өөрөө ч энд ирэхээсээ өмнө ойшоож үздэггүй л баяр байлаа. Бидний багад ч мэддэг байсан бишдээ. Ямар ч учиртай тэмдэглэдгийн гэсэн чинь. 10 сарын сүүлчийн шөнө, үхэгсэд, чөтгөр шуламс нөгөө ертөнцөөс эргэн ирээд, айл айлын хаалга тогшиж, аргалахгүй бол юу яачна шүү гэж айлгадаг тухай домгоос үүдэлтэйм гэнээ. Аль 9 сараас эхлээд л уур амьсгал ороод янз бүрийн юмаа зараад эхэлчдийн байна.

Охиноо баясгах гэж хулуу аваад Жэк-о-Лантерн гэдэг хүний толгойг урлаж үзлээ.

Зураг болоод сийлбэрийн салбарт туурвисан анхны уран бүтээл гэхэд овоо байгааз ккк. Өөртөө их урам өгөөд байгаа. Лаа асаачихаар хөөрхөн харагддийн байлээ.

Хаузтай айлууд гэрээ их гоё чимэглэсэн байсан. Үхдэл, шарил, сүнс, чөтгөр гээд байхгүй юм алга. Очихоор янз бүрийн чимээ гараад л. Бас мэдээж хулуунууд. Оройн хоолоо идчээд охиноо дагуулаад чихэр цуглуулсан. Манай хүн энэ жил жоохон болохоороо нэг ийм эрвээхэйн далавч, гүнжийн титэм, шидэт саваа гуравт хууртаад бөөн баяр. Би ямар хөөрхөн болоо вэ гээд л баярлаад сүйд. Өөр хүүхдүүд бол лаг лаг хувцас өмсдгийн байлээ. Бүх дэлгүүрүүд нь төрөл бүрийн өмсгөлөөр хахаастай даа. Нэг өмсгөөд хэрэггүй болох юм чинь гээд би бас жоохон татганаад ккк.

Том хүүхдүүд нь бүлэг бүлгээрээ нийлж аваад шуудай шиг уутнууд үүрцэн айл айл хэсдэг юм байна. Манайх шиг жижгүүд нь аав ээжийгээ ардаа уут бариулаад дагуулцан, айлын хонх дараад л гүйлдээд байна. Бөөн хөөрцөг, ямар гоё баяр вэ гээд байсан. Надад ч бас их таалагдсаан.

Гартаа барьсан саваа дүүртэл чихэр жигнэмэг цуглуулсан даа манай хүн.

Завшаан

2011-11-01T01:49:00.001+09:00

Зүгээр л энэ үг толгойд ороод ирчлээ.

Дэмий суух завшаан. Бусдын өмнө ч, өөрийнхөө өмнө ч... юу ч хийхгүй зүгээр сууж байх шалтгаан үүссэн завшаант мөчид бичиж байна. Хүлээж байна, татаад авахнуу түлхээд унагахнуу. Ноороглож хадгалчаад хариу гарангуут публишдэнээ.

Өнгөрдөг баасан гариг. ( Томоор бичдэгийм болуу.) Баасан гариг байлаа. (Өгүүлбэрийн эхлэл учраас том уу гаригийн нэр учраас том уу? Гараг гэж бичдэг болчлуу? Гэх мэтээр гинжин хэлхээс үүсгээд дэмийрвэл дуусахгүй нь байна.) Би үл ялиг хоцорцон, гэхдээ бас замаараа кофе авахаа мартаагүй, тийм нэгэн жирийн өглөө. Чимээгүйхэн гэтээд өрөө рүүгээ шургачих санаатай мяраасаар орж иртэл бүгд гудманд бөөгнөсөн байх юм. Хүүрррэээээ. Хоцрохлээр арай ингэж хашраадаг болцон??? (Энэ бас их сонин өгүүлбэр байна. Тэхдээ яахав засахгүйээ. Шууд үргэлжлүүлнэ.)

Асуулаа, юу болоод байнаа? Хэнээс? Пакистанд төрж, Канадад өссөн, нүд хөмсөгний цуглуулга залуугаас. Эхэндээ манийг "мисс" гэж дуудаал энгэр цээж рүү хараагаа билчээгээд байдаг байснаа, миний зүгээс төлөв төвшин, үл масслах, үл реакцлах таагчигийг барьсны хүчинд сонирхол нь буураад дуугарахаа ч байсан гар, гэж түүнийг товч танилцуулаад, яасын бол гээд эелдэгхэнээр асуутал... Би ч мэдэхгүй байна, тэрнээс асуу гээд хараажийн босс царайт руу заажийна. Босс царайт улам босслог төрх нүүрэндээ тодруулаад, түр хүлээж бай, удахгүй мэднэ гэлээ. Мэдээлэл өгөөгүй пакистанд 0,00099 секунд гоморхоод хэл ус нэвтэрдгээр нь со инженерээс лавлав. Лав лав, улам бүр гүн хахаха... (Шоконд ороод энэ хүний мэдрэл муудчиж. Сурв. гэж бичиж үзмээр санагдсиймаа. Гилийн гатантаан өршөөгөөрэй.) Цаашдын хэтийн төлөвлөгөөгөө зарлана гэнээ гэсэн хариу авлаа, гэхдээ түүний харц надад илүү ихийг хэлсэн билээ. Муу мэдээ гэдгийг бараг зөнгөөрөө мэдэрсэн байж болох.

Үргэлжлүүлээд уран гоёор бүгдийг нь бичих гэтэл менежер маань болох орос залуу, хэлээ үл ялиг хазаж ярьдгаас биш царайлагдуу билээ, надаас цэрвээд байгаам шиг санагддагийм, гэхдээ сая аятайхан зүйл хэлсэнд нь болоод магтмаар санагдчлоо; ирээд надын гэрээг нэг сараар сунгасан тухай чихэр шиг үг хэлчээд явлаа. Тэхээр ямар ч байсан сүх далайлт нэг сараар хойшилжээ гэсэн үг.

Юу болсныг үргэлжлүүлээд цөөн үгээр хэлвээс. Тэр өглөө тийнхүү бүх хүмүүсээ цуглуулаад, энэхүү прожект ямар амжилттай явж байсан атлаа бас уналтанд орсон тухай, иймээс эх компани нь уг төсөлд хөрөнгө оруулалт хийхээ зогсоож байгаа тухай, иймээс өнөөдрийн энэ цаг мөчөөс эхлэн сонсогч эрхэмүүд (бид) ажилгүйчүүдийн эгнээнд шилжин орж байгаа тухай уянгалуулан мэдээлсэн билээ. Хүмүүст хэцүү байсан байх, зарим нэг нь уйлаад л, үлдсэн хэд нь барайгаад л. Ингээл нэг өглөө шууд ташраар нь халаад хаячдгийн байна. Шуурхай сайхан тээ.

Би ч бас халагдсан байх гэж бодож байтал харин ганц сараар сунгасан гэнэ. Хэн нь яваад хэн нь үлдсэн юм бүүмэд. Юутай ч ажлын байраа янзлаад явахдаа бэлдцэн байснаа буцаагаал бүгдийг нь байр байранд нь хийлээ. Одоохондоо үлдсэн ч гэсэн сарын дараа яах нь тодорхойгүй. Жинхлэх нтр бол бүр үлгэрийн далай. Хаашдаа явцгүй нь илт болсон тул шинэ ажлын эрэлд мордох нь дээ. Бас ч гэж бэлдэх хугацаа өгсөнд нь холбогдох хүмүүст нь талархал илэрхийлээд. Нэг сарын завшаанаа хэрхэн ашиглаж чадах юм болдоо би.

Улаан

2011-10-18T02:40:00.006+09:00

Тэмдэг нэрээр гарчиг тавьдаг моод дэлгэрүүлдгийм билүү...

Хагассайн бүтэнсайнд сайхан амарлоо. Өөрийгөө сайхан эрхлүүлсийн байна.

Эмэгтэй хүнийг сэрлийн G цэг хаана байдгийг мэдэх үү? ShoppinG гэдгийн сүүлийн G гэжийлээшд. Энэ яг үнэн гэж боджаагаа. Хамаг юмаа мартаал, хорвоо ертөнц сайхан санагдаал, хөлс чийхраал, хором мөч яг ингээд зогсоосой гэмээр болдог юм чинь. Тэр тусмаа дотуур хувцасны дэлгүүрт бол бүр ч таашаалтайм билээ. Өөрийгөө хүндэтгэдэг бүсгүй хүн хямд дотуур хувцас өмсдөггүй гэж хаанаас ч билээ сонсчихсон байдаг, гоё гоё тасарцан хүүхнүүдээр рекламдуулдаг, нэр мэр нь хүртэл цаанаа нууцлаг дур булаам дэлгүүр ойрхон нээгдсэн байдаг... Очоод үзлээ, сонирхлоо, өөрийгөө хүндэтгэдгийн хэрээр ганц хоёр юм авлаа. Өмсөж үзээд толинд тусгаж байгаад ганц хоёр зураг ч дарлаа. Нэг л гоё мэдрэмж төржийлээ. Өөрийгөө сээгсий гэж мэдрэх чинь их чухал юм байна шүү. Аан тийн, улаан өнгө өөртөө итгэх итгэлийг нэмэгдүүлдэг гэж бас нэг блогоос олоод харцан, улааныг авч өмсөөд хаашаа л харнав итгэл цацруулаад сууж байна даа. Үг үсэг бүрээс ө.и.и. ханхалж байгаа байхдаа ккк.

Бас агч модны улаан навч (maple leaf) дарах гээд явсан. Апраадаа зүүгээл навч мод бүрийг дараал урлагийн бүтээл үлдээчих гээл (хаха амихандаа шүү дээ, дүр зураг нь шал өөр боловч дотроо ингэж мэдэрчийгаам) явах тэр цаг мөч бас их кайфтай байдгийн байна. Үр дүн нь сэтгэлд хүрэхээр зураг гараагүй ч, үйл явц нь сайхан, таашаалтай байлаа...

Охиндоо бас хэдэн хувцас авсан. Томрох тусмаа гоёж гоодохыг мэдээд, ямар гоё хувцаснууд авч өгсийм бэ баярлалаа гээд үнсэхээр нь тэнгэрт нисмээр л болжийлээ. Улаан цамц, хөх дээр улаан дугариг толботой юүүбк, тэрүүнд нь тохирсон хүзүүний алчуур гэх мэт авсын. Өөртөө авснаас л илүү кайф мэдрэгдэж байхым.

Далайн(?) давстай халуун баннд хэвтсийн байна. Энэ их өчүүхэн юм шиг мөртлөө миний хэдэн жилийн мөрөөдөл биелж байгаа нь тэр. Со-д байхад баннтай байранд амьдарч үзээгүй. Ванкуверт очоод ажил төрөлгүй байж юун тийм тансаглалтай мантай. Торонтод нүүж иртэл байрны ариун цэвэр таалагдадгүй, хичнээн угаасан ч дотор нь суухаас сэжиг хүрээд. Ингээд сая л нэг юм тохироо бүрдэж сайхан болох шив дээ.

Ойрдоо яагаадыг бүүмэд улаан өнгөнд л шунаад байдаг болчлоо. Навчыг хумсаа улаанаар будсан гэнгүүт бас лак авахаар санаархаад эхэлцэн. Дэлхийн дулаарал, хотын агаарын бохирдол, хүн амын ядуурал, S.J. R.I.P гээд л ноцтой ноцтой асуудал байхад миний энэ байж байгаа царайг...ингэж амьдарч болжийнуу ер нь. Том том сэдэв хөндөж, том сэтгэх юмсан тээ.

Намар...

2011-10-08T06:08:00.005+09:00

Жижиг жижиг сэтгэлүүдийг
Зүйж наахаар жинхэнэ юм шиг болно …
Б.Эрдэнэсолонго

Харангын энэ дууг анх удаа сонсож байна. Аялгуу нь яасан ч гоё юм дээ. Тохирсон шүлэг цуг хийчих гэж хайгаад олсонгүй, сүүлд нэмэхээс...Энэ дууг л ямар ч байсан яг одоо блогдоо оруулмаар санагдаад бүр болсонгүй ээ. Тэгтлээ их таалагдав.

Хайр бол аналог биш дижитал гэж өмнө нь бичиж байлуу. Тасралтгүй үргэлжлэх шулуухан зам биш, горхи гатлах гээд ойр ойрхон тавьсан хэдэн чулуу шиг л юм...

Нэг цул, бүтэн даавуу биш, олон олон жижиг мэдрэмжийн хэлтэрхийг эвлүүлж оёсоныг нийлүүлж хараад хайр гэж нэрлээд байдгийм бишүү гэж боддог болсон.

10 жилд байхдаа өмсдөг байсан хуучин муу нэхий дээл минь санагдчлаа. Ээж минь л нэхийний өөдөс зүйж оёж өгсөн юм даг. Аминдаа их голдог сон, гэтэл би чинь жинхэнэ ХАЙР өмсөөд гүйдэг байсан байж шүү дээ :)

Сүүлийн гурван бичлэгийн гарчиг нийлээд нэг өгүүлбэр болж байгаан.

Аниргүй шаргал намар

Шаргал...

2011-10-08T04:10:00.005+09:00

Үүүеэээ өнөөдөр хуралгүй гэсэн :)
Миний хуралдах дургүйг яана. Энэ янзаараа бол УИХ гишүүн нтр болох хумсын чинээ ч найдлагагүй шүү...

Ингээд ажлын цагийг шамшигдуулан ойр хавийн навчисын хөрөг зургийг дарж өгчөөд ирлээ. Тэд их баярлаж байна лээ. Зохиомж энээ тэрээ гэж байхгүй ээ, зүгээр л "чиглүүлээд дарах" хэмээх технологийг ашигласан.

Тэнгэрийн өнгө их таалагдсан, шар өнгөтэй хосолдог юм байна.

Нэгэн алдарт гэрэл зурагчны "Шоргоолжны нүдээр" нэртэй уран бүтээлээс зөвхөн гарчгийг нь хуулбарласан.

Энгийн л нэгэн, эгэл даруу навч бүсгүйн хөрөг билээ.

Гэр бүлээрээ салхины аясаар найганхан ганханхан...

Гутлаа тайлаад ном уншаад сууж байгаа тэр бүсгүй бол би шүү дээ. Энэ зургийг навчнууд надад дарж өгсөн юм. (Томруулаад харахаар шар үстэй, би биш нь мэдэгдэнэ л дээ...ингээд сайхан сууж байгаа нь таалагдаад дарчихсын)

Маргааш өглөө эрт босох төлөвлөгөөтэй. Татаруудад хорлогдчихгүй бол фликр дээрээ тавих төвшний (энд тавьснаас бол аягүү өндөр, мэргэжлийн хэмжээнд яригдахаар юм л авах гээд байгаашд хаха) зураг дарах санаа байна.

Мөрөөдөл шиг ариухан дурлалыг л үзэх гэж
Хавар эрт яаран байж нахиалсан
Мөнгөн сартай цуг зуны шөнө хөлчүүрэн
Хайрын дарсыг гунигтай нь хамт залгилсан

Хааяа тэнгэр хуйсганаж шороогоор тургидаг болохоор
Бороо шиврэхэд дагаж уйлдаг
Хараад л баймаар бүсгүй сүүдэрт минь сэрүүцээд явах зуур
Бодолдоон шүлэг хэлж уянгалдаг

Амьдрал хэмээх модны алаг навч билээ

Мөчрөөсөө зүүгдэх намрын навч шиг
Цаг хугацаанаас хэсэг чаргууцалдаад
Мөдхөн салхилахад нь нисэн оддог шиг
Он жилүүдийг бас орхиод л явчих

Хавраас намар хүртэл уйлж нэг дуулж нэг ургаад
Хатан цэцгийн дэлбээн дээр нулимсаа нэг унагаад
Мөнх бусын орчлон надад хаалгаа цэлийтэл нээхэд
Мөчир дээр үлдсэн шархнаас минь ахиад навч нахиална

Амьдрал хэмээх модны алаг навч билээ
Б.Б

Аниргүй...

2011-10-04T02:00:00.002+09:00

Гэрт цагийн зүү нэгэн хэмнэлээр урагшлахаас өөр ямар ч чимээ үгүй. Хүүхдийн инээд, шуугиан, уйлах дуу...өдөр тутмын үргэлж давтагдах асуулт хариулт, харь хэлээр гүнгэнэх зурагтын чимээ... аль аль нь алга. Цайны цагаар гэртээ ирсэн чинь нэг иймэрхүү орчин, ингээд анир чимээгүйн гүүрээр дамжиж өөрийн нууцхан ертөнцдөө бичиглэж сууна. Ахуйгаас тасарч сэтгэлийн гүндээ айлчлан ирэх зав гаралгүй нилээд удсан байна шүү...

Нэгэн найзын санал болгосон "Commencement" гэдэг номыг уншсан. April гэж бүсгүйн тухай гардгийн гэж онцгойлох болсон шалтгаанаа хэлсэн ч, уншаад дууссаны дараа тэр найзыгаа илүү ойлгох шиг болсон...Ээж охин хоёрын холбоос, тэр нандин хэлхээс ямар их амар амгалан, сэтгэлийн тэнхээ авчирдаг тухай ухаарал. Ээж минь миний дээр орших дээвэр мэт, намайг тойроод босгосон үл үзэгдэх бат бэх хэрэм цайз мэт...ээж минь байгаа цагт би тэр нөмөрт нь айх аюулгүй мэт... Жижигхэн үрдээ би бас дээвэр нь, надад итгэн цохилох бяцхан зүрх байгаа учраас би эрч хүчтэй, эцэж цуцашгүй агуу эмэгтэй...

Өөр бас нэг таалагдсан юм. "Эмэгтэй хүн бүрт нууц байх ёстой" гэж хэлдгийн. Би чинь их том нууцтай хүн. Энд бичигдсэн бүхнийг олж уншихгүй хүмүүс байдаг, бас энд хэзээ ч бичигдэхгүй миний амьдралын хэсэг байдаг... Нууц бүхэн нууц хэвээрээ үлдэх хэрэгтэй гэж бодсон минь зөв байжээ...

Өөр сонин хачин гэвэл, ажлынхаа хаяанд нүүгээд ирсэн. Гэртээ ирж цайгаа уух гоё байна. Ангийн хүүхэд гэр бүлээрээ хүрээд ирсэн. 10 гаран жилийн өмнө төгсөөд ийш тийш одохдоо энд дахин эргэж уулзана гэж бодсонгүй явжээ. Хүний амьдрал хаашаа яаж эргэх нь мэдэгдэхгүй болохоороо сонирхолтой юм даа...

Цахим шуудангаар ирсэн захидлуудад

"Чи минь өдрийн од шиг үзэсгэлэнтэй охин шүү дээ..." гэж
хар багын найз минь өнөөдөр бичжээ
Тэр минь зураач юм

"Та бол миний шүтээн шүү, үүрдийнх!" гэж
хорин хоёртой хөвгүүн бичжээ
Тэр уншигч минь юм

"Мэргэн цэцэн охин минь сайн уу?" гэж
харийн шаргал үст найз минь захиагаа эхэлжээ
Тэр зохиолч юм

Мэндэлсэн бүхнээс сайхан үг дуулж
Мэдэхгүй хүмүүсээр ч хайрлуулах болов
Би аз жаргалтай байна
Гэхдээ илүү аз жаргалтай байхын тулд
жинхэнэ үнэнийг л хэлмээр байна:

Би хэзээ ч үзэсгэлэнтэй байгаагүй ээ!
Бүдэгхэн царай минь надад үргэлж
Бүхнээс хайртай аавыг минь л санагдуулдаг
(Үхлийн өмнө аав минь яг
Үүлний цаахнаас ширтэх хэн нэгэн шиг
үнэн холын гүн төрхтэй харагдсан сан)
Үнэндээ миний жинхэнэ төрх бол
Үүлний царай юм
Усны царай юм

Би хэзээ ч хэн нэгний шүтээн болохыг хүсээгүй ээ!
харин хэн нэгнийг үргэлж
зүрх, тархи, мөрөөдөлдөө шүтэж явдаг
Би навчийг шүтдэг, салхийг шүтдэг,
Уйлж байгаа нэгний цэвэршиж байгаа нүдийг шүтдэг
Дөнгөж төрсөн нялх амьтнаас олж хардаг
Амьдралын дээгүүр дүр төрхийг хязгааргүй шүтэж биширдэг

Би үргэлж алдаа хийдэг, тэгээд орондоо уйлдаг
Бодоогүй үгээ ч хэлчихдэг
Мэргэн ч, цэцэн ч биш нэгэн

Би хүүхэд шиг л мөрөөдлийн үүлэн дээр зүүдлэн амьдардаг,
Эрчүүдийн чанга дуунаас айдаг
Жижигхэн охин.

Жижигхэн охинд байгаа онцгой ганц л зүйлийг харин мэднэ
Тэр бол хэн нэгнийг өрөвдөж хайрладаг зүрх
Жижигхэн охин руу яагаад дандаа сайн хүмүүс ирдгийг
Жижигхэн охиныг тэд л
гар дээрээ өргөж явдгийн учрыг бас мэднэ
Тэр бол шүлэг.

Л.Ө.

Тодруулсан хэсэг нь надад яг таарсан санагдаад. Хайртай яруу найрагчийнхаа шүлгийг тасдаж зүрхэлсэнгүй бүтнээр нь тавилаа...

Гарчиг л олдохгүй юм

2011-09-14T04:13:00.001+09:00

Хагассайнд үсчин орж, бүтэн сайнд нь гоо сайханд суулаа. Шал өөр хүн шиг болсон байна гэж хүмүүс хэлсэн. Яг миний төсөөлж байснаар будаж өгөөгүй л дээ. Би уул нь аймаар тод, бараг кунфу панда маягийн хав хар смөүки нүдтэй болж үзий гэж бодсон юм. Дараа нь пандагийн зургийг барьж очоод ийм болгоод өгөөч гэж л хэлэхээс... За тэгээд өөр хүн шиг болцон байгаа дээрээ зураг хөргөө авахуулдгийн байгааз дээ. Авахуулцан зургийг чинь үзүүлдгийн байгааз дээ... Ороод ирээд үзээд гараарай, арилгачихаас минь өмнө :р

Април бүсгүй дүрээрээ сууж байна даа :р Хайнга,хальт дэлдэн, онигор нүд, оготор хамартай, самнасан хэрнээ сэгсгэр үстэй, байдгаараа гоёсон хэрнээ цаанаа нэг даруу шинжтэй нэг ийм бүсгүй дээ би. Энэ зургийг даруулчаад шуудангийн хайрцганд орсоон. Одоо лав онгоцоор нисэж яваа биз. Очих хүндээ намайг орлох учиртайм.

Утсан дээрх өөр нэг зураг. Нугас шувуу гэдэг маань мөн л байгаа даа.

Нөгөө л авч ханадаггүй харж ч бас ханадаггүй нуурны маань зураг. Нартай өдөр гялтганаад эрдэнэс асгасан мэт, үүлтэй өдөр гөлтгөнөөд хайлсан тугалга мэт...Салхитайхан өдөр бол бас их ширүүн хайрхан. Энэ нуур хөлддөгийн болуу. Өвөл л мэдэх нь дээ. Дээр Quiza тэгээд байсан, 6хан үгтэй ардын дуу гэсэн чинь:

Нуурааа..ааа..аааа .... ааа аааа чи ииииййй иийййй(яаж дуулдгийг нь мэднийздээ?) хөлдөх гээд байна уу даа ааааййй аааа йййй
Нугас гэдэг амьтан чинь хөөө...өөөөөрхий болноооо доо ....

энэ дууг би хааяа аялдгийн энд ирэхээрээ ккк.

Adele-г зун сонсох гэхээр "хүнддээд" байдаг байсан, одоо л яг сезон нь юм шиг байна. Эвгүйхэн шиг сонсвол уйлчих гээд байдгийн...гайхалтай дуучин шүү. Хүмүүс дахин давтагдашгүй өвөрмөц хоолой гээд юүтүүб дээр их магтсан байдгийн байлээ. Би ч бас тэгж бодоод байгаа. Юүгмээр юм дээ, зүгээр нэг цээл сайхан ч гэдгиймүү, уянгалаг тунгалаг хоолой ч гэдгиймүү. Тийм биш. Мааш их мэдрэмж, гуниг, сэтгэл хөдлөлийг өөртөө багтаасан, баялаг, хүний зүрхийг байлдан дагуулж чаддаг тийм хоолой.

Үе үе сонин сонин юм бодогдоод л.

Хайр дурлал гэж дандаа цуг яригддаг. Англиар бол хоёулаа л зүгээр LOVE биз дээ. Харин надад бол энэ хоёр үг тэс өөр, заримдаа бие биенээ үгүйсгэж, заримдаа бие биенээ нөхдөг, зэрэгцэн оршиж ч болдог, хамгийн уйтгартай нь аль нь ч байхгүй ертөнц...Надад азаар хоёулаа байна, үгүй ядахдаа л би тэгж бодож байна, хоёуланд нь нэг нэг өрөө гаргаад өгсөн ч цаана нь миний зүрхэнд зөндөө зай үлдэж байна, тэхээр ер нь би их уужим багтаамжтай хүн юмаа. Нөгөө талаасаа их шуналтай ч юм уу. Олон олон цэцгийн үрийг сэтгэлдээ тарин ургуулж баймаар байна, нэг нь хагдарлаа гэхэд нөгөө нь цэцэглэнэ биз дээ. Хүмүүсийн сэтгэлд бас дурсамжийн үр цацаад л баймаар байна, хааяа нэг би гэдэг хүн амьдарч байсан тухай хэн нэгэн нь дурсаж байг л дээ.

Дотно. Хамгийн их хэлэх дуртай, мэдрэх дуртай. Гэхдээ бас их аюултай эд. Зайг нь сайн барихгүй бол, хэмжээг нь сайн тохируулахгүй бол хамаг харьцаа баллаад хаяж мэдэх осолтой. Үргэлж хэтэрхий ойртох гээд байдаг над шиг хүн бол жоохон татаж байх хэрэгтэй. Уул нь яг итгэсэн хүндээ л гэхээс баргийн хүнд дөхөж очихгүй л дээ би ч. Гэхдээ итгэлд ч гэсэн хязгаар хэрэгтэй, тунг нь тааруулахгүй л бол ямар ч сайн эм хор болдог...

хүмүүс унтаж байхад ганцаараа сэрүүн байх
хүмүүс сэрээд амьдрал буцалж байхад ганцаараа унтаж байх...

нэг газар ингэж бичсэн. Миний амьдрал энд үргэлжилж байхад хамаг цөм нь тэнд, Монголд байгаам шиг, эргэн тойрны хүмүүс харь санагддаг нь хэвээрээ л байна. Тийшээ эргэж татагдахаа больчихвол буцмааргүй санагдах ч юм билүү. Хэсэг хугацаанд "ягаан"-аар амьдарч байгаад л нутаг буцы даа. (Со-д байдаг хүмүүс бол мэднэ дээ, шөнийн ээлжийн ажлыг ягаан гэдгийн, ойролцоо дуудлагатай солонгос үг бий)

Гэх мэтээр бодлууд эмх замбараагүй урсаж л байна. Тэр бүгдийг бичиж баршгүй бөгөөд тэр хурдыг нь гүйцэшгүй. Хормын дотор энд байснаа тэнд. Хүний бие бодол шигээ орон зай цаг хугацаанд зорчдог бол ямар байх болоо. Мэдээж аймшигтай юм болох байхдаа. Тохирсон гарчиг л энэ бичлэгт олдсонгүй дээ...

Намрын мэнд!

2011-09-06T21:55:00.001+09:00

Хэд хоногийн өмнө монголд хичээлийн шинэ жил эхлээд, 9 сарын нэгэн гээл бужигналаа шдээ. Энд тэр нь өнөөдөр болж байна. Бүх юмнаас 12 цагаар хоцордог шигээ, тэр бүх үйл явдлын долгион одоо л энд хүрч ирж байх шиг санагдана. Гадуур шар автууснууд давхилдаал, хүүхдүүд том том цүнх үүрцэн гүйлдээл. Манай охин хүртэл цэцэрлэг дотроо бэлтгэл ангид элсэн орсон. Хадгалж байсан цагаан тирког нь өмсгөөд тэрүүхэндээ их догдлов. Надад яагаад ч юм цагаан тирко нэг л онцгой билэгдлийн чанартай санагдаад байдгийн. Дараа нь угаахад л ядаргаа болохоос.

Намар яг л цагтаа иржээ энэ жил. Өчигдрөөс гэнэт сэрүүсээд, навч шарлаад эхэлцэн. Намар хатагтайд зориулж блогийнхоо хувцасыг бас солилоо. Энэ навчтай скиныг аль дээрээс л бас хадгалаад байсийн ккк.

Мод шарлах нь,
Нэг л өглөө намар болчих нь
Шинэ үл таних баярыг түрнэ.
Танигдахгүй, шинэ бүхний гүнд
Баяртай учралууд бий мэт
Тэсгэлгүй бодол сэрчигнэх нь
Хаа эртийн биелээгүй мөрөөдөл шиг.
Огт танихгүй бүсгүй инээмсэглэчихээд
Хажуугаар өнгөрөх нь
Хаа нэгтээ болсон учрал шиг.
Ахиж хэзээ ч тааралдахгүй
Тэх бүсгүйн сүрчигний үнэр,
Алхаан дороос хааяа нэг навч шужигнана.
Мод хамгаас гоо,
Дун шар навчсын гүнд байх цагтаа
Нэг л салхинд нүцгэрчих нь
Хачин, нууцлаг, ганцхан удаа бодогдсон,
Хайхрамжгүй, одоо мартагдсан хүслийг
Сэрээж ядна.
Тэнгэр цэлмэх нь,
Цэлмэх тусам нь сэрүү унах нь
Намайг зуурдын нойрноос дуудаж,
Үүрдийнхээр бүүвэйлнэ.
Ингээд үхлээ гэхэд,
Хоёр дахь амьдрал гэж байдаг бол
Эргээд яг энэ л заяандаа унах юмсан.
Хэзээ ч биелэхгүйг нь мэдсээр атлаа
Мөрөөдөж ханахгүй явсан бүхнээ
Ахиад үнэн голоосоо мөрөөдөх юмсан.

Г.А.

Norwegian Wood

2011-08-30T13:50:00.000+09:00

Ммм... яг юу гэж бичихээ мэдэхгүй байна. Гэхдээ л энэ цаг мөчийн мэдрэмжийг яаж ийгээд блог дээрээ хадгалж орхимоор. Сонирхолтой байлаа. Миний төсөөлж үл мэдэх цаг хугацааны тухай...20 хэдэн насанд амжуулж чадаагүй амсаж мэдрээгүй зүйлс яасан ч их байсийм дээ гэж харамсах сэтгэл төрсөн. Эсвэл би мартсан л болохоос, анзаараагүй л болохоос тэр он жилүүд дүв дүүрэн өнгөрсөн ч юм болуу. Мэдэхгүй. Уншингаа ФМ сонсож байтал гэнэт аймаар уйлсан. Тухайн үедээ юунаас болоод уйлснаа ч анзаарах сөхөө байгаагүйн. Хүний бодол гэдэг юутай хурдан юм дээ. Тэрний дуулсан тийм дуу тэддүгээр байранд оржээ гэхийг сонсоод тэртээх өдрүүдийн дурсамж ой ухаанд гялбан орж ирсэн байх, ФМ сонсоол ирээдүйг мөрөөддөг асан тэр цаг үе, гэнэт энэ бүхэн эргэж ирэхгүй ард хоцорсон гэж бодохоор аймаар харуусалтай санагдсийн болуу. За мэдэхгүй юм даа, юм болгоныг яагаад тэгсэн юм бол, ямар учраас тэгдэг юм бол гэж шалтгаан хайхаа больсон нь дээр ч юм шиг.

Хоёр охин гардгийн. Надад Мидори нь таалагдсан. Илэн далангүй, чин сэтгэлээсээ байж чаддаг, манай гол баатар ч бас тиймэрхүү л дээ. Нэг бол нуугдаад таг болдог, харин хэлэх дээрээ тулвал үнэн сэтгэлээсээ. Энгийн, өөрийнхөөрөө байж чаддаг хүмүүст би ямар дуртайм бэ. Харин би тэгж чадахгүйм, үргэлж л алхам бүрээ цэгнэж дүгнэсээр...За энэ ч яахав. Хавтсан дээрх зураг лав Мидори байхаа. Нөгөө охин нь лав бишээ. Түүний түүх хэтэрхий гунигтай, бас амьдралаас тасархай. Рейко бас таалагдсан, гэхдээ 13 настай лесби охины түүх л жоохон тиймхэн.

Номын сангаас шинээр нь шахуу авсан юмсан, хэд хоногийн дотор үзүүрээс нь үрчийлгээд хорчийлгоод амжжээ. Номны эрлэг байнаа. Дараагийнх нь ашгүй хатуу хавтастайм билээ. Манай охин бас намайг дуурайгаад гуталны эрлэг. 3 өдөр өмсөөл хошууг нь цоолоод хаях юм.

Байгаль орчин, эргэн тойрныг дүрсэлсэн хэсэг нь ерөөсөө нүдэнд буухгүй юм. Үгийн баялаг тэр хэсгээр сох дутаж байна. Харин өөрийн сэтгэлээ, мэдрэмжээ илэрхийлсэн хэсэг нь бол их ойрхон бууж байсан. Ер нь ном уншихын давуу тал нь зохиолын баатруудыг өөрийн төсөөллөөрөө амилуулж, үйл явдлыг өөрөө дэргэд нь байгаа мэт мэдэрдэгт байгаан болуу. Кино бол хэн нэгний дүрслэлээр дамжуулж харах хэрэгтэй. Киноных нь трэйлэрийг харсан, одоохондоо үзмээргүй санагдсаан.

Ерөнхийдөө сэтгэл хөдөлгөсөн, уншууртай ном байнаа. Энэ хүний зохиолыг бараг анх удаа уншиж байгаан байна. Хүний зүрхэнд хүртэл бичиж чадах юмаа. Орчноос тасартал... Дэндүү их амиа хорлолт гардаг нь л тиймэрхүү. Япон хүмүүсийн онцлог юм байх даа.

Анх удаа огт засаж, редакторлолгүйгээр бичлэг хийж байна. Ном уншингаа уусан хагас шил виноны ид шид байхдаа гэж ккк. 8 сар удахгүй дууслаа. Нээг их сайхан бороо ороосой гэж бодогдох юм. Гуниглаагүй удсан байна. Бүрхэгээр далимдуулан сайхан гуниглаж суух юм сан ккк. Янзан бүрийн мэдрэмж сайхан шүү дээ тэ. За үг холдлоо, унтахаар одсугай.

Better in Time

2011-08-24T05:33:00.000+09:00

Өдрийн цайгаараа машинаа унаж гараад одтой ногоон орж аяга капучино бариад араажуугаа чанга дээр нь тавиад амандаа дуу аяланхан давхина...

Миний мөрөөддөг байсан "ажил хэрэгч", "биеэ даасан" эмэгтэйн дүр төрхийн нэгээхэн хэсэг нь шүү дээ. Өчүүхэн жижиг байж болох ч хүслийн минь хэлтэрхий биелсэн нь гоё. Амьдралын урсгал тойргоор эргэлдэн, цаг хугацаа давтагдаад л байх шиг санагддаг ч, үл ялих өөрчлөлтүүдийг анзаарч чадвал урьдынхаасаа сайжирч, дэгжиж дээшилсэн "БИ"-гээ олж харах юм...

Yeah it's getting better in time...

Хувь заяатайгаа би ... эвлэрэх дургүй нь сайхан
Хуучин бүхнийг дурсах хэрэггүй нь сайхан
Цагийн юм цагтаа гэдэг үг
Цээжнээс минь гардаггүй нь сайхан

Зовлон болоод ганцаардал гэдэг үг
Зөвхөн надад хамаатай байх нь сайхан
Ярихын аргагүй сэтгэлийн хөдлөл
Янз янзын үед илрэх нь сайхан

Хүссэн бүхэн шаналал болж
Хүсээгүй зовлонг надад авчирах нь сайхан
Өнө эртнээс надад зориулж бэлтгэсэн
Өгөөмөр зовлонг жаргал шиг эдлэх нь сайхан

Эдэлж эдэлсэн энэ жаргалаасаа болж
Эрлэгт очоогүй байх нь сайхан.
Харин тэр үед би харамсалгүй
Харамж шан адил зовлонгоо дааж чадах нь сайхан.

Б.Галсансүх

Мартсан...

2011-08-23T02:20:00.003+09:00

Мартсан байна гэж гомдов...

Хэзээ нэгэн цагт үнэ цэнэтэй байсан зүйлс, үл тоогдож буланд чихэгдсэн дурсамж, уучлаарай гэж хэлэх ч багадах бизээ, ухаж сайн бодсон бол гараад ирэх л байсан, гэхдээ би тэхийг хүсээгүй. Өнгөрсөн өнөөг холбох цаг хугацааны гүүр... мартахуйн мананд хучигдаад (энэ үгийг би ойрдоо яасан их хэрэглэж байнаа) өнгө бүдэг, дүрс бадаг сүүмэлзэх болж... Гэхдээ тэр өдрүүдийн түүх сэтгэлд нэгэнт байраа эзэлсэн, заримдаа сөхөж харахаас ч зүрхшээмээр эмзэг нандин санагддагийг ойлгоосой...

Хүн тэгээд хүссэнээ мартаж, хүссэнээ л санадаг бол сайхан аа. Хар дарсан зүүд мэт нэхэл хатуу дагах зарим цаг мөчийг бүхэлд нь ой ухаанаасаа арчиж орхиод зөвхөн гэгээн бүхнээ л санаж амьдардаг бол сайхан. Даанч төгс амьдрал гэж үгүй, магадгүй ТӨГСгөл ирэхэд л бүх юм сайхан болдог байх. Тэр цагт ч, миний нандин дурсамжийн нэг нь тэр өдрүүдийн тухай байна гэдэгт итгэнэм...

Ууж үзсэн, амтыг нь мартсан дарс.
Шимж үзсэн, амтыг нь мартсан уруул.
Уншиж үзсэн амтыг нь мартсан шүлэг,
Угтаа эд цөм нэг юм байсныг
Ухаарч үзсэн. Ухаарлынхаа амтыг мартсан
Манантай өглөө шиг, гэхдээ өнөөдрийн биш өглөө шиг,
Манан нь яг манан биш, будан биш, үүл шиг,
Мартагдсан бүхний бүдэгхэн гоо үзэсгэлэн
Усан будгаар буулгасан борооны үнэр шиг
Магад энэ өвлийн турш намайг дагах нь байна.

Энэ насан туршид намайг дагах
Элэнц хуланцын сүнс, хий үзэгдэл шиг,
Энэ амьдралд минь учирсан шиг, үгүй шиг
Амтыг нь мартсан уруул ямархан амттайг
Эргээд нэг саная гэтэл зүүд дууссан байна.
Борооны үнэр сэтгэлд анхилавч, зун дууссан байна.
Бодолгүй уншсан амьдралын хуудас
Тэртээ урд өнгөрсөн байна.
Г.А.

Before Sunrise

2011-08-17T23:18:00.000+09:00

Нойрны бурхан намайг өршөөж би өглөө 5 цагт босож чадлаа. Нуурын эрэг рүү давхиж очоод нар мандахыг харлаа. Гайхамшиг гэж энийг л хэлдэг байх гэж бодлоо. Энхрий ялдам, нил ягаахан тэнгэрийн хаяа, усны мандал бидэртээл.

Ургаж буй нарны үзэсгэлэнтэйг биширлээ. Нар мандахыг харалгүй яасан ч их удсан юм дээ. Амьдрал тэр чигтээ сайхан санагдана...

Их усны чанадаас цухуйж буй нар, асар том гялгар тавган дээр час улаан бөмбөлөг тавьсан юм шиг харагддаг юм билээ. Даанч яаж дарах аргаа олдоггүй, бас ядаж байхад таваг нь далийгаад ккк. Апраадны хөл муу, элсэн дээр суулгахаар тогтворгүй, сүүлдээ газар нь ч далий юм шиг санагдаад байсан. Яг аргаа олвуу гэтэл батрий дуусцан. Дараагийн удаа бэлтгэлтэй очоод урлагийн бүтээл гарч иртэл нь дарнаа дарна :р

Энэ киног олж үзнээ. Одоо болтол үзээгүй гээд боддоо. Тэр харж байгаа, инээж байгаа, уруулаа хазлаад л ичингүйрч байгаа нь яасан ч хөөрхөн юм дээ. Өмнөөс нь догдлоод зүрх цохилчлоо байна.

"Before Sunset"-ийг нь бас үзнээ.

Гунигт дуу аялнам...

2011-08-09T01:03:00.019+09:00

Манан цэцэг.
Монголоор яг ямар нэртэйг нь мэдэхгүй, солонгосууд манан татсан юм шиг гээд ингэж нэрлэсэн гэнэ. Дууны үг орчуулж байтал "замын хажууд ургасан манан цэцэг чиний инээмсэглэлийг санагдуулах үед" гэсэн мөр байхыг хараад ямар цэцэг юм бол гэж хайж үзсийн.

Хэзээ ч биелэхгүй дурлалд, шархалж уйлсан зүрх
Хэтэрхий ихээр хайрлаад, хагацал зөгнөсөн совин
Урууландаа түрхсэн инээмсэглэлээр хөндүүр сэтгэлээ далдалчихаад
Уйтгартайгаа ханьсан, гунигт дуугаа аялнам...

Үдэш оройн цагаар, үл таних замын голд
Үргэж одсон хайр, дурсамжаар дамжин амилахад
Салхинд найгах цэцэгс яг л түүн шиг инээхэд
Санаа нэг алдаад, гунигт дуугаа аялнам...

Балчир хүүхдийн царайнд шингэсэн өтөл зовлон
Бархирч уйлмаар байвч ширгэсэн дусал нулимс
Үрчлээн завсар нуугдсан бүхэл амьдралын түүх
Үйлийн үр мэт, хорвоогийн жам мэт...гунигт дуугаа л дуулнам...

Гурван дуу байгаа. Эхнийх нь дуучны 2 ч дууг би өмнө нь орчуулж байсан. Дуунуудых нь үг маааш энгийн мөртлөө асар уянгалаг, би бүр уярчихдаг юм. Тэр сайхан утга санааг нь бүрэн буулгах чадал үгүйд дандаа харамсдаг.

Нөгөө хоёр дуу нь бас их эртний дуунууд. Тэхдээ би өнөөдөр л олж сонссон. Цаанаа нэг гунигтай мөртлөө одоо сонсоход ч хуучраагүй тийм сайхан. Солонгос нутгийг их санаж үгүйлж байна шүү. НУТАГ гэж дотносон нэрлэмээр. Нэгэн сайхан нартай өдөр эргэж очно доо...

16 настай...

2011-08-05T01:47:00.004+09:00

Саяхан л 30 гарч амьдрал эхэлснээ бичээд байсан чинь юу болоод 16т болчвоо гэжүү :р

Сүүлийн хоёр шөнө дараалан "дурлаж байна" гэж зүүдлэв. Эртээд үзсэн "Adjustment bureau" л нөлөөлсөн байх. Хүн гоё гэхээр нь их өндөр хүлээлттэй үзсэн чинь нэг их таалагдаагүй. Одоо л гоё юм нь эхлэх байхдаа гэж байтал дуусчихсан. Бие биендээ тэгтлээ их татагдаж, бүхэл бүтэн 3 жилийн турш эрэн хайж, тэгээд бүхий л амьдралаа золиослон байж зөвхөн түүнийгээ сонгоно гэдэг... Аль хэдийн "ТОМ ХҮН" болчихсон, муу санаа суучихсан миний хувьд шал панаалтай санагдаад байсиймөө. Тэхдээ амьдралд хэн нэгэн цаанаас нь бүхнийг зохицуулаад байх шиг үе ч үнэхээр байдаг шүү. Гоё санааг өргөн далайцтай кино болгож чадаагүйм шиг. Муугаа мэдэхгүй голомхой болжээ гэж...

За тэгвэл сэрүүн байхдаа үл тоомсорлосон хэрнээ яагаад зүүдэндээ дурлаж мурлаад догдолсон байхуу? Дурлуулагч этгээд нь танидаг хүний царайн дээр киноны гол дүрийг нэмээд хольчихсийм шиг тийм хүн байсан. Өглөө нь зүүдэндээ итгэцэн хачин таашаалтай амьтан босож иржийлээ. Дурлахаар ялгардаг бодис (эндорфин билүү) нь зүүдлэхэд ч бас гардаг юм болуу. Нэг л гоё байсан. Гаднаа бол баргийн юмыг үл тоомсорлодог хашир ТОМ ХҮН болсон ч гэсэн, дотор маань 16тай охин амьдарсаар байгаа нь үнэн бололтой. Зүүдний ертөнцийг тэр охин эзэгнэдэг, өөрийнхөө хүссэнээр зүүдэлж, дурлаж, хүсэж мөрөөдсөөр... Түүнд киноны үйл явдал таалагдаад, өөрийгөө дунд нь оруулчихсан манаргаж явсан нь тэр бизээ...

Ийнхүү шинэ онол мэндэллээ. Би хэзээ ч онол зохиохоо болихгүй байхаа. Эртээд бас нэг онол бодогдоод байсан, дараа санавал бичнээ.

Жинкнээсээ 16тай байхдаа сонсдог байсан дуу. Nick Carter яг л хүүхэлдэй шиг хөөрхөн байх үе. Үгийг нь орчуулж ирээд л гөөмөн дуртай байж билээ.

NKOTBSB (New Kids On the Block + Back Street Boys) гээд цаадуул чинь тоглолт хийгээд яваам байлээшд. Ирэх хагассайнд манай хотод ирж тоглоно гэсэн. Ямар хүмүүс үзэх бол? Маний үеийхэн байх юм болуу. Хүүхэд харах хүн олдвол очих үзэх юмсааан...

30 насанд л жинхэнэ амьдрал эхэлдэг...

2011-07-28T22:50:00.002+09:00

Таалагдаад чирээд ирлээ. Өөрөө өөрийгөө дүгнэж үзлээ. Ерөнхийдөө насандаа тохирсон хэв маягийг агуулж чадсан байна шүү би. Овоо шдээ ккк. Тэхдээ зарим нэг дутуу зүйл байна л даа. Өөр нэмэх зүйл юу байна хэлээрэй...

30 насанд танд байх ёстой зүйлс:
1. Хааяадаа эргээд санахад “Сайхан дурсамж үлдээсэн шүү” гэж бодогдохоор хуучин амраг.
2. Шинэ ажлын санал тавьсан хүн, эсвэл таны мөрөөдлийн эр нэг цагийн дараа уулзахыг санал болгоход шургуулаад гарчихаар өөрт тань гайхалтай сайхан зохидог хувцас.
3. Нас дээр гарсан хойноо хүүхэд, үр ач нартаа ярих сонирхолтой амьдрал, дурсамж дүүрэн үйл явдал.
4. Жарын талыг насалж яваагаа ухамсарлаж цааш нь хийсэн бага ч атугай хөрөнгө.
5. Таныг үргэлж инээлгэж, сайхан энергийг өгдөг найз. Мөн таныг уйлахад нулимсыг тань "тосоод авдаг", дэргэд нь та яг өөрийнхөөрөө байж чаддаг найз.
6. Зүгээр л өөртөө бэлэг болгож авсан ямар нэг маш үнэтэй зүйл. (Түүнийгээ иймэрхүү зүйлийг хэрэглэх эрхтэй эмэгтэй гэдгээ мэдэрдэг учраас худалдаж авсан байх ёстой шүү)
7. Бусдын хайр хүндэтгэлийг хүлээсэн байх.
8. Арьсаа арчлах тохирсон дэглэм, тогтмол хийдэг дасгалтай болсон байх. Мөн 30 наснаас хойш хэлбийж эхэлдэг гоо сайхны бусад асуудлаа шийдэх өөрийн гэсэн арга.
9. Өөрт сэтгэл ханамжийг бэлэглэдэг ажил. Мөн аль аль талаараа сэтгэл ханамжийг бэлэглэж чадахаар амрагийн харилцаа.
10. Таалагдсан эртэйгээ танилцаад авах овсгоо самбаа.
11. Эрүүл мэндийн даатгал.
12. Гэрээрээ дайраад гарах зочдыг дайлахуйц вино, эсвэл виски “жоорлосон” байх.

30 насандаа таны мэдэх ёстой зүйлс:

1. Өөрөө өөрийгөө алдахгүйгээр яаж хүчтэй дурлахыг.
2. Хүүхэд төрүүлэх тал дээр ямар үзэл баримтлалтай байдгаа.
3. Яаж хэн нэгнээс хэрүүлгүйгээр салахыг, мөн ажлаасаа хэрхэн эвтэйхэн гарах арга барилыг эзэмшсэн байх.
4. Нөхөрлөлөө сүйдэхгүйгээр найзынхаа эсрэг яаж зогсохыг.
5. Ямар үед эцсээ хүртэл тэмцэж, ямар үед зөнд нь орхих ёстой вэ гэдгийг.
6. Үдшийн болзоог “дараагийн шатанд” оруулах эсэхээ өөрийнхөө үнсэлтээр илэрхийлэх аргыг.
7. Өөрөө өөрийнхөө уйдааг яаж гаргахаа. Ганцаардсан үедээ яавал сатаардаг болохоо.
8. Таны бага залуу насанд тохиолдсон бүх таагүй явдлууд ард хоцорсон ба дахиж тийм цаг үе ирэхгүй гэдгийг.
9. Хайр дурлал, мөнгөний төлөө юуг золиослож болох ба болохгүй гэдгийг.
10. Хэний хэлсэн шүүмжлэл, сөрөг үгийг чихнийхээ хажуугаар өнгөрөөж болно гэдгээ.
11. Өөрийнхөө буруугаас болоогүй зүйлийн төлөө уучлалт гуйх ёсгүй гэдгийг.
12. Өөрийнхөө хамгийн их таашаал авч чаддаг сексийн байрлалыг.
13. Яагаад хүмүүс "30 насанд л жинхэнэ амьдрал эхэлдэг юм" хэмээн ярьцгаадаг болохыг.

30 насанд таны хийхээ больсон байх ёстой зүйлс:

1. Нэг мэдэхэд л бүх мөнгөө хэдэн тийш тараачихсан байх, эсвэл хий дэмий зүйлс худалдаж авсаар хоосорч гүйцэх явдлууд 20 настай цуг ард үлдсэн байх ёстой юм.
2. Аав ээжийнхээ төрсөн өдрийн мартах бол 20 настай бүсгүйн хувьд л уучилж болох алдаа.
3. Та 30 насандаа “Эрчүүд бүгд хөгийн” гэсэн үзэл бодлоосоо хагацсан байх хэрэгтэй. Орчлонд сайн нь муугаасаа их байдаг гэдгийг энэ насанд аль хэдийнэ мэдэрсэн байдаг.
4. Эцэг эхийнхээ үгийг эсэргүүцэж, зөрүүдлэх нь өсвөр насныхны хувьд л гаргаж болох зан авир.
5. Ямар нэг буруу хэрэг хийчихээд, хөөрхөн харцаараа “панаалдаж” уучлалт эрэхээ больсон байх. Өөрөөр хэлвэл хийсэн үйлдэлдээ хариуцлага хүлээж сурах.
6. Арван жил юмуу их сургуульд муудалцсан найз бүсгүйнхээ талаар муу бодол тээсэн хэвээр байхаа больсон байх ёстой.
7. “Надад тохирохгүй байна” хэмээн байн байн ажлаа солих нь өөрийнхөө байр суурийг олоод эхэлчихсэн байх ёстой 30 настай бүсгүйд тохирохгүй.
8. Өрнөөс өрний хооронд амьдрахаа больсон байх.
9. “Би түүний оронд байсан ч болоосой” хэмээн мөрөөдөж суухаа больсон байх. Өөрөөр хэлвэл байгаа амьдралаасаа сэтгэл ханамж, сайн сайхан талыг олж чаддаг болсон байх.
10. Яг одоо байгаа байдлынхаа бурууг ээждээ тохохоо больсон байх.
11. Өөрийнх нь төрсөн өдрийн төлөө бүх хүнийг ажлаа орхиод ирэхийг дотроо шаардах. Өөрийгөө бүхний хувьд хамгийн чухал хүн байх ёстой гэсэн “Би” төвт үзлээсээ ангижирсан байх.

http://www.goolingoo.mn/index.php?c=4099&sid=4

Нэг ийм ном уншлаа...

2011-07-24T12:27:00.000+09:00

"Цагаан бар"-ыг уншиж байхыг хараад санал болгосон болохоор нь бас л тэр чиглэлийн ном гэж бодсийм. Тэгтэл тэс ондоо, "Eat Pray Love"-той нэг ангилалд багтахаар ном байжээ.

Ингэдийн. Толгой эргэм амжилтанд хүрч чадсан ч эрүүл мэнд, аз жаргал, сэтгэл хангалуун байдлын аль алийг нь гүйцэлдүүлж чадаагүй нэгэн алдартай хуульч байжээ. Тэгсэн нэг өдөр мань эр үхэнгээ алддын, зүрх нь хаагдах дөхөөд. Эмч нар түүнийг удаан амьд явахгүй гэж хэлнэ, ингээд тэрвээр хамаг эд хөрөнгө, ажил төрлөө хаяад Энэтхэг рүү яваад өгдгийн. Хэдэн жилийн дараа, цоо эрүүл, урьдынхаасаа хэдэн арван жилээр залуу, эрч хүчтэй болцон буцаж ирээд яаж ингэж өөрчлөгдсөн тухайгаа зохиогчид ярьж өгч байгаагаар өрнөдөг ном юмаа.

Агуулга нь ерөнхийдөө шинэ зүйл байсангүй, өмнө нь өчнөөн удаа уншиж мэддэг хэрнээ яг хэрэгжүүлэх гэхээр чадал тэнхээ эсвэл хүсэл зориг хүрдэггүй байсан тэр л зүйлсийг өгүүлж байна.

Өглөө эрт босож байх, бясалгал хийж байх, цагаан хоол идэж байх, шинэ зүйлийг туршиж үзэхээсээ айхгүй байх, жинхэнэ хүсэл мөрөөдлөө хайж олоод түүндээ хамаг сэтгэл зүрхээрээ үнэнч зүтгэдэг байх, цагийг дэмий өнгөрүүлэхгүй байх, өнгөрсөн ба ирээдүйд бус өнөөдөртөө амьдардаг, өмнөх аз жаргалаа олж хардаг байх... гэх мэт...Тэгээд энэ бүхнийг яаж бодит амьдрал дээр хэрэгжүүлэх вэ гэдэг талаар аргачлал маягийн юм хүртэл заагаад өгсөн байгаан.

Нээрээ л энэ бүхнийг хэрэгжүүлж чадваас хөгшрөхгүй, өвдөхгүй, өч төчнөөн жил эрч хүчээр дүүрэн амьдрах байх шүү. Надад эхний ээлжинд биелүүлмээр санагдсан нь дараах байна:

1. Сэтгэл санаа гэдэг бол чиний үнэнч зарц байх ёстой, чи өөрөө сэтгэлээ зөв дасгалжуулж, удирдаж чадвал түүнээс хүчтэй зэвсэг үгүй. Сөрөг бодол, гутранги санаа орох бүрийд тэдгээрийг үлдэн хөөж оронд нь сайн сайхан бодлуудын үрийг тарь.
--> Би яагаад ч юм сэтгэл бол өөрийн дур зоргоороо эд, би түүнийг удирдаж чадна гэж бодож байгаагүйн билээ. Энэ номыг уншиж эхэлснээс хойш сүүлийн хэд хоног жоохон урвайх бүртээ албаар гоё юм бодож сөрөг санаануудыг арилгах гэж үзээд байгаа. Үнэндээ сэтгэл зовоод байх зүйл тохиолдоогүй болоод ч тэрүү би чадаад байх шигээ. Оюун ухаанаа дандаа эерэг бодлоор дүүргээд эхлэхээр өөрөө өөртөө хүртэл аятайхан харагдаад, толинд туссан царай маань цаанаа л нэг жаргалтай амарлингуй үзэгдэх шиг. Үргэлжлүүлээд үзнэ.

2. Эрт босох. Ямарваа шинэ дадал зуршлыг биедээ дасгахад 21 хоног хэрэгтэй байдаг гэнэ. 3 долоо хоног гүрийвэл аяндаа бие махбод нь зохицоод ядрахаа больдог гэнэ. Энийг бас үзээд алдах санаатай байна. Халуун зунаар туссан ханиадаа эдгээж байгаад л эхлэнэ дээ (ккк бас л хойшлуулаастай)

3. Мөрөөдлийн дэвтэр.
Ажил, хувийн амьдрал, биеийн үзэмж, санхүүгийн байдал гэх мэт хэдэн хэсэгт хуваагаад хүсэж эрмэлзэж, мөрөөдөж байгаа бүхнээ бичиж, зураг нааж, дүрсжүүлэх. Тэгээд түүнийгээ өдөр бүр хараад сэтгэлдээ зураглан төсөөлөх. Бодлын хүч гэдэг хязгааргүй, нэг л мэдэхэд хүссэн зүйлдээ хүрч чадах болно гэнээ. Мөрөөдлийн самбар хийнэ гээл худлаа болоод байсан. Баатм цаас л олдохгүй байлаа лд ккк. Дэвтэр бол гарын дор байж л байна, даруй өнөөдрөөс эхлэх гэж байгаа.

4. Бясалгал хийж үзэх. Энийг би сайн мэдэхгүй байсын. Тэгсэн их хялбархан арга зааж өгсөн байна лээ. Өдөр бүр тодорхой хугацаанд өөр юу ч бодож санахгүйгээр нэгэн сарнай цэцгийг шимтэн ажиглах хэрэгтэй. Би бол бие нь энд санаа нь тэнд явж байдаг хүн, сарнай цэцгийг 5 минут ч болсон өөр юм бодохгүйгээр ажиглах гэдэг хэцүү л санагдаж байна. Гэхдээ энэ маягаар ухаан санаагаа нэгэн зүйлд төвлөрүүлж дасгалжуулвал оюуны потенциалаа сайн ашиглахад дөхөмтэй гэнэ шүү.

Яг үнэндээ сүүлийн хэдэн бүлгийг гүйлгээд явцөөн. Өөртөө хэрэгтэй санаагаа олчлоо гэж бодсон уу, нуршуу санагдаад дуусгахын мөр болсон. Уул нь бол дэлхий даяар маш их борлогдсон, бестсэллэрүүдийн нэг юм гэнэ, зохиогч нь өөрөө том том корпорацуудад удирдлага, сэтгэлзүйн зөвлөгчөөр ажилладаг мундаг хүн л гэсэн.

Савны багтаамж муутай хүн чинь дүүрчихээрээ халиад хэцүү байх юмаа. Тэхдээ хүн амьдралынхаа туршид өөрийн тархины потенциалын тун бага хувийг нь ашигладаг гэдэг дээ. Атар онгоноороо үлдэж буй тэр их хэсгийг нь жоохон ч атугай хэрэглэх гэж оролдоод үзмээр. Ядахдаа оролдох ч гүй бол сүүлд нь үхэхдээ харамсах юм шигээ.

Миний ертөнц өөрчлөгдөшгүй...

2011-07-21T22:55:00.001+09:00

Битлзын дуунуудыг орчуулж дуулсан цомог гарсан юм шиг байна шдээ. Сая л олж сонслоо. Ойрд мартаад байсан гайхалтай сайхан мэдрэхүй чихээр дамжин хамаг биеэр урсаж байна. Угийн дуртай дуугаа, дуртай хоолойгоороо, Mонгол хэлээр дуулахыг нь сонсох юутай таатай.

Дэлхийн урлаг соёлын өвийг эх хэлээрээ амталж мэдрэх хичнээн сайхан билээ. Сонгодог лагууд нь бол орчуулагддаг байх, сүүлийн үеийн мюзикл ч юмуу дууг бол харин хөрвүүлж дуулсан нь ховор байдаг даа. Иймэрхүү уран бүтээл цаашаа улам их хийгдээсэй билээ.

Онтарио

2011-07-19T06:29:00.001+09:00

Миний хамгийн дуртай газар. Хожим энэ нуурыг л хамгийн их үгүйлэх байхаа.

Нуур нэртэй ч тэнгис шиг зах хязгаар нь үл харагдах агуу их ус юм(19,529 км2 талбайтай) Халуунаас зугатаж эрэг хөвөөгөөр нь алхахад сэрүү татаад л сайхан. Хойд Америкийн 5 том нуурны нэг бөгөөд уугуул индианчуудын хэлээр "Гялалзсан уст нуур" гэсэн үг гэнэлээ.

Хамгийн доод талын цэнхэр цэг нь манай гэр, арай жоохон дээр байгаа нь ажил, бүр дээд талын улаан нь Торонто хот. Нуурынхаа эргийг эмжээд гол гол хотууд нь суурилсан байдгийн билээ. Онтарио гэдэг мужаа бас энэ нуураар нэрлэсэн юм байна.

Ус нь их тунгалаг. Амсаад үзсэн давсгүй юм байлээ.

Цахлайнууд ч бас халууцсийн байлгүй усанд хөлөө дүрчээл маадайтал алхацгаана.

Нохой гаслам халуун гэдэг нь болсоон. Энэ ноход гаслаагүй ч усанд сэрүүцээд сайхан тарвалзаж байх шиг. Монгол нохой уснаас айдаг билүү.

Чулуу түүж тоглосын. Тэр голын бөөрөнхий чулуу хүн зурсан юм шиг таван хушуу, цэцгэн хээтэй, сонин байгааз?

Red hot chilli peppers

2011-07-15T22:48:00.003+09:00

гэдэг хамтлагийн дуу...

Сөрөг бодлууд замхарч байна. Ямар нэг зүйл өөрчлөгдөөгүй хэрнээ аяндаа л. Сайн хэрэг шүү. Сэтгэл санаагаа амар амгалан, эерэг хандлагатай байлгах гэдэг ФМ-ийн радио хайхтай адилхан ч юм шиг санагдсаан. Тодорхой үелзэл дээр тохируулж барьж байхын тулд тухайн хүнээс чармайлт хэрэгтэй, жоохон гажвал илүү дутуу чимээ шуугиан орж ирээд хамаг юм бусниулаад хаячна. Мэдээж антенна нь долгионоо сайн мэдэрдэг байх хэрэгтэй л дээ, тэхээр бие эрүүл, өвчингүй өргүй байх нь чухал. Тэр антенна биеийн яг аль хэсэгт оршдогийн болоо. Заримдаа надад аз жаргалтай мэдрэмж гэдэснээс эхлээд тархаж байх шиг санагддаг. Ходоод биш шүү :р Хүйсний тэндээс ч юмуу. Минийx лав тэр хавьдаа байдгийм шиг...

Сэтгэл санаагаа удирдах тухай нэг ном уншжаагаа. Гол хэсэг нь гарч эхлээгүй ч ерөнхийдөө юуны тухай өгүүлэхийг нь төсөөлөөд л байна. Тийм ном уншлаа гээд би гэгээрэхгүй гэдгээ мэддэг болсон, гэхдээ л сэтгэл оюуны хэлбэлзлээ доошоо хэт унагахгүй барьж сурахад өчүүхэн ч атугай нэмэр болвол зүгээр юм гэж боджаагаа.

Шууд эхэлдгээр тавихаа больсон шүү, сонсмоор байвал дараад сонсоорой :)

Наадам + Ажил

2011-07-13T04:49:00.001+09:00

Бултаараа сайхан наадсан уу? 7 сарын 1нд Canada Day гэж болсон, 7 сарын 4нд Америкийн Independence Day, тэгээд манай наадам. Аль аль нь тусгаар тогтнол, үндэсний баяр юм. Манайх энэ жил маш олон ойг давхар тэмдэглэх шиг боллоо. Facebook дээр нэг хүн "Celebrate not the anniversary, but the nationality" гэсэнтэй санал нэг байгаа. Тэр олон тоо үнэндээ чухал гэж үү? Монгол үндэстний баяр, Mongolia Day гэсэн утгаар тэмдэглэдэг болвол зүгээр юм уу даа гэж санагдав. Амьдралдаа анх удаагаа ийнхүү зарчмын санаа гаргаж үзлээ гэж :р

Сайхан зун болж байна. Эсвэл эндхийн зун угаасаа ч ийм байдгиймуу бүүмэд. Нарлаг, халуун, тэхдээ сүүдэрт очихоороо сэнгэнэсэн сэрүү татаад л. Яг монголын маань зунтай төстэй. Со-д бол хаана ч шургасан буузны жигнүүр дотроо л байдгаас хамаагүй дээр. Хагассайнд Торонтогийн монголчуудын гэдэг наадамд очсон. Чин үнэндээ барилдаж буй бөхчүүдээс илүү дэргэдүүр гунхах гуалиг хархүү, бүсгүйчүүд рүү нүд бэлчээд болохгүй байлаа(хажууд нь beach байсныг ч хэлэхүү)

Энэ жилийн наадам иймэрхүү л сонинтой өнгөрөх шив дээ.

Одоо ажил хэрэгтээ оръё :р

Миний ширээ нэг иймэрхүү. Цэлийсэн том өрөөнд Онон бид хоёр тохой нийлүүлэн суудаг юм. Ирэх сараас ганцаараа үлдэх нь бололтой. Ононгийн ажлын үзүүлэлт муу байна гэж донгодуулаад, мань хүн ч ер нь энд идээшихгүй нь гэж шийдсэн шинжтэй. Ядаргаатай өвгөн гээл дотроо бачимдаад байсан чинь, яг явна гэнгүүт нь лаг гунихарч нтр. Тэрүүхэн хооронд бас дасчиж туучий гэж. Онон миа байснаас болоод миний ажлын үр дүн их овойж оцойж харагддаг байсиймсан. Оронд нь цоорцон гар ирээд эгч бажгадах вий дээ. Түүнийг үгүйлэх л байх даа ккк.

Тест хийдэг төмөр өрөө. Энэ дотор хаалгаа тасхийтэл хаагаад, цоожоо нь дангинатал түгжээд л ажилладаг юм даа. Гаднаас сүлжээний долгион нэвтрүүлэхгүй гэж хийгдсэн тусгай зориулалтын өрөө. Тэр цаатлын апраад нь өөрөө сүлжээг орлож долгион үүсгэдгийн. Тэр апраадандаа зохих өгөгдлүүдийг нь тохируулаад, утсандаа холбоод л, шаардлагатай бол trace гаргаж аваал. Апраадыг сэрүүн нөхцөлд ажиллуулахгүй бол халаад, алдаа заагаад байдаг тул өрөөн дотор нэн хүйтэн. Өдөржин өвлийн курткатай суухгүй бол хөлдчих гээд байдгийн. Ажил дээрээ юүбк, палаач өмсөж гангардаг лөөлөө болсон, арай л хөвөнтэй өмдөнд орохгүй тэсэж байна ккк.

...

2011-07-06T06:45:00.002+09:00

Ингэж биччээд аягүй бол маргааш арилгамаар санагдана даа...

Юм бүхэн байрандаа орохгүй л байна. Эмх замбараагүй мэт, ирэх өдрүүд тодорхойгүй мэт, төлөвлөгөөгүй, өдөр хоногоо аргацаасан мэт, өнөө маргаашдаа эргэлдсэн мэт санагдаад байна. Энэ бүхэнд сэтгэл дундуур байна. Хэзээнээс эхлээд эмх цэгцтэй амьдардаг байсан гэж ингэдгийн болоо. Цүнхэн дэх хог новш, ширээн дээрх ном дэвтэр, шүүгээн доторх хувцас хунараа цэвэрлэхгүй, цэгцлэхгүй, тэглээ гээд шал тоохгүй байж чаддаг мөртлөө, амьдралын эмх замбараа алдагдсан мэт энэ мэдрэмжинд юунд нь тэгтлээ эмзэглэнэ вэ.

Төгс төгөлдөр лүү тэмүүлэх тусам өөрийгөө голох нь нэмэгддэг мэт. Өмнө нь таалагддаг байсан зүйлс хүртэл өнөөдөр сэтгэлд нийцгүй санагдах нь хэцүү байна. Гүнзгий бодож сэтгэж чадахгүй байгаа мэт, тэрүүхэн тэндээ эргэлдээд байгаа мэт мэдрэгдэх нь ядаргаатай байна. Бичсэн зүйлээ голоод ноорог чигт нь хадгалах нь ихсэв. Уул нь тэгтлээ их зовж зүдэрсэн ч юм алга. Тэгтлээ их сэтгэлээр унаад байх асуудал ч алга. Гэтэл яагаад энэ сонин эргүүлэг шиг гутранги давтамжаас ангижирч чадахгүй байгаан болоо.

Бүүмэд бүүмэд. Төөрөлдсөөр л...

Цэнхэр нүд

2011-07-05T04:32:00.002+09:00

Цэнхэр нүдний гоо үзэсгэлэнг энэ киноноос мэдэрлээ чихшиг ккк. Кино ч дажгүй байсан л даа, ганц удаа ч болов тэр эмийг хэрэглэж үзэхсэн гэж хүсмээр. Тэхдээ нэг амтыг нь үзчүүл бас дахин дахин бодогдоод болохгүй эд байхөө. Аа харин тэр цэнхэр нүд бол гайхмаараа. Яаж тийм гоё өнгөтэй харагдуулдаг байнаа. Амьдаар нь нэг хармаар л...

Өнгө гэснээс орой болгон нуурын эргээр алхдагийн. Усны өнгө, жаргаж буй нарны туяа тэнгэрийн хаяатай сүлэлдсэн өнгө, их гоё харагдахын. Апраадан дээрээ тэр чигт нь буулгаж сурах юм сан гэж бас хүснэ.

Цэнхэр нүд гэснээс 10 жилд манай ангид нэг мисс охин шилжиж ирсийн. Бие гэж согоо, царай гэж марал гоо, өмссөн зүүсэн нь чамин гоо, чухам үеийнхэнээсээ тасарцан охин байлаа. Тэр охин сормуусаа цэнхэрээр буднаа. Тэхэд надад байтугай ээжид, хөх байтугай хар өнгөтэй сормуусны будаг байгаагүй л үе шд. Хөвгүүд түүнд зориулж "цэнхэрхэн сормуустай нүдийг чинь" гээл дуулцгаагаал. Нарийхаан хөлийг нь яг барьж таарсан скини жинсийг нь бишрээл. Шилбийг чинь бариад үзчих үү гээд загнуулжийсан хүүхдийг санаж байна. Мань эр ч бас цэнхэр өнгөтэй холбоотой хүн болсон сураг дуулдсан.

Тэр охин одоо ч бүр гоё болоо байх даа. Гоё хүүхэн гэснээс "Mongolia's got talent" нэвтрүүлгийг үзээд Одгэрэлд бүр дурлачих шахаж байна. Ямар сайхан зохицолтой өв тэгш бүсгүй вэ. 40 настайдаа Одгэрэл шиг харагдах юм сан гэж үлгэр шиг мөрөөдөл бодогдож ч байх шиг. Угийн өгөгдөл сайтай, дээрээс нь өөрөө ухаалаг, зөв арчилдаг байх л даа. Ядахдаа одооны төрхөө дахиад 10 жил хадгалж чадвал болжийшдээ уул нь. Тэгээд 40тэйдээ дахиад 50тай Одгэрэлийг харж inspired болоод л ккк.

Амьдрал тэр үед ямар өнгөтэй харагдах болдоо...

энэтхэг

2011-06-19T22:57:00.002+09:00

энэтхэг гэхээр кино нь л санаанд буудаг байсан. Одоо харин энэ орны тухай илүү ихийг мэдмээр санагдах болов...

Хуучин хотдоо анх буучаад со-д байгаам шиг л санагддаг байлаа. 65% нь азиуд болохоор тэр л дээ. Энд ирсээр энэтхэгт байгаам шиг л амьдарчийна. Өглөө оройд энэтхэг нөхрийн машинд сууж ажилдаа явдаг. Нийтийн тээврийн хэрэгслээр зорчвол 1 цаг 30 минут явах газар машинаар бол 20хон минут. Очоод мөн л хоёр энэтхэг товариштай мөр зэрэгцэн ажиллана. Нэг нь бүгдээрээ таньдаг болсон Онон, америкт амьдраад 12 жил болсон, нас нь 50 гарсан хүн байна. Нөгөөх нь уугуул энэтхэг залуу, надтай чацуум байлээ, одоо 7 хоночоод буцна. Гадуур дэлгүүр хоршоо ороход ч бас дүүрэн энэтхэг хүмүүс.

Нэг хүний блог дээрээс "Цагаан бар" гэдэг номны тухай олж мэдээд эрэн сурвалжилж байгаад авч уншив. Юуны түрүүнд маш уншууртай ном байлээ. Нэг бариад авсан чинь босон суун, хэвтэн уншсаар байгаад дуусгацан. Эхэндээ номон дээрх үйл явдал их л дээр үеийн тухай байх, одоо хүртэл ийм байна гэж үгүй байлгүй гэж бодсон чинь, орчин үеийг л өгүүлсэн юм билээ. Соёл иргэншлээс хоцрогдмол, үгээгүй ядуу, авилгал шударга бус байдал газар авчихсан, цаашлах тусам улам гүнзгий рүү татах намаг мэт, хүн хүн ёсоор амьдрахад хэцүү тийм орчин. Гэр бүл, хамаатан садны хоорондын холбоо маш бат бэх, хэн нэг нь энэ намгаас гарахыг хүсвэл тэр холбоогоо тасалж, мах цусны тасархайнуудаа золиослох шаардлагатай.

Энд надтай цуг ажиллаж байгаа энэтхэгүүд тийм биш байх л даа. Өндөр боловсролтой, англиар ус цас, гадаад оронд ингээд явж байгааг бодоход нэг бол дээгүүр давхраас гаралтай, эсвэл гоц ухаантай, эсвэл маш азтай ч юмуу. Ганцхан номоор бүхэл бүтэн үндэстний тухай дүгнэнэ ч гэж юу байхав. Монголын тухай нэг эвгүй ном уншаад гадаад хүмүүс биднийг бүгд тийм гэж бодвол бас л шударга бус хэрэг биз дээ.

Дахиад өөр ном хайж үзнээ...

Gone baby gone (2007)

2011-06-12T13:06:00.000+09:00

Бас л эвгүй кино байна шүү. Ben Affleck-ийг эртээрийн киноноос хойш овоо "тоогоод" байсан чинь энэ киног найруулсан гэнгүүт бүр үнэллээшд. Гол дүрийн жүжигчинг нь "The Killer Inside me" гэдэг кинон дээрээс харчаад ямар зэвүүн залуу вэ гэж бодож байсан чинь Casey Affleck гээд дүү нь гэнээ. Гэр бүлээрээ шүтүүлчих юм байна л даа.

Өөрөө хүүхэдтэй байж үзээгүй, амьдралын нарийн ширийнийг биеэр туулаагүй хүн зөв гэж бодож гаргасан шийдвэр нь учир дутагдалтай байж болох тухай гардгийн. Үзэж дуусаад сэтгэл эвгүйрхээд л суужийна.

Өдөр хоногууд урсаад л байна. Гүйэ ер нь ч зогсож байсан бишдээ. Тэхдээ зогссон юм шиг санагдах үе байдгаа. Ойрдоо бол гялалзаал мяралзаал жирэлзээл байна. Би сайн, бид сайн, энэтхэг Онон сайн, бүгд л амар тайван байцгаана. Мань эр хааяа даралт ихэстэл дургүй хүргэдэг нь хэвээрээ, угаасаа ч миний like-ддаг type-ийн хүн бишийм билээ. Тэхдээ ямар хамаа байх вээ. "Намайг шатаах гэж илч илгээсэн" гээд Madness-ийн дуун дээр гардаг шиг л бурхан намайг тэсвэр тэвчээр сууг гэж түүнийг илгээгээ юм болуу гэж бодоод байгаа. Ер нь энэ оронд ирсэн учир шалтгаан минь, магадгүй, хүлээцийн, тэсвэр тэвчээрийн, огцом уураа дарах гэх мэт ажиллагаа муутай байсан булчирхайнуудаа хөгжүүлэх алтан боломжийг олгохын тулд цаанаасаа төлөвлөгдсөн үйл ажиллагаа ч юм билүү...

Хөгжүүлнэ гэснээс, өглөөгүүр ортой минь хүлээд хөдөлгөдөггүй нойрны хүлээсийг тасар татан хаячуул гарч гүйгээд булчин шөрмөсөө хөгжүүлээд гоё баймаар л байна. Уул нь "нойрыг унтаж биш сэрж бардгийм" гэж цэцэн мэргэн хүмсийн хэлснийг мэддэг л дээ. Даанч... даанч... даанч... Тэхдээ удахгүй эрт босоод гараад гүйгээд эхэлцэн нтр гэж бичихийг бодноо. Хичээнээ. Чармайнаа...

The Company Men (2010)

2011-06-04T15:17:00.005+09:00

Үнэхээр сайн кино байна. Тэр дундаас өнгөрсөн хугацаанд амссан, туулсан танил дүрх төрх, мэдрэмжийг олж хараад улам гүнзгий хүлээж авсан бизээ. Ажилгүй болох шалтгаан нь хүн хүн өөр байж болох ч түүнээс гарч болох үр дагавар, нөлөө нь хаа газрын хүмүүс адилхан байхымаа. Яг ингэдэг шдээ, надад ч бас ингэж санагдаж байсан гэж мэгээл үзсэн...

Тэр зурган дээр сууж байгаа хүн муу аавыг маань санагдуулаад хачин өрөвдөлтэй. Аавыгаа ажилтай болоосой гэж залбирдаг охин бас охинтой минь адилхан санагдаад... Компьютер асаачаал ээждээ ажил олж өгнөө гээл суудаг, дэлгүүрээс юм авч өгөхлээр энэ хямдхан юмуу гэж асуудаг тийм л охин доо.

Уйлахаар кино биш боловчиг үзэж байхдаа нулимс урсаад байналээ.

Hello June!

2011-06-01T04:25:00.002+09:00

It's a bright
June afternoon
It never gets dark
yeah yeah

гэдэг дуутай адилхан зуны зургаадугаар сар маань эхэлж байх шивээ...

Ажлын хүн мэйл явуулна гэчээд таг байхаар нь гайхаал суужийсан чинь мань эр андуураад June гэдэг хүн рүү явуулцан байвал яахуу. Сар болгон нэрээ сольдог гэж бодсийм болуу :р

Чихэн дээрээ сахалтай, нүд нь асарр бүлтгэр, могойных шиг бултганадаг нимгэхэн, магадгүй үзүүртээ жижигхэн өөтэй хэлтэй, будлиу мунгинаа нь надтай яг эн дүйцэм нэгэн хүмүүн төрөлхтөн миний зэргэлдээ орших авай. Адилхан шинэков юм байж нэгнийгээ ингэж яахнав чи хэмээн ёс суртахуун хүнлэг сэтгэл минь загинав чиг... эгдүү, гэдэн хоёр өөрийн эрхгүй өндөлзөн хөдлөөд байхыг дарж үл чадах нь гагцхүү миний бодь мөрийн чанар дутсаных буй заа.

Хэмжээ гэж өчүүхэн, хурд гэж маруухан уураг тархи маань төвлөрчих санаатай ухнатан суухад байн байн баруун зүгээс их хэмжээний interruption орж ирэх нь угаас нарийхан тэвчээрийн утсыг угз угз татах лугаа адил. Ийм үед төв чиг хандлагыг өмнөө барисгээд, таван минут тутамд асуултаар булахад нь уцаарлачихгүйхэн шиг, мушиймар аядасхийгээд сууж байхыг л хичээж амой.

Цээж хорсоод гашуун хар кофегоо ганц аяганаас илүү ууж чадахаа байсан тул сүүтэй цайгаа санагалзанхан байхуу latte оочлон сууна даа хө :р

Гунигтай үедээ (жоорлов)

2011-05-31T21:23:00.001+09:00

Эрж хайснаа оллоо ч
Энэ амьдралд ханахгүй, тайтгарахгүй
Зол баяр нэг л удаа
Зомгол мэт дүрсхийгээд унтарна
Атга ч хүрэхгүй нурам нь
Амьдрал гэж нэрлэгдэнэ ...

П.Майнбаяр

Гоё дууг мэдэдгүй байсийн байна. Ая нь танил, хаа нэгтээ сонсож л байсан мөртлөө яг энэ дууг болохоор мэдэхгүйн. Дараа гуниглах үедээ сонсоно гээд хадгалчий. Тэр шүлэг нь бас аймаар гоё санагдаад цуг хийчий.

（ツ）

2011-05-28T03:29:00.005+09:00

Бичсэнгүй удсан байна шүү. Хэл ам, хуруу гар эвлэхгүй болчиж. Яг юунаас нь эхлий даа байз. Бишүүрхээд гэрэвшээд байна уу би яагаад байна ккк.

Хэцүүхэн өдрүүд байлаа. Цөхрөл, бачуурал, урам хугаралт, эргэлзээ... Үзүүрт нь гэрэл ёлтойгоод байвч дуусаж барагдадгүй хонгилд орчихсон мэт санагдаж байв. Найдварын нарийхан утсаа тас атгачаад л алхаад байсан, алхаад байсан...

Циркэд олсон дээгүүр явдаг үзүүлбэр байдаг даа. Хүний нутагт амьдралын эх үүсвэрээ олоогүй байхад яг л тэр олсон дээгүүр явагч мэт сэтгэгдэл төрөх юм. Нэг л буруу гишгэвэл ёроолгүй харанхуй руу унах гээд байгаам шиг. Ёроолтой үгүй нь ч бүүмэд л дээ харанхуй болохоор харагдах ч биш.

Тэгж байтал ашгүй нэг ажилдаа орлоо. 3 хонож байна. Урам зориг сэргээд, гэрэл гэгээ цацраад, амьдрал одоо л нэг жигдрэх шинжтэй шүү. Ажилтай байна гэдэг чинь ийм сайхан билүү. Зөвхөн цалин авна гэсэн утгаараа биш. Хаа нэгэн газар харьяалагдаж, хамт олонтой, хийж бүтээх зүйлтэй байна гэдэг чинь асар чухал юм байнаа. Ирээдүй өнгөлөг харагджийна гэж жигтэйхээн.

БИ гэдэг хүнийг бүрдүүлэгч элемент дотор АЖИЛ нилээд том байр суурьтай юм шиг байнаа. Тэр нь дутчихлаар би, би биш болоод, хамаг хүсэл тэмүүлэл, дур сонирхол унтраад цаг хугацаа урсаад байгаа хэрнээ амьдрал зогссон юм шиг байлаа шд. Одоо бол нээх гоё шүлэг уншмаар, гүн ухаанлаг бодолд автмаар, уран халилдмаар санагдаад байна. Урьдын төрхөндөө орох гэж байгаагийн шинж юм болуу.

Одоо би ажилдаа үнэнч байнаа. Бас илүү хүндэтгэлтэй, серёоз ханднаа :р Ажлын цаг бага цалгардуулнаа. Товчхондоо, ажил минээ чамд би хайртай :р

(энэ хайр хэр удаан үргэлжлэх бол???)

How is your heart doing?

2011-04-30T04:58:00.005+09:00

Хэд хоног бужигналаа. Байр саваа цэгцлэх гээд, очоод толгой хоргодох дөрвөн хана олох гээд будилж өгсөн. Тэгж тэгж одоо л нэг амсхийж байна. Чимдаанаа боох л үлдсэн. Нүүнэ гэхээс үстэй толгой арзайдаг болжээ, гэвч яанамб. Өөрийн сонгосон амьдрал тул...

Хүсээд шийдээд ирсэн мөртлөө байсгээл өнөөх асуулт толгойд эргэлдээстэй. Яах гэж ингэж яваа билээ? Үнэхээр миний хүссэн амьдрал энэ мөн үү... Цаг алдаад ч байгаам шиг, эгнээнээсээ хоцрогдоод, орхигдоод, сондгойроод ч байгаам шиг... Газрын мухарт өөрийгөө чихэж орхичоод тэрүүндээ ундууцан бухимдаад байх шиг заримдаа санагдахын...

Миний сэтгэл гэж даварсан этгээд байх юмаа. Завгүй үед олон долоон юм бодогдохгүй амар байж байгаад, сиймхий л гарвал нялхарч нялуурах гээд...Хэтэрхий нимгэн, хэтэрхий нойтон... Зарим газраараа цоорохнээ бүррр... Болдог сон бол гэрийнхээ дээвэр дээр дэлгэж тавиад нар салхинд сэврээж ааруул шиг хатаах юмсан.

Чинийх ямаршуу байна?
How is your heart doing? :D

Өчигдрийн бороо
хэн нэгэн намайг тэврээд авах шиг
тэвэрч аваад
хүзүү ирвэгнүүлэн
"хүрээд ирлээ" гэж шивнэх шиг
тийм бороо байсан.

Өнөөдрийн цас
хэн нэгэн яваад өгөх шиг
хүсэл мөрөөдлийг минь,
бас чамайг мартуулах гэхдээ
"тайвшир, одоо бүхнийг март" гэх шиг
тийм цас хаялсаар...

Маргааш хэзээ ирэхийг
магадгүй намайг тэнд юу хүлээж байгааг
чи мэдэх үү?
чив чимээгүй цас хаялсаар...
цаг хугацаа унасаар
Б.Б.

Дорнод руу...

2011-04-26T03:56:00.000+09:00

Нүүхээр болсоон.

Нөгөө ярилцлага өгөөд байсан газраа орохоор болсон. Би лаг муу ярьчлаа гээд санаагаар унаад байсан чинь тэднүүс болохоор боломжийн гэж үзсийн байлгүй, авы гэнэ. Байнгын орон тоо бишиймаа, гэрээт ажилтан, өөрөө сайн байгаад цаадуул нь хэрэгцээтэй гэж үзвэл дахиад сунгах байх. Эхний ээлжинд болоошд гээл баярлаад байна.

Тэгсэн бүүр нөгөө эрэг дээр байдаг хот юмаа. 4500км зайтай. Одоо л энэ хотдоо овоо дасаад зүгширч байтал дахиал бүхнийг шинээр эхлэх болчлоо. Өчигдөр, уржигдар үдэн гаргах арга хэмжээнд оролцоод. Энд гэхдээ шоудалт баар саванд орно гэсэн ойлголт байдгүйм байлээ. Нэгнийхээ гэрт цуглаад хоол унд хийж идээд дараа нь жоохон ууж ярьж суугаад тэгээл гэр гэрийн зүг...Өчигдөр айлаас гараад шөнийн хотоор алхаж явахдаа "баяртай Ванкувер" нтр гэж явлаа ккк.

Нүүх гэж бөөн ажил. Өөр муж гэдэг чинь бараг л өөр улс юм бишүү. За тэгээд шинэ хотод нүүж очоод ажилдаа дастлаа нэг хэсэгтээ миарах байх даа. Ахуй амьдралын асуудлууд хоолойгоор татаад байхаар блог дээрээ ч гэсэн тулга тойрсон сэдвээс хэтрэхгүйм дөө. Тэгж байгаад сайхан болох байлгүй дээ тэ...

Номын санд

2011-04-14T05:59:00.003+09:00

Нэг иймэрхүү сууж байна даа. Гэртээ байхаар хөргөгч, зурагт хоёр луу хараа билчээд ер төвлөрөхгүйн :р

Би угийн номын санд суух дуртай, ядахдаа л нүдний өмнүүр баахан ном жирийгээд зүгээр гиюүрч суусан ч цагийг үр бүтээлтэй өнгөрөөж байгаам шиг санагдаад урамтай байдгийн.

Багадаа төв номын санг хашраадаг байж дээ. Даалгавартай энээ тэрээ гэж очоол дэмий чалчиж эсвэл уран зохиолын ном уншиж нтр. Дараа нь бас их сургуулийн номын санд орж ирсэн хүмсийг сонжих эсвэл буу халах ажилтай. Дэвтэрнүүдээ давхарлачихаар их аштайхан дэр болчдийн, сайхан амарна гэж. Хүн харахад бол чухам номын сангаас салдгүй оюунлаг хүүхэд байлаа шүү дээ.

Одоо бас ингээл том хар үүргэвчинд баахан ном, хавтас, нөүтбүүк чихэж аваал завгүй царайлаал гардаг болж байна даа ккк. Сонирхолтой нь эндхийн номын санд өвөө эмээ нар дүүрэн. Манайхан шиг үр ач нараа харж өгнө гэх биш, өөрсдийгөө зугаацуулж бас хөгжүүлж өтөл насаа үддэг юм шиг байнаа...

Хавар болохоор л синдромтоод сүйд болдог сон энэ жил нам жим байнөө. Уул нь энэ шүлгэн дээрх шиг л байсиймсан :р

Сэтгэл минь тамхи зуусан, бас нилээд халамцуу
Сэдэрч үе үе зовоодог олон хуучин шархтай
Сэтгэл минь даруухан хувцаслаж, төлөв царай гаргаад
Сэмэрч үе үе дурлачихаад голдуу гуниглаж суудаг

Сэтгэл минь царайлаг, бас их тачаангуй
Сэлгэж үе үе сольдог олон хуучин дурлалтай
Сэм сэмхэнээр дуслах тэдний гомдлын нулимсаар
Сэлбэж үе үе усладаг дурлалын сагалгар модтой

Б.Батзаяа

Өндөр дээрээс унаваа

2011-04-12T07:42:00.058+09:00

Дөнгөж сая утсаар ярилцлага өглөө. Аминдаа бэлдсэн, бас миний өмнөх ажилтай маш ойролцоо тул бараг л орчих юм шиг санагдаад байсан байхгүй юу. Эрч хүч орох гэж нэг energy drink ууж аваад тайвшрах гэж охиныхоо багын зурагнуудыг хэсэг үзээд, тэгээл зориг төгөлдөр эхэлсэн чинь будаа будаа. Мэддэг юмаа хүртэл муу хариулсандаа л хамгийн их харамсаж байна. Тэхдээ ийм хялбархан ажилтай болчихно гэж найдах нь буруу байсан л даа. Гэвч бас нөгөө талаар их боломжийн мест байсийн, хайран юмыг тавиад туучлаа. Ахиад ийм боломж гараа ч уу гүй чүү. Гүй гарах л байх л даа, гаргаж л таараа. Найдлага өндөр байсан болохоороо сэтгэл их гонсгор байнөө...Хэн нэгэнд хэлж дотроо онгойлгомоор санагдаад эндээ бичиж байна. Өнөөдөр хурдан дуусаасай. Маргааш дахиад л бүхнийг шинээр эхэлнэ.

Нэмэлт :
Хэргийн учир хэт өндөр найдлага тавьсанд л байсийм байна. Уул нь эхэндээ ярилцлага авы гэсэнд нь л олзуурхаад баярлаж байснаа дараа нь гар бариад бугуй барина гэдгийн үлгэрээр шууд даврааск. Бараг л ажилд орцон байгаагаар төсөөлөөд, бөөн найдвар өвөртлөөд унтцан :р Тэгээл гор нь гарч байгаан. Ер нь энэ найдлага тавих гэдэг шал дэмий эд юм. Огт найдаагүй байтал биелвэл ураа бөөн баяр! А харин биелэхгүй бол тэр л биз гээд орхично. Гэтэл өч төчнөөн найдвар, хүсэн хүлээлтийн эцэст биелэлээ олсон ч төдийлөн баярлах зүйлгүй мэт санагдана, угаасаа тэгэх л ёстойм шиг. Бүтэхгүй бол яг өчигдрийх шиг санаагаар уналт, урам хугаралт...

Би даанч хашрахгүй золиг юмаа. Хүмүүстэй харьцахдаа ч гэсэн хэт ихийг хүсэн хүлээж, өндөр найдлага тавьснаасаа болоод сэтгэл өвдөх үе зөндөө л байсан. Ингэдгээ болих юм сан.

Too much expectations will kill me!

hello April!

2011-04-02T06:50:00.001+09:00

Сайн уу Дөрөвдүгээр сар аа. Эргүүтсэн төлөг шиг Эйприл чамтай мэндчилжийна. Бүх юм гуравдугаар сард байсан хэвээрээ. Ажил хайсаар л, бороо орсоор л. Хавар болж байгаа эсэх нь тун эргэлзээтэй. Сургалт дууссан, одоо сурснаа хэрэгжүүлэх цаг. Дорвитойхон газарлуу нь apply-даж амжаагүй/зүрхлээгүй. Ойр зуурын хэд гурван газарлуу ярьсан, уулзсан, хариу өгнө гэсэн, таг л байна.

Өглөө нэг шалгалт өгсөн, эртээрийхтэй бараг л ойролцоо бүтэцтэйм билээ. Царайлаг залууд сонсох, ярих чадвараа шалгуулав. Мэлэрч байгаад, ойлгосон хэрнээ яг асуухад нь мартаж мангартав. Үр дүн нь сонсох дээрээ нэг оноо буурсан, бусад нь гайгүй. Ээрч муурсан ч гэсэн дүрмийн дагуу хэлэх гэж чармайдгийг нь харж үздиймуу яадгийн, ярих дээр овоо гайгүй оноо өгчих юмөө.

Охины маань төрсөн өдөр болоод цэцэрлэг дээрээ бяцхан паатий хийхиймаа. Би л хойно, эртнээс бэлдэнэ гэсэн ойлголт байхгүй, цагийг нь тулгаал гурвалжин малгай хайгаад манарцан. Хаа сайгүй хөглөрч байдаг хэрнээ яг хэрэг болохоор олдодгүй гэнээ. Өглөө замаараа онгойгоогүй дэлгүүрийн цонхыг тогшиж, гуйж гувшин байж 15 ширхэг малгай гартаа оруулав. Тэнд бол амархаан амжуулчих юмыг энд хичээл зүтгэл болжийж бүтээх хэрэгтэй болдгийг би дандаа л мартчаад байх юмаа. Золиг гэж.

Кофежсон, кофедолттой, кофеширсон өдөр хоногууд өнгөрч байна. Цаг агаарын байдал энэ газрын хүмүүсийг эрхгүй кофе руу урин дууддаг юм гэсэн дүгнэлт хийгээд байгаа. Кофенд дургүйнүүд нь яаж дотроо бүлээцүүлдгийн байгаан бүүмэдээ.

Бэлэг авснаа бичихээ мартсан байна. Хуучин ажлын охинд хэдэн бичиг захисан чинь хайрцаг дүүрэн чихэр пэчээн явуулсан байлээ. Баярласан гэж. Хамгийн гоё нь захиа. Японд гамшиг болж байгааг хар, хорвоогийн юмс үзэгдэл хэзээ яаж өөрчлөгдөхийг бид хэлж мэдэхгүй, үл ялих юманд гутарч гуниж хайран цагаа бүү үр, өнөөдрийн бяцхан баяр жаргалаа мэдэр, enjoy your life гэх мэтийн үгс. Би өөрөө ингэж мянгантаа бичдэг, боддог хэрнээ яг одоо надад иймэрхүү зөвлөгөө хамгаас хэрэгтэй үе нь болоод тэрүү зүрхэнд их ойрхон тусаж байна лээ.

Маргааш бууз хийж иднээ. Айлаас жигнүүрийг нь зээлж байгаад :р Гадаадад амьдрах гэдэг хүний юмыг түр хэрэглэх, хуучин эд зүйлсийг цэцэглэх урлагт л сургачих юм дөө. Хэзээ нэг өөрийн гэсэн тогтсон суурин амьдралтай болох юм байгаан.

Relax

2011-03-23T16:13:00.002+09:00

Түр амсхийгээд дуу сонсоод гарнаа.

Энэ дуучныг ойрдоо их сонсоод байгаа. Үргэлж усан бороо уйлагнадаг энэ хотын цаг агаартай зохицоод байх шиг санагддийн. Бороо хараад романтик сэдэл төрдөг байсан этр бүүр үгүй болсон шдээ. Харин өнөөдөр хальт цэлмэсэн чинь ямар сайхан байваа. Тэнгэрийн өнгө, үүл нүүхийг ажиглаж дэмий баахан суусан. Бие сэтгэл амраад хачин гоё байлаа. Тэнгэрийн хаяанд сүндэрлэх үзүүртээ цастай уулсыг бас харах дуртай. Гайгүй төвхнөөд ирэхлээрээ тэр уулсын оргил руу мацна даа гэж боддогийн...

Тэр шовх уулын орой тэнгэрт яг тулчихаж
Тийшээ гаръя, үүлэнд гар хүрье
Үүлэнд хүрчихээд дараа нь хөнгөхөөн үсэрье
Үүрд тэгээд ахин хэн ч намайг харахгүй

Борооны дараа цас орж миний дүр бүдгэрнэ
Бодоод бодоод миний нэрийг хэн ч санахгүй болно
Үгүй болсонд тооцон модод хүртэл намайг мартсан ч
Үүлний хэсэгхэнээс атгасан би ниссээр л байх болно
Ертөнцөөс юу ч алга болдоггүйг огт мэддэггүй хүмүүст
Ер бусын хөнгөхөөн салхины дүрээр л үзэгдэнэ

2007.11.5
Л.Ө.

Сайн сууж байна уу

2011-03-15T14:25:00.002+09:00

эндээ л бичиж байя дөө.

Өнөөдрөөс ажил хайх сургалтанд сууж эхлэв. Ажлын зах зээл дээр "бараа" болон гараад хүссэн газраа хурдан хугацаанд "борлогдох"-ын тулд суралцах, бэлдэх зүйл нилээдгүй бололтой. Тэр тусмаа эндхийн ажил хайх стратеги нь Солонгосынхоос тэс ондоо тул тэр бүхэнд дасаж зохицох хэрэгтэй болжийна. Солонгост олон газар дамжсан хүнд дургүй, нэг мэргэжлээрээ тогтвор суурьшилтай ажилласан байвал дуртай байдаг тул хүмүүс барагтай бол ажлаа солихоос цааргалдаг. Харин энд хүмүүс дунджаар 2-6 жил тутамд ажлаа сольдог, нэг салбараас нөгөө рүү шилжих нь жирийн үзэгдэл гэнэ. Со-д ямар ч ажилд ороход аль болох өндөр боловсрол эзэмшсэн байх тусмаа сайн, аль болох нэр хүндтэй сургуулийг төгссөн байх тусмаа ажилд орох шаанс өндөртэй байдаг. Энд бол яг ажилдаа тохирсон боловсрол, мэдлэгтэй (тийм болж харагдах хэрэгтэй) биш бол over-educated, over-qualified гээд авдаггүй гэнэ. Мөн гадаадын сургуулиудын дипломыг хүлээн зөвшөөрдөггүй, дотоодынхоо хэдэн сарын курсыг илүүд үздэг гэх мэт ялгаа их байдгийм шиг байна.

Өнөөдрийн хичээл дээр өөрийнхөө зан чанарыг тодорхойлох тест хийж үзэв. Хүмүүсийн зан төрхийн онцлогийг цэнхэр, ногоон, шар, улбар шар гээд 4 өөр өнгөөр илэрхийлсэн True Colors гээд тест байна. Угийн иймэрхүү сонжоонд нугасгүйг хэлэх үү. Надад маш сонирхолтой санагдсан.
http://www.truecolorscareer.com/quiz.asp
Эндээс өөрийгөө үзэж болно. Минийх үндсэн өнгө нь ногоон гэж гарсан. Ногоон хүмүүс бодож эргэцүүлэх дуртай, юмны учир начрыг олох гэж ухаж төнхдөг, сониуч, ямар нэг асуудлын ул үндсийг олж, шийдвэрлэхдээ сайн, ирээдүйгээ төсөөлөн зураглах, алсыг харахдаа гайгүй, биеэ даасан, тэвчээр муутай, ялангуяа бага насны хүүхдэд юм заагаад ойлгохгүй бол дороо уурладаг гэх мэт шинжүүд нь надтай яг таарч байсан. Эмч, инженер, судлаач шинжээч гэх мэт мэргэжлийхэн ихэвчлэн ногоон байдаг гэнэ. Уул шугамандаа өөртөө таарсан мэргэжлээ сонгосон юм билээ би чинь.

Энд ирснийгээ зөв шийдвэр байжээ гэдгээ анх удаа мэдрэв. Хуучин байрнаасаа салж чадахгүй бол шинийг эрэлхийлэх, өөр сонголт хийх боломжийг гаргаж авч чадахгүй байсан. Starcraft тоглоход тас харанхуй дунд эхлээд аажмаар эргэн тойрноо мэдэж, бас эд хөрөнгө зэр зэвсэгтэй болж эхэлдэг шиг л одоохондоо бүүдгэр байгаа ч ойрын ирээдүйд орчноо тод харж явах замаа тодорхойлох байхаа гэж найджийна. Тэрний дараа мэдээж гоё гоё юмнууд эхэлнэ биз :)

Нэг сар

2011-03-09T06:59:00.001+09:00

Канад гэдэг улсын хөрсөн дээр хөл тавьснаас хойш яг нэг сар болжээ. Онгоц газардахын алдад гэнэт дотор бачуураад, амь тэмцээд, бодит байдал биш хар дарсан зүүд байгаасай, сэрээд харахад бүх юм хуучнаараа, гэртээ сэрээсэй гэж бодогдож байснаас хойш өнөөдрийг хүртэл бүхэл бүтэн сар урсаад өнгөрсөн байна.

Эхний хэдэн хоногт маш их стресстэй байв. Болдогсон бол буцаад явмаар санагдаад. Сэтгэл санааны байдлаа дагаад бие ч хямарсан бололтой, хоолой өвдөж дэмийртлээ халуурав. Азаар солонгос эмчтэй танилцаж, зүү тавиулаад зүгээр болсон.

Ирэнгүүт гар утаснаас авахуулаад гэртээ интернет, тог дуудаж тавиулах, элдэв бичиг баримтаа янзлах, анкет бөглөж шуудангаар илгээх, англи хэлний сургалтанд бүртгүүлэх гээд бөөн ажил ундарсан. Эндхийн онцлог нь ямарваа ажил тэр өдөртөө бүтнэ гэж бараг байхгүй, за хүлээж авлаа, хариуг нь шуудангаар илгээнэ гэх жишээтэй. Өдөр болгон шуудангаа харуулдсан хүн л байна.

Хэлний хувьд гацаж сандарч байгаад ч болсон ойлголцоод л байна. Биечлэн уулзахад арай гайгүй, утсаар ярих нь л хэцүү санагдсан. Миний овог нэрний уртыг хэлэхүү. Бүгдийг нь үсэг үсгээр дуудах гэж 80 юм болж байгаан. Тэгээд бас тоог гадаадаар ойлгохдоо удаан хүн чинь их будилнаа. Ямар ч байсан утсаар ярьж байгаад очих газраа цаг аваад, ажил төрлөө амжуулаад л байна.

Байрнаасаа хөдөлсөн чулуу яадаг гэдэг билээ. Миний хувьд ч тэрүүн шиг байна. Уул нь алсдаа зорисон мөрөөдсөн юм байгаа, түүндээ хүрэхэд ямар замаар явах хэрэгтэйгээ шийдэж чадахгүй л байна. Зөвхөн алс хэтээ хараад зүтгэнэ гэхээр өнөө маргаашийн ахуй амьдралаа бас бодох хэрэгтэй байдаг. Ядаж байхад гадаа байнга бороотой, миний сэтгэл санаа тэнгэрийн байдлыг дагаж хувисдагийг хэлэхүү.

Удахгүй сайхан мэдээ бичихийг бодноо...

Баяртай

2010-12-31T09:22:00.001+09:00

Adieu 2010

Оны эхээр баахан юм төлөвлөөд л байсан. Шпагаад суух мулт, иогоороо ч сайн хичээллэж чадаагүй. Гитар сурах ч бас мулт. Хуучин гитар олоод ирсэн байсан чинь хүүхэд дээр нь гишгээд хүзүүг нь хугалааск. Цэнгээнт бүжиг сурна гэсэн бас худлаа. За энэ гурван том мастер төлөвлөгөөнөөс бусдыг нь яахав ямар нэг байдлаар хэрэгжүүлцэн байна шүү. Энэ гурвыгаа 2011 жил рүү шилжүүлчий.

Ажил минь bye bye

Цэцэрлэгт орсноосоо хойш анх удаагаа хаа нэг газар харьяалалгүй дэл сул болж үзэж байнаа. Жоохондоо сургууль явах гээд автуус хүлээгээд зогсож байхдаа заавал тэр сургууль руу очих ёстой, хүлээтэй, уяатай байдал маань гэнэт нээхх дотор давчдуулж байж билээ. Тэрнээс хойш иймээ тиймээ юм бодох сөхөөгүй явсаар өдийг хүрчээ. Ингээд ажлаасаа гарчихсан чинь хаашаа ч яарах хэрэггүй, намайг ирнэ гэж хүлээх ажилгүй гэж бодсон нэг л эвгүй, аймаар санагдаж байна. Тэхдээ ийм эрх чөлөөг хүсээд байсан болохоор ямар байдгийг нь амталж үзэх хүсэл бас дүүрэн байнаа.

Баяртай Солонгос орон

Миний амьдралын 1/3 нь энд өнгөрсөн. Үзэл бодол, ухаан санаа төлөвшдөг 20н хэдэн нас минь энд үлдсэн. Тэхээр хүссэн хүсээгүй би энэ нутгийн, эндхийн хүмүүсийн нөлөөнөөс бүрэн салж чадахгүй бизээ. Эргэж ирмээр санагдах үе, эндэх амьдралаа үгүйлэх мөч олон байх болно. Тэхдээ би эргэж хармааргүй байна. Дурсамжаа өвөртлөөд амьдралынхаа шинэ хуудсыг эхлүүлэхээр явж оды доо...

So long, Soulmate

Нэг хэсэгтээ л юм бичиж амжихгүй байхаа. Хэзээ эргэж ирэхээ мэдэхгүй байгаа ч...удахгүй байх гэж найджийна. Тэхээр... түр bye.

May all you be HAPPY ♥

(bluefirespace андынхаа үгийг зээлдчий)

Концерт үзээд...

2010-12-24T10:50:00.000+09:00

Ганц гоё концерт үзэхиймсан гэж бодоод явсан, хүссэнээ биелүүллээ. Энэ дуучныг мэдэхгүй, дуунд нь дургүй хүн гэж энд байхгүй байхаа. Чихэнд наалдацтай, тэгсэн хэрнээ дахин дахин сонссон ч уйдахааргүй цаанаа л гоё аялгуутай байдгийн.

"Амьд тоглолтын хаан" гэж нэрлэгддэгийн учрыг нь мэдэрлээ. 2 цаг гаруй үргэлжилсэн концертын турш огт завсарлагагүй дуулсан хэрнээ хоолой нь ер эцэж цуцсан шинжгүй, үнэн тасархай байсаан. Мэддэг хэдэн дуугаа дагаж дуулаад миний хоолой тас сөөсөн ккк. Амьдаар дуулж байгаа нь СД дээр бичүүлснээсээ ч илүү хүчирхэг, баялаг гоё сонсогдож байлээ. Sound нь сүпер байсан, хойноо оркестратай, хамт тоглодог хөгжимчид нь тус тусдаа гоцлосон хэсэг нь гайхамшигтай...Eargasm гэдэг билүү тэрийг л мэдрэх шиг боллоо.

Надад таалагдаж байна...

2010-12-17T11:12:00.004+09:00

Ирония судьбы гэж ямар кино байдаг билээ? Юу гардаг билээ? Нэг олж үзий байз. Үйл явдал нь шинэ жилээр өрнөдөг юм шиг байна. Ер нь ёолк дөхөхлээр орос кино, орос дуу санагдаад байдаг нь юуных юм болоо...

Таалагдаж байна...

Цээжинд минь таныг тээсэн хөндүүр байхгүй нь
Цээжинд тань надаас үүдсэн эмзэглэл байхгүй нь
Хорвоогийн шар бор хоногуудыг цуг үдэхгүй нь
Хөрст дэлхий дээр хөл нийлүүлэн хамт алхахгүй нь

Хөөрхөн харагдах гэж хичээх хэрэггүй нь
Хөгийн царайлж зоргоороо аашилсан ч хамаагүй нь
Үг хаялцан, гомдол тээх хэрэггүй нь
Өчүүхэн шүргэлтэнд хацар улайлган ичих шаардлагагүй нь

Таалагдаж байна...

Урд минь зогсоод өөр бүсгүйг тэврэхэд
Тайван байгаа нь
Урууланд минь хүрэх өөр хүний үнсэлтээс болж
Тамын галд шатахгүй байгаа нь

Дуудахад дотно нэр чинь, хонгор минээ
Дурсагдахгүй байгаа нь...өдөр ч шөнө ч
Дув дуугүй, анир чимээгүйг эвдэн
Дурлалын аялгуу эгшиглэхгүй байгаа нь...

Талархаж байна...

Нойр бүтэн, амар амгалан шөнийн төлөө
Нар жаргах цагаар ховорхон уулзалтын төлөө
Тэргэл сарны доор зугаалаагүйн төлөө
Тантай цуг үдээгүй цаг мөчийн төлөө

Өөрөө ч мэдэлгүй бэлэглэсэн энэ бүхний тань төлөө
Өр зүрхний угаас талархаж байна
Өөрийг минь санаж шаналахгүй байгаад тань
Өөрөө би ч танаас болж өвдөхгүй байгаадаа...

Талархаж байна...

Марина Цветаева-гийн энэ шүлгийг орчуулах гэж оролдов. Орос хэлээ мартаад сайн ойлгохгүй болжээ. Буруу зөрүү юм байвал засаад хэлээд өгөөрэй хүмүүсээ.
Онлайн словарь, гүүгл орчуулагч хоёртой нийлж байгаал үзэж тарлаа даа ккк.

Өнгөрсөн хайрынхаа хойноос харамсаад ч байгаам шиг
Өвдөхгүй байна гэсэн мөртлөө дотроо хөндүүрлээд ч байгаам шиг... гоё шүлэг байна. Таалагдлаа...Ирония судьбы гэдэг кинон дээр дуулдаг юм байна.

Цветаева Марина
Мне нравится, что вы больны не мной

Мне нравится, что вы больны не мной,
Мне нравится, что я больна не вами,
Что никогда тяжелый шар земной
Не уплывет под нашими ногами.
Мне нравится, что можно быть смешной -
Распущенной - и не играть словами,
И не краснеть удушливой волной,
Слегка соприкоснувшись рукавами.

Мне нравится еще, что вы при мне
Спокойно обнимаете другую,
Не прочите мне в адовом огне
Гореть за то, что я не вас целую.
Что имя нежное мое, мой нежный, не
Упоминаете ни днем, ни ночью - всуе...
Что никогда в церковной тишине
Не пропоют над нами: аллилуйя!

Спасибо вам и сердцем и рукой
За то, что вы меня - не зная сами! -
Так любите: за мой ночной покой,
За редкость встреч закатными часами,
За наши не-гулянья под луной,
За солнце, не у нас над головами,-
За то, что вы больны - увы! - не мной,
За то, что я больна - увы! - не вами!

8-)

2010-12-13T09:51:00.000+09:00

Нүдний шилээ тайлчаад ирлээ. Өглөө сэрээд л хананд өлгөөстэй цаг шууд тод харагдана гэдэг яасан кайфтай юм бэ :р

Хөөрцөглөөд догдлоод байсан хүн яг мэс заслын орон дээр хэвтээд л маш их айсаан. Айлаа гээд нүдээ аниж болдоггүй нь л хамгийн хэцүүм билээ. Гэхдээ нэг их удаагүйээ. 10-аад минут.

Одоо юм болгон тод, өнгөлөг харагдаад сайхан байна. Дэлгэц харахад жоохон бэрхшээлтэй л байна, гэхдээ ажил юм хойно одоо яая гэхэв.

Арван хоёрдугаар сар

2010-12-08T09:39:00.001+09:00

Гашуун харыгаа оочлоод сууж байна.
Гадаа цас хаялаад л...
Одоо л жинхэнээсээ өвөл эхэлж байх шиг.

Г.А.-гийн энэ шүлэгнээс хамгийн дуртай хэсэг нь.

Арван хоёр...
Оддын доор арван хоёрдугаар сар гарлаа!
Орчлон дээр ингээд л бүтэн жил
Оргилуун дарс шиг асгараад гүйцлээ.
Ахиад нэг жил, хоёр гурван жил,
Арав хорин жил, гучин жил,
Амсхийх ч завгүй жаран жил...
Амьдрал баяртай!
Үсэн дээрээс минь цасан ширхэг
Өвлийн шувууд шиг нисэлдсээр,
Үзэсгэлэнт хүйтэн оддыг зорино.
Үүрд мөнх насалсан ч уйдахааргүй
Үнэхээр сайхан байлаа.

Үгүй дээ, миний дургүй сар
Арван хоёр биш.
Арван хоёулаа биш...

Баяртай... олон олон зүйлст баяртай гэж хэлэх болно.
Баяртай... дараа баяртайгаар уулзая гэсэн утгатай үг байх даа. Тэхдээ л гунигтай юм. Эхэлсэн бүхэн дуусдаг, ирсэн зочин буцдаг...

Жингүйдлийн байдалд...

2010-11-30T17:12:00.001+09:00

Одоо миний байгаа байдлыг ингэж тодорхойлж болох юм шиг гоц мэргэн санаа яг хормын өмнө төрлөө. Байрнаасаа хөдлөхөөр шийдсэн. Тэгээд дээшээ хөөрцөн (санаагаараа бол) Буух газар тодорхойгүй. Нэг тиймэрхүү.

Метронд л үй олон зүйлс бодогдох юм. Хийх амжуулах шийдэх асуудлууд, хайж судлах хариуг нь олох ёстой асуултууд. Хүний бодол бодитоор харагддаг сан бол метрон дотор нээээх том үүлтэй (бодож байгаа бодол нь тархинаас нь халиад үүл шиг хөвсийцөн) хүн л явж байгаам даа.

Гэртээ оронгуут бүх бодлууд арчигдаад бас нэг шал өөр орчин. Аймаар завгүй. Ер нь юу ч бодох, эргэцүүлэх амжуулах завгүй. Байнга л нойр дутуу санагдахыг бодоход унтах ч завгүй л хүн шиг...

Ажил дээрээ болохоор аймаар завтай хүн. Нөгөө метронд бодогдоод байсан олон цэцэн мэргэн санаанууд, хариу нэхсэн асуултууд бүгд хаачсийн бөөөөмэд. Хийх юмаа олж ядаал. Барьж тавиал. Тэгсэн хэрнээ нэг тийм сэрүүлэг байнга дуугараастай. Цаг урсаад байна, чамд хийх юм их байгаа гэж үглэдэг сэрүүлэг.

Ингэс тэгэс хийж байтал 11 сар ч дууслаа даа...
Ай хөө зээ хөө...Амьдрал тэхдээ л сонирхолтой юмаа :р

Happy Thanksgiving!

2010-11-25T11:48:00.002+09:00

Заримдаа нээх гоё мөчүүд байдаг тэ. Бүх юм гэрэлтэй, өнгөтэй, хүн болгонд, үгүй бүр эд зүйлс, амьтан ургамалд ч баярламаар, тэднийг хайрламаар, энэ хорвоод амьдарч байгаадаа баясан хөөрмөөр тийм жаргалтай хором...

Өнөөдөр талархлаа илэрхийлдэг баяр гэсэн. Амьдрал надад бэлэглэсэн өчнөөн жаргалтай мөчүүдийн төлөө. Дулаахан дурсамж, биеэр нэг тархах сайхан мэдрэмж үлдээсэн бүхий л учралуудын төлөө хэнд ч юм баярлалаа гэж хэлмээр байнаа...

Энэ л цаг хугацаа, орон зайд надтай цуг оршин байгаа, намайг сонсож байгаа, миний блогоор зочилж байгаа ЧАМД ч бас баярлалаа. Блог маань надад баяр хөөр, догдлол, тайвшрал, ухаарал гээд олон зүйлийг бэлэглэдэг. Үүгээр дамжин холбогдсон бүх найзууд, хараахан холбогдож амжаагүй, ул мөрөө үлдээдэггүй ч уншаад гардаг бүх хүмүүст баярлалаа...

Хэрвээ миний энэ талархалыг хүлээн авахыг хүсвэл шуудангийн хаягаа үлдээнэ үү (soulmate247mn@yahoo.com) Зул сарын баяраас урьдаж ил захидал илгээх гэсэн юмаа.

Имэйл биш жинхэнэ шуудангийн хаягаа гэсиймаа уул нь...
soulmate247mn@yahoo.com руу бичээд явуулаарай...

Once (2006)

2010-11-22T01:59:00.004+09:00

Miluji tebe

Чехээр "би чамд хайртай" гэж байгаан. Даанч залуу ингэж хэлснийг нь ойлгоогүй. Мэдээгүй чигтээ өнгөрнө байх. Гэхдээ залуу, бүсгүйд төгөлдөр хуур бэлэглэсэн. Харин бүсгүй залууд уран бүтээлийн онгод, урам зориг бэлэглэсэн. Тэдний амьдрал түрхэн зуур огтлолцоод салсан ч...тэд хэзээ ч бие биенээ мартахгүй. Энэ нь л хамгийн гоё...

Гайхамшигтай гэдгээс өөр хэлэх үг олдохгүй нээ.

Чихэвч зүүгээд харанхуйд үзээрэй.
Хөгжим нь, засаж янзлаагүй энгийн дүрүүд нь, бүгд таалагдсан. Сэтгэлийн утас асар хүчтэй хөндөгдөв... Миний хувийн хамгийн гоё кинонуудын жагсаалтад орох болно... OST-ыг нь худалдаж аваад сонсох гэж байна. Таалагдсан 4 дуугаа тавилаа.

Мөнгөөр авч болох аз жаргал

2010-11-15T19:52:00.001+09:00

Нэг охиныг бараг уйлуулчлаа...
Арай ч уйлаагүй л дээ нулимс нь гялтаганаж ирээл... би албаар анзаараагүй царайлаал суугаад байсан. Үүеээ чи уйлкаад байнуу даа гэчүүл бүүр уйлчих ч юм билүү. Энэ охин заримдаа Л овогтон биш байгаа гэж хардмаар надад дэндүү сайн байдгийн. Эртнээс дасгаж байгаа нь энэ гэж аминдаа зөөлрүүлээд, бодож байна яахаа шийдээгүй гэж хэлсийн. Үнэндээ бүх юм шийдэгдсэн, удахгүй баяртай гэх болно гэвэл бүүр яах хүн юм байгаан...

Надад ер нь эмэгтэй хүмүүс их сайн байдаг. Эрчүүдийг ингэж татдаг бол уул нь баллаж хаяхгүй юу :р Тэхдээ нөхөрлөл илүү урт настай, би лав дурлалаас илүү нөхөрлөлийг сонгоноо.

Нэг ийм юм мэйлээр ирээд. Таалагдсан тул эндээ тавичий. Ер нь бол миний сонирхоод байдаг зүйлс аз жаргалын хэлтэрхийг олж авах гэсэн зөв зүйтэй алхмууд л байдгийн байна...

1 доллар : ил захидал
Ил захидлаа өөрийн гараар хаяглаж, сэтгэл шингээсэн үг бичээд шуудангаар илгээвэл өгч байгаа, авч байгаа хэн хэндээ аз жаргалын хэлтэрхийг бэлэглэх болно.

5 доллар : Цэцгийн баглаа
Цэцгэнд дуртай нэгэнд нь баглаа цэцэг, цэцгэнд сүжиггүй мань мэтэд нь аяга халуун кофе, ном ч юмуу эсвэл чиклаад ч байсан болно доо. Гол нь өөрийг нь гээд бариад ирэхэд бүгдээрээ л баярлана даа...

10 доллар : Тэмдэглэлийн дэвтэр
Жижиг сажиг гэлтгүй баярласан, хөөрсөн сэтгэгдлээ тэмдэглэж заншвал эргээд өчүүхэн зүйлээс ч аз жаргалыг мэдэрч чаддаг болно.

50 доллар : Дурсамжаа жаазал
Төгсөлт, хурим гэх мэтийн онцгой үйл явдлаас гадна тэр бүр тоож санадаггүй хэрнээ эргээд бодоход жаргалтай мэдрэмж төрүүлдэг дурсамжаа бодит эд зүйлс хэлбэрээр ханандаа хадаж шүүгээндээ хадгалах. Анхны хайрын захиа, хэн нэгний бэлгэнд өгсөн чихрийн цаас, охины чинь анх удаа зурсан зураг, ээж аавын чинь хэрэглэж байсан үзэг бал ч гэх юмуу... Дурсамжийн хайрцагтай болвол бүүр зүгээр ч юм шиг...

150 доллар : Уулны гутал
Анх авахад үнэтэй санагдаж магадгүй ч түүнийгээ өмсөөд өндөр уулын орой дээрээс ертөнцийг ажиж суух гэдэг бас нэгэн жаргал биш үү?

200 доллар : Гитарын хичээл
Ямар нэгэн юмыг шинээр сурах гэж оролдох, түүнийгээ бага багаар эзэмшиж, кайф авах гэдэг аз жаргалтай амьдралын нэгэн түлхүүр гэнэ шүү.

700 доллар : Барбекью хийх иж бүрэн хэрэгсэл
Жилдээ ганц хэрэглэнэ гэж үү? Заавал онцгой тохиолдлыг хүлээлгүй жирийн өдрүүдийг ч тэмдэглэлт баяр болгож болно. Эргээд сайхан дурсамж үүснэ..

1000 доллар : Хувийн трейнертэй болох (энэ мөнгөөр олон трейнер хөлслөх байх)
Байнгын дасгал хөдөлгөөн сэтгэлийн гутралаас сэргийлдэг. Бие хаа ч эрүүлжинэ. Гэхдээ өндөр үнэтэй гүйлтийн машин авч угаалганы хэц болгож хувиргаад дэмий. Өдөр бүр тодорхой цагт хувийн трейнертэйгээ системчилсэн дасгал хийж байх нь хамаагүй үр дүнтэй.

6000 доллар : Аялал
Аялах шиг сэтгэл сэргээж, эерэг эрчим хүчээр цэнэглэж өгдөг зүйл ховор байх. Хүн болгоны тэмүүлдэг европоос эхлээд цоо шинэ ертөнц, африк эсвэл бүүр төвд рүү явсан ч яахав...

13000 доллар : Жижиг оврын моторт завь? усан онгоц?
Найзуудаа уриад сайхан зугаалвал гоё байхоо. Энэ тухай бол би үнэндээ мөрөөдөж ч үзээгүйн байна.

25 сая доллар : Лаборатори бэлэглэх
Төрөлх сургуульдаа номын сан ч юмуу туршилтын лаборатори барьж бэлэглэвэл... Ёоох за энэ ч бүүр их баяжихаараа бодолцож үзнээ.

Үнэгүй : Анхааралтай мэдэр...
Ердийн үед анзаарахгүй орхидог жижиг сажиг зүйлсдээ анхаарлаа хандуулаад үз дээ. Намар цагийн шарлаж улаарсан навчис, салхины илбээ, хайртай хүний чинь инээмсэглэл, толинд тусах өөрийн чинь төрх...Энэ бүхнээс аз жаргалын хэлтэрхийг олж илрүүлж чадвал чи жаргалтай хүн...

Өнөөдөр

2010-11-11T11:11:00.009+09:00

Яг одоо 11.11 өдрийн 11 цаг 11 минут
Тааруулж байгаад нийтлэчхийм шүү.
Жижиг сажиг тоо моонд их ач холбогдол өгнөө цаадах чинь.

Өнөөдөр шагшуурганы өдөр...Гадуур шагшуурга зараал. Өчигдөр хүнээс авснаа сая гаргаж идлээ. Эдний шагшуурга багадаа иддэг байсныг ч гүйцкү л дээ. Үзүүрт нь маасл нялж байгаад иддэг байсан тэр шагшуурны амт ч тасархай байж дээ.

Манай энд G-20ын уулзалт болж байна. Дэлхийн мундаг 20 орны удирдагч нар цуглаад чухал чухал юм хэлэлцэхийн байхөө. Зочин ирэхээр хүүхдүүдээ томоотой байгаарай, гэрээ гоё цэвэрлээрэй, тавагны идээ битий хуурайлчих гээл ээж аав нар үглэдэг шиг. Хогоо гаргаж хаяхгүй байх, машинаа унахгүй байх, боловсон хөгжилт орны нүүр царайг үзүүлэхийг ард түмнээсээ уриалаал байх шиг байна.

Нилээд хэдэн хүний төрсөн өдөр юм шиг байна. MNED гээд блогчин залуугийх, бас саяхан блогоор минь зочилсон Цомо гэдэг хүнийх...Байдаг л нэгний охиных... Өөр миний мэдэхгүй зөндөө л хүний "бөөсдэй" нь байхдаа. Содон өдөр болохоор хүмүүс мартаад өнгөрөөнө гэж байхгүй гоёийм. Өнөөдөр төрсөн бүх хүмүүст гал халуун мэнд хүргийяа...

Энэ доотлын бичлэг төрсөн өдөртэй ялимгүй холбоотойн. Чимх инээд :р

Арван нэгдүгээр сар

2010-11-09T13:12:00.001+09:00

Надад дурлал өгч гийгүүлсэн болохоор
Найман сарыг уяртал нь би шүлэглэнэ
Арга барагдсан дурлал орхиод одохын цагт
Арван нэгэн сарыг гуниглатал би шүлэглэнэ

2007 оны 11 сард энд ингэж бичиж байжээ :)

11 сарыг уяртал хэдэн сайхан кино үзнээ. Жагсаалт гаргачаал суужийна. Торрент гэдгийг ашиглаж сурсын. Майр хоцрогдсон гар. Одоо л сурч байгаан.

Модны навч талаас илүү нь унаад, газраар нэг хөглөрөөд, цасаар байлдаж байгаам шиг цацаж тогломоор, шарррр хийтэл шарчигнуулаад алхмаар гоё л байна. Тэгж тоглосон л доо эртээд.

11 сар аа гэж. Гайхамшигтай сар юм аа.

Ном & кино

2010-11-01T13:02:00.000+09:00

Сүүлд үзсэн кинонууд, нэг ном...

Бөөгийн домог

Өөрийн эрхгүй шимтээд дотор нь ороод, гол дүртэй нь цуг хөл нийлүүлэн алхахад хүргэдэг нь Г.А.-гийн зохиолын онцлог юм шиг. Үе үе өөрийн эрхгүй бие зарсхийгээд байдаг...Яагаад тэгдгийн бүүмэд. Энд тэнд шигтгэсэн, энгийн хэрнээ голыг нь олоод хэлчихсэн мэт өгүүлбэрүүд нь гоё... Домгууд нь ер бусын болоод тэрүү тун сонирхолтой. Гамнаж уншсан ном... Хамтдаа байгаад л баймаар хүн шиг, дуусгамааргүй ном байлаа.

Шивэгчин(2010)

Тасарцан баян айл гарна. Тэднийд шинээр ажиллахаар ирсэн цайлган (энэ үг яг тохирох юм байна жоохон гэнэн, жоохон тэнэгдүү, гэхдээ хүнд муу санадаггүй, бусдыг бас өөр шигээ л гэж боддог)шивэгчин хүүхэн. Хар багаасаа юу хүссэнээ өөрийн болгож сурсан зоргоороо гэрийн эзэн. Залуухан, царайлаг, нөхрийнхөө зэрэг зиндаа эд хөрөнгөнд дүйцэхүйц жирэмсэн эзэгтэй. Охиныхоо гял цал буусан амьдралд өчүүхэн ч толбо үл суулгахыг хүсэх хадам ээж. Энэ гэр бүлийн үүх түүх, бузар булай бүхнийг харж, (хана болгон түүний нүд нь чих нь )дуугай хүлцэн өнгөрүүлж ирсэн хижээл насны даамал эмэгтэй.

Шивэгчин бүсгүйг гэрийн эзэн хоёр гурван удаа "амтална". Шивэгчинд ч муухай байсангүй. Харин дэндүү "цайлган" амьтан болохоороо жирэмслээд, тэрийгээ өөрөө ч мэдэхгүй амгалан. Харин энэ тухай даамлын амнаас түрүүлж мэдсэн хоёр хатагтай шивэгчнийг, гэдсэн дэх хүүхэдтэй нь "арилгаж" хаяхаас нааш санаа амрахгүй. Нэг иймэрхүү үйл явдалтай.

Амьдралд байх л түүх, баян эзэгтэй нарыг зүхэх сэтгэл төрөөгүй нь юуных вэ. Тэднээс өөр юу хүлээнэ гэж? Өөрийгөө, гэдсэн дэх хүүхдээ тэд нараас хамгаалж чадаагүй нь "цайлган" шивэгчний хохь. Миний оюун санаа их булингартсан бололтой.

Зураглал, жүжиглэлт дажгүй санагдсан...

Closer (2004)

"Хайртай хайртай л гэх юм, тэр чинь хаана байна? Надад харагдахгүй, баригдахгүй мэдрэгдэхгүй зөвхөн хоосон үг л агаарт хийсээд байна".

ойлгоход хэцүү ч танил мэдрэмжүүд...
гунигтай үедээ дахин үзнээ. Гунигламаар үедээ ч юмуу.

Desert Flower (2009)

Сомали гаралтай загвар өмсөгч Waris Dirie-гийн тухай кино. Африкийн ядуу охины нэр алдарт хүрсэн түүх. Гэхдээ нэг онцлог нь тэрвээр FGM-ийн хохирогч, мөн энэ хэрцгий заншлыг устгахын төлөө зүтгэгч эмэгтэй юм билээ. Дэлхий дахинд анх FGM-ийн тухай мэдээлж хүн төрөлхтний анхаарлыг тийш нь хандуулж чадсан мундаг бүсгүй.

Babies (2010)

Хүний хүүхдүүд бүгд л хөөрхөн. Гэхдээ монгол хүүхэд цаанаа нэг хайр хүрээд байдаг нь нээх сонион. Хөгжлийн түвшин өндөрсөх тусмаа хүүхдэд хэрэгцээнээс нь хэтэрсэн тав тухыг хангах гэж хичээдэг болсон ч юмуу. Бяцхан үрсийн хорвоотой танилцах аян замд тав тухаас илүү ээж аавын, эргэн тойрны хүмүүсийх нь хайр л их чухал юм даа.

D-100

2010-10-27T15:22:00.019+09:00

Хоног тоолоод эхэлцэн. Тоолохоос өөр хийсэн юм алга даа одоогоор. 100 өдөр үлджээ. Энэ хугацааг яаж өнгөрүүлсэн нь дээр юм бол доо. Харамсах зүйл багатай л байх сан ...

Амт

Усан үзэмнээс
Нарны нулимс "амтагдана"
Уйлж суугаа чамаас
Алдаа "амтагдана"
Тойрмын мараанаас
Туучаад өнгөрсөн тэмээ "амтагдана"
Өндөр холын одноос
Гэрэл "амтагдана"
Өнгөрсөн цагийн дуртгалаас
Гэнэн "амтагдана"

Л.Хасар

энэ дуунаас охин нас, оргилуун мөрөөдөл, хөнгөн гуниг, хөвөрч одсон он цагийн тухай дурсамж амтагдаад байх шиг...Цаанаа л нэг носталги амталж ханхалсан дуу байна даа...

Вийкэндээр...

2010-10-26T09:35:00.002+09:00

Цочир хүйтэрчийнаа. Хасах хэмрүү халтираад орчлоо. Өнгөрдөг бүтэн сайнд амжуулаад уул усанд аялаад ирсээн. Гоё байсан.

Амьдралдаа анх удаа гэрэл зургийн тэмдэглэл хийж үзэх гээл дивангалбын муу апраадаараа баруун солгойгүй дараад явсан юм. Өчигдөр янзлаад компүүтэр лүүгээ хийх гэж уймарч байгаад бараг бүгдийг нь арилгаад хаячлоо. Үлдсэн хэдээс нь тавилаа. Дийлцэн гоё зурагтай тэмдэглэлээ дараагийн удаа л оруулъя даа.

Энэ хад харахад уул нь их сүртэй, энгэрээрээ улаан модтой ганган байсан. Зурган дээр тэр нь сайн мэдэгдэхгүймаа.

Уулан дээр үнэхээр сайхан байсан. Нарлаг, зөөлхөн салхитай, үе үе навчин бороо асгараад л... янзтай...Миний дарсан зураг алга болсон тул нетээс хайгаад орлуулчий. Иймэрхүү зураг байсан болуу гэж таамаглаж байна ккк. Би тэхдээ яг нүдэнд харагдаж байгаа шигээ зурган дээр буулгаж чадахгүй байсан л даа.

Цаашаагаа яваад далайн хөвөөн дээр очсон. Намрын далай. Бүлээхэн элсэн дээр хөл нүцгэн жаал гүйж, сууж, хэвтэж тарвалзав.

Замын нэг дэлгүүрт ийм хундага зарж байсийн. Хэлбэр нь сүүпэр айн кк. Архиных нь нэрийг орчуулвал "Босоо"

PS : миний зураг, нетээс авсан зураг өнгө нь ямар ялгарч байнаа. Яаж ийм гоё өнгөтэй зураг авдаг болох вэ? Апраад гологдоод байнуу би гологдоод байнуу...

Thank God It's Friday!

2010-10-22T11:14:00.001+09:00

гэдэг чинь товчлоод TGIF юм байлээшд тэ.

Өглөө сэрээд л өнөөдөр Баасан гариг шүү дээ гэж бодохоор бүүр нэг инээд хүрээд байдаг. Аливаа гоё юмыг урьдчилан хүлээж, догдолж байх үе нь илүү сайхан мэдрэмж шигээ. Яг тухайн үйл явдал нь бол нүд ирмэхийн зуур жирэлзээд л алга болно, ухаарч амжаагүй байхад л. Амралтаа аваад гэртээ харина даа гэж хүлээх, Шинэ жилийн наастр орчоод ёолкоор юу өмснөө гэж мөрөөдөх, хэн нэгэнд дурлачаад сэтгэлийг нь мэдэхгүй сэм сэмхэн үймрэх, холын замд аялах гээд бэлдэх зуураа төсөөлөн бодох... энэ бүхэн сайхан. Яг үүн шиг л хагас бүтэн сайнаасаа илүү тавдах өдөрт би илүү дуртай.

Ургуулж байсан тасалгааны цэцгээ гаргаж хаяв. Хатаж хагдраад удсан юмаа хөөрхий. Уул нь анх авахад гоё улаан жимстэй байсан. Нэг мэдэхэд жимс нь унасан, гэхдээ л өөдөө тэмүүлсэн эрүүл хэвээрээ байсийм. Амраад ирэх хооронд хатаад яах ч аргагүй болсон байна лээ. Энэ цэцэг миний сэтгэлд нэгэн зүйлийг төлөөлж байсан юм л даа. Жимс нь дахиж ургахаар миний сэтгэл дэх тэр зүйл ч бүтэх юм шиг бодоод би их арчилдаг байв. Одоо харин тэр зүйлийг бүтээх гэж хүсэхээ байсан, цэцэг маань ч үүнийг мэдсэн юм шиг эргэж сэргэхгүй болчихож.

Гоё дуу олж сонсоод эндээ тавилаа. Клип нь ч бас таалагдсан. Би бас ингээл дэмий суугаад хүн харах дуртай. Даанч үзсэн харсан мэдэрснээ аялгуу дуу, уран зураг болгоод хувиргах авъяасгүй нь харамсалтай.

Гарчиггүй

2010-10-21T13:25:00.000+09:00

Өчигдөр, гар хуруутай холбоотой яриа өрнөв.
Нэг хүн хайртай байсан хүнийхээ гарны тухай, эрэгтэй хүний гарыг түүнийхтэйгээ харьцуулдаг зуршилынхаа тухай, ер нь эхний сэтгэгдлээ гарнаас нь авдаг тухайгаа ярив.
Бас нэг хүн эрэгтэй хүний эрхий хурууны урт богиныг ашиглан мэдэж болох сонирхолтой хөгжилтэй зүйлс хэлэв.

Харин би, надад таалагдаж байсан, таарч байсан гарнуудын тухай бодов. Би ч бас гараар нь хүнийг шинждэг юм байна. Эв хавгүй, ажилд нухлагдаж эвдэрсэн, ичингүйрэх мэт аяганы араар нуугддаг гаранд би дуртай. Тийм гарнаас атгахад илч дүүгэж байдаг, тийм гараар илүүлэхэд арьсанд ширүүн хэрнээ таатай мэдрэмж түгдэг, тийм гарны чанга тэврэлтэнд дуртай.
Тэхдээ, хорвоогийн хамгийн хөөрхөн гар бол булцгар, зөөлхөн, богинохон, намайг хүзүүддэг тэр гар :)

Өнөөдөр, нэрээр хийсэн шүлэгний тухай яриа өрнөв.
Нарантуул, Сувд-Эрдэнэ... Нэр шигээ сайхан хүмүүсийн тухай, үсгээр хэлхэж хийсэн шүлгүүд. Би ч бас хэн нэгэнд ийм шүлэг зохиож өгч байснаа дурсав. Засаж, баллуурдаж, гараа гарган байж бичээд өгөхөд минь тэр яалаа. Баярласан байхаа, гэхдээ баяр гунигаа гаднаа гаргах дургүй хүн. Дотроо баярлаад л өнгөрсөн байх. Яагаад ч юм түүний дотоод сэтгэлийн тухай өөр хүний амнаас илүү сонсож байсан санагдах юм.

Нэг иймэрхүү...
Маргааш бас юун тухай "яриа" миний уншдаг блогууд дотор өрнөх бол?

Бас нэг хүсэл

2010-10-18T17:53:00.005+09:00

Өглөө метронд сонин гарчигланаа. Эд нар бүгд үнэгүй. Би тэхдээ ногоон өнгөтэй "Метро" гэдгийг нь л уншдаг. Хуудаснууд нь үдээстэй болохоор салаад уначихгүй амар байдгийн. Хамгийн гол нь миний дуртай нэг булан бий. "Ask Catwoman" гээд хайр дурлал, элдэв харилцааны тухай асуултандаа хариу авдаг булан.

Love paradox
<-- энэ дээр дараад үзээрэй.
Сайтруу нь орно. Тэхдээ со хэл дээр л дээ

Энэ бүсгүй хөтөлдгийн. Их чөлөөтэй, шууд түс тас хийсэн хариулт өгдөг. Хүмүүс ч элдвийн зүйл асуух юм дөө.

Асуулт:
Би одоо 28тай, нэг ч удаа хүнтэй үерхэж үзээгүй
Саяхан нэг хүнтэй танилцаад, жоохон ярьж суусан, тэр хүн над таалагдсийн
тэгсэн би тэрүүнд онц санагдаагүйм байлгүй, ярихгүй, намайг залгахаар авахгүй байна.
Сэтгэлдээ гүн шархтай үлдлээ яахуу?

Хариулт:
Иймэрхүү шарх амсаж үзээгүй хүн энэ дэлхийд байхгүй гэхэд мөрийцсөн ч алдахгүй.
Тэгээд ч 28 хүртлээ үерхэж үзээгүй гэдэг яав ч сайн хэрэг бишээ. Өөрийгөө нээ, бас хорвоогоор дүүрэн эсэн бусын хүмүүс байдагтай танилц, үнэхээр тэгж гомдолтой санагдаад байвал сэтгэл татам бүсгүй болж хувирахыг хичээ. Миний хэлсэнд бас сэтгэл чинь шархлах вий дээ. No pain no gain, honey!

Асуулт:
2 жил үерхээд хаягдчихлаа. Шалтгаан нь тодорхой бус, сэтгэл зүйн бэлтгэлгүй байсан болоод салахгүй гэж зөндөө гуйлаа. Шийдвэрээсээ буцахгүй гэнээ. Түүнгүйгээр амьдарч чадахгүй нээ. Түүний хувьд одоо ажил, амьдралын хувьд хэцүү үе учраас, 2 жилийн дараа дахиж уулзая гэж тохирлоо. Тэр болтол хааяа уулзаж байя гэнэ. Зүрх өвдөөд байна яах вээ???

Хариулт:
Нэгд, түүнгүйгээр амьдарч чадалгүй дээ. Хоёрт, 2 жилийн дараа эргээд уулзахдаа чи өөрөө дургүй болсон байх болно. Гуравт, эхэлж болий гэсэндээ бантаад худлаа гоё үг амлаж байгаан, үүнд итгэх хэрэггүй.

Зүрх өвдөх ч яахав, тэгж байгаад болино. Дахиад дурлана, найз залуутай болоод үзсэн охидууд дахиад л өөр хүнтэй болдог. Чамд санаа зовохгүй байна, харин ооогт үзээгүйнүүдийг нь л өрөвдөх юм даа.

Асуулт:
Бид хоёр удахгүй гэрлэх гэж байгаа. Би мэдээж өдий болтол хүн амьтантай унтаж байсан л даа. Харин энэ хүнтэйгээ анхны шөнөдөө хадгалаад одоо болтол секс хийж үзээгүй. Гэхдээ оршилдож тоглох дуртай л даа. Залуу маань намайг өмнө нь өөр хүнтэй унтаж үзсэн эсэх, гар хангалга хийдэг байсан эсэхийг сонирхоод байх юм. Үнэнээр нь хэлэх үү байх уу?

Хариулт :
Ингэ за.
"Чи секс хийж үзсэн үү?" - "Үгүйээ ккк"
"Гар хангалга?" - " Чамтай танилцсанаас хойш л ..."

Тэр мэдээж тэнэг л биш бол үнэн худлыг нь мэднэ. Зүгээр л сонсмоор байгааг нь хэлээд өгчих. Хосуудын хувьд иймэрхүү "цагаан" худал үг үнэнээс илүү хэрэгтэй байдаг.

Инээдтэй нь надад тиймэрхүү асуулт, хариулт их сонирхолтой санагдаад байх юм. Хэрэгт дуртай, романтик, хүмүүсийн дотоод ертөнц, сэтгэл зүй рүү өнгийх дуртай болохоороо тэр юм болуу? Энэ catwoman бас над шиг хумхын ордны, AB бүлгийн цустайм билээ. Бичсэнтэй нь санаа нийлээд байдаг нь бас цаанаа учиртай биз. Хожмын өдөр, сэтгэлзүйн сайн мэдлэгтэй болж байгаад, өөрөө бас лаг туршлага сууж аваад, энэ блогоо "Ask Soulmate" болгож өөрчилдөг ч юм билүү? Миний шинэ мөрөөдөл ккк

Дурламтгай нүд

Дурламтгай нүдээ аниад хэнийг ч дахиж харахгүй
Дур хүслээ янгинатал түгжээд хэнд ч дахиж нээхгүй
Хэн нэгний араас ширтээд ганцаар үлдэхгүйн тулд
Хээнцэр цэцэг шиг охидоос дурлал ахиж гуйхгүй

Охидод ахиж хэзээ ч утасныхаа дугаарыг өгөхгүй
Одоо л залгаасай гэж сэтгэл гэгэлзэн хүлээхгүй
Дулаахан биеийг чинь тэвэрч урууланд чинь ахиж шунахгүй
Дурламтгай нүдээ анилаа, хэнийг ч ахиж харахгүй
Б.Батзаяа

Өөрөө дурлахаа болиод өрөөлийн дурлалд зөвлөгөө өгдөг гэгээрлийн дээд шатруугаа шилжнээ гсн :р

Ханиадны эмнээс болоод толгой манарлын байдалтай байнаа. Их л хичээж бичлээ. Утга агуулга, найруулгын алдаа байгаа байхаа өөрсдөө залруулаад уншчаарай :р

Ийм нэгэн хүсэл байх юм...

2010-10-13T13:12:00.002+09:00

Уншсан хойноо хаямааргүй ном байхсан
Учирсан хойноо салмааргүй нөхөр байхсан
С. Удвал

Миний энэ хүсэл. Амьдралын замд ямар нэгэн сэжүүрээр холбогдсон хүмүүстэй тэр холбоос нь тасарч үгүй болсны дараа ч найзууд хэвээрээ үлдэх юмсан гэсэн хүсэл. Үгүй ядахдаа сайн сайхнаар дурсагдаж байхсан гэсэн хүсэл. Дор хаяж л өөрийнхөө тухай эерэг сэтгэгдэл төрүүлэх гэсэн хүсэл.

Миний энэ хүсэл. Хүн болгонд таалагдах гэсэн шунал байх вий дээ. Өөгүй болох гэж өөрийгөө өнгөлөн далдлах, өөх ч биш булчирхай ч биш бөөрөнхий авиртай нэгэн болж хувирах вий дээ. Өнөөдрийн асуудалдаа түүртээд, өнгөрч баларсан хэн нэгнийг дурсаж санах зай үлдэдгүй гэдгийг үл ухаарах хоосон, үр дүнгүй хичээлт байх вий дээ.

Тэхдээ л би ийм болоод төрчихсөн юм шиг байнаа. Одоо яая гэхэв.

Явж ирснээсээ хойш ханиадтай байлдаад дуусдгүйэ. Эмээр бөмбөгдлөө, чацарганы шүүсэнд живүүлэх гэж оролдлоо. Бардгүй шүү. Өчигдөр тариа гэдэг атомын зэвсэг хэрэглэжийж нэг муу юм салах шинжтэй. Бөөн далим. Бие лагшин тааруухан байгаам чинь гээл баахан төлөвлөсөн юмаа эхлүүлэх ч гүй өөрийгөө бөөцийлөөд яваад байдаг. Нэг мэдсэн чинь 10 сар дундаа орчлоо. Хоёр мэдэхэд он гарахнээ. Юм бодно байгаа хүн гуай-->өөртөө хэлж байгаан. Нухацтайгаар хэллээ шүү.

Миний мэдэх намар

Харсаар байтал зуны сарууд яг дэргэдүүр минь өнгөрч
Хачин уйтгартай ч нэг л танил шаргал өдрүүд ээлжилнэ
Навчис, шувууд, дурлалууд надаас холдоод явахын цагт
Намрын бороо зуных шиг шивэрч сэтгэл үймүүлэх нь юу вэ

Чиний тухай бодлуудыг минь намрын салхи холоо хийсгэж
Чийглэг зөөлөн уруулын хээ навчтай цуг хатчихсан байна
Амрагийн сэтгэл шувуу шиг үргэж би намар шиг гунихын цагт
Арван сар гэдэг надад амьдрал шиг урт санагдаж байна

Инээлдэж байсан цэцэгс толгой гудайх нь үхэл шиг
Илүүдэж байсан дурлалуудаас нэг ч үгүй, цэцэгс шиг
Яг далайн давалгаа шиг шүлгэнд минь хүртэл гуниг шингэчхэж
Ямар их уйтгар вэ намар минь чамайг би өрөвднөм

Г.А.гийн шүлэгнээс 10 сарын тухай хэсэг нь онцгүй санагдаад оронд нь гунигтай ч гэсэн арай гэгээлэгийг тавьчлаа.

Намар

2010-10-08T15:08:00.000+09:00

Дахиад л намар... Энэ жил их намбалаг, нарлаг, налгар намар болж байна. Би өөрөө ч тийм байна :) Нэг л их налайж назгайрсан хүн. Блогоо бичихээс ч залхуурах хандлагатай. Гадуур ёстой сайхан байнаа. Одоохондоо навчис шарлаж амжаагүйг эс тооцвол... Шаргалтаж улаараад ид гоё болохоор нь явж зураг дарнаа. Жил болгон ингэж бодоод чадахгүй өнгөрдгийн. Энэ жил яг. Бат. Энэ нутгийн хамгийн үзэсгэлэнтэй үе нь намар цаг байдаг. Түүнийг өөрийн нүд, мэдрэмжээр хадгалж үлдэхийг бодноо...

Ойрын хэд хоног дандаа ажлаасаа хоцроостой. Уул нь босдогтоо босоол суудагтаа сууж байгаан. Метро хүртэл намар гэж налайгаад аажуухан явдаг болцийм болуу. Асар хурдан гүйвэл амжихаар байдаг л даа. Тэхдээ гүйхгүйэ. Өглөө 9ийн алдад нар зөөлхөн ээгээд салхи хөнгөхөн сэвшээд гөөмөн сайхан байдгийн. Тэр гоёыг мэдэрсэн шигээ уужуу тайван алхсаар хэдэн минут хоцроод орж байгаа. Тэгээд ч өндөр өсгийт дээр гүйж байгаад шагайгаа мулталчуул хайран хөл минь шүү дээ тиймиздээ :р

Би уул нь их адгуу яаруу хүн л дээ. Хичээл, ажлаасаа хоцрох дургүй. Өглөө хичээлээсээ хоцрохгүйн тулд удаан хөлтэй дүүгээ хаячаал ганцаараа явчдаг байсан. "Зөрчил, хоцрогдлын самбар"-т нэрээ бичүүлэхээс айдаг байсиймуу, хаалгаа барьсаны дараа үүдэнд "жижүүр анги"-н хүүхдүүдийг царайчлахаас дургүй хүрдэг байсиймуу, эсвэл жигдрээд сууцан ангид нүүрээ улалзуулан багшид загнуулан орохоосоо зүрхшээдэг байсан ч юмуу. Бүүмэдээ. Хоцроод л гүйгээд орсон чинь өөр ангийхан байнгуут аймаар шараа байдаг тэ ккк.

Зарим нэг үгийг нь тайлбарлая л даа. Жижүүр анги гэдэг нь сургуулийн дэг журмыг сахиулагч нар юм. Ахлах ангийхан ээлжлээд долоо хоногийн турш жижүүр анги хийцгээнэ : давхар болгонд тусгай байрлал дээр энгэртээ ЖА гэсэн бичигтэй зогсоод үймүүлж байгаа, урсгал сөрсөн(баруун талын шатаар өгсөж зүүн талын шатаар урууддаг дүрэмтэйн), гүйсэн, ноцолдсон, хоцорсон хүүхдүүдийг бүртгэж аваад багш нарын өрөөний үүдэнд хадаастай "Зөрчил Хоцрогдлын Самбар" хэмээх баатм цаасан дээр ангитай, нэртэй нь бичдэг гол үүрэгтэй. 4 дөхөд билүү их цэвэрлэгээ хийж сургуулиа гялалзтал угаагаад дараагийн ангидаа хүлээлгэн өгдөг...

Жижүүр баг гэж бас байх, хичээл тарсны дараа үлдэж ангиа цэвэрлэх үүрэгтэй. Хагассайнд жижүүр багийнхан хүмүүжлийн ажил гэж бэлдэх ёстой, баатм цаасан дээр янзүрийн зураг, хүснэгттэй самбар гаргаад, ангийхнаараа тоглоом тоглуулах гэх мэтийг зохион байгуулдаг байсийн. Юу хийх вэ гээл толгойны өвчин болдог сон. Мөн л 4дөхөд ирж ангиа цэвэрлэнэ, тарчаад юм ярьж, гадаа тоглож, гадуур хадуурсаар байгаад оройтож харьдаг нь уламжлал. Миний сайн байсан хүүхэд өөр жижүүр багийнх, тэдний их цэвэрлэгээ хийх өдөр би ямар нэг шалтаг бодож олоод цуг ирдэг байлаа, тараад бас тэдний гэртэй ойролцоо байдаг эгчийнх рүүгээ явах "чухал ажил"тай болчноо :р

Одоо жижүүр анги, жижүүр баг хийдэг хэвээрээ болуу? Сургуулиа бодсон чинь гоё санагдчихлаа. Дараа бас үргэлжлүүлнээ...

The Monster (2003)

2010-10-05T16:18:00.000+09:00

Үзэх сэн гэж боддог хэрнээ халшраад байдаг кинонууд байдаг даа. Charlize Theron-г бодохоор үзмээр, даанч үйл явдлыг нь урьдаас уншцан болохоор нэг л халгаад байсан юм. Эртүүд зурагтаар гарч байхаар нь үзээд хаясаан.

Хурдны зам дээр зогсож биеэ үнэлдэг "я" хүүхэн байдгийн. Хар багаасаа зовлонгийн бүүр ёроолыг үзцэн. Дөжирцөн. Өнөөдөр олсон мөнгөөрөө өнөөдрөө өнгөрүүлдэг нэг тийм амьдрал. Тэгж байтал хүн болсоор анх удаа хайр гээч юмтай учирнаа. Бүлтийсэн нүдтэй эгдүүтэй охинд дурлачдын. Цаадах нь ч талтай. Хоёулаа ид таталцаал, болзож эхэлжийтэл мань хүүхний нэг үйлчлүүлэгч нь балиар гаж донтон таараад... Аргагүйн эрхэнд тэрүүнийг буудаад алчдын. Нөгөө охинтойгоо нэг гэрт ороол аминдаа хүн шиг ажил төрөл хийж амьдрах гэж үзэвч бүтэхгүйээ. Тэгээд ер нь муусайн хог шаарнууд (үйлчлүүлэгчдээ)-ыг буудаад буудаад явчихад яадын гэж бодно. Хорвоо нэг адгийн амьтнаасаа чөлөөлөгдөг гэсэн шиг... Тэгээл төгсгөл нь ойлгомжтой. Бодит түүх гэнэлээ.

Charlize Theron-ий жүжиглэлт үнэн гайхалтай. Алхаа гишгээ, нүүрний хувиралт, биеийн хөдөлгөөн... Эв хавгүй, зовлонд нухлагдаад эмэгтэй хүний гэх шинжээ бүр гээчихсэн, тэгсэн хэрнээ дотроос нь хайр оргилоод л байгаа тийм дүрийг үнэхээр сэтгэлд хүртэл амилуулж чаджээ. Christina Ricci нь би сайн мэдэхгүйн энэ кинон дээр бол алаг нүдэлчээд эгдүүтэй гэж. Хөөрхий цаадах нь хамаг юмаа хаяад гүйхээс ч өөр аргагүйм шиг.

Хайр дурлалд хязгаар гэж байхгүй юм даа. Бага байхдаа царайлаг залуу, хөөрхөн бүсгүй хоёрын хооронд л уярмаар догдолмоор хайр байдаг гэж боддог сон. Азаар дурлал гээч нь миний төсөөлсөн шиг царай харж цэмцэгнэдгүй, хэнийг ч гэсэн голохгүй хэзээ хаана гэж ялгахгүй хүрээд ирдэг их "шударга" эд юм шиг байнаа. Кино ерөнхийдөө дажгүй санагдсан, над шиг халшраад байсан хүн байвал үзээрэй, харамсахгүй шүү : )

Үнсэхийг хүсдэг уруулдаа дөнгөж шүргэхийн төдийд л
Үргээд надаас нисчихдэг чи нөгөө дурлал мөн үү
Нойрыг минь хулжааж намайг үүр цайтал гуниглуулдаг
Нойтон ч биш хүйтэн ч биш чи нөгөө дурлал мөн үү
Мөрөөдөж явсан цэнгэл дуусахтай нь зэрэгцээд дундарчихдаг
Мөхдөггүй мөнхөрдөггүй чи нөгөө дурлал мөн үү
Гол улаан махыг минь гэгэлзүүлж гуниглуулж ханадаггүй
Гомдмоор ч юм шиг шунамаар ч юм шиг чи нөгөө дурлал мөн үү
Хаваржин сэтгэлийг минь өнчрүүлж явчихаад
Хаа байсан намар ирэхдээ согтуу тэгээд бас яаруу
Нэг л ирэхэд чинь бүх юм оройтчихсон байх вий
Нээрээ чи дурлал мөн үү ойр ойрхон ирж бай!
Б. Батзаяа

Өчигдөр Батзаяагийн номыг нэг амьсгаагаар уншив. Өөрийнх нь хэлснээр учиргүй их гунигтай, ганцаардсан, сэтгэл санаа хөвсөлзсөн, дэвэрсэн тийм үедээ дахин дахин уншиж ханьсмаар тийм л шүлгүүд. Нэг уншаад сэтгэл ханахгүй л дээ мэдээж.

Тодоор бичсэн мөрт нээх хөөрхөн санагдаад...

Хөөрхөн Lone Bee-дээ гялайлаа. Тээнкс. Үнций.

Жижиг сажиг...

2010-09-29T17:54:00.000+09:00

Аахар шаахар зүйлсийн тухай бичих үү байх уу?

зуслангийн тэнгэр дэх одод ямар тод бас ойрхон байсныг...
зууханд шатах модны үнэр юутай дотноор хамар гижигдэн байсныг...

миний хийсэн цуйванг гэрийнхэн амтархан идсэнийг...
модон байшингийн дээврийг бороон дуслууд бөмбөрдөх чимээг сонсон хэвтсэнээ...

нэг хүний нүд...инээхдээ хөөрхөн хэрнээ гунигтай байсныг...
өөр бас нэг хүний шүд...инээхдээ цайран харагдаж байсныг...
тэр хоёр хүнийг дагаад би татаж унатлаа хөхөрч байснаа...

удаан уулзаагүй найзынхаа царайг тольдон, он цаг түүнээс бас надаас юуг нь авч одон, юуг үлдээж орхисныг эргэцүүлэн суусан оройг...
уусан дарсандаа, бас ухаалаг ярианд согтонхон улаан хацарлан суусан үдшийг...
Ван Гохын зураг хананд нь өлгөөтэй байсан тэр газрыг...
Виктор Цойгийн дууны аянд хүмүүс, бас би, хэрхэн үсэрч дэвхэрч байсныг...

хальт уулзсан тэр хүнд ямар нэгэн сэтгэл татам зүйл байсныг, гэхдээ одоо аягаа барьж байсан гарнаас нь өөр зүйлийг тод санахгүй байгаагаа...

"ХОТ" бид хоёр бие биенээсээ улам төсөөрч, холдож хөндийрөөд...эргэж нэг нэгэндээ дасахад улам л их хугацаа хэрэгтэйг мэдэрснээ...

ганц ганцхан мөр л бичээд орхиё доо.

ШҮЛЭГ

Хүний нулимс-нэгэн мөр шүлэг
Хүслий минь шатаан одох цагийн галт тэрэг-нэгэн мөр шүлэг.
Амрагаа үгүйлэн ганцаардах сэтгэл-нэгэн мөр шүлэг.
Алст үдэн хагацаад, шөнөдөө халуурах эрүүл бие-нэгэн мөр шүлэг.
Хүний тэсвэр, эмгэнэл, хүрэн зүрхний хяруу, цээжний цахилгаан
Хүрлийн үед ч, атомын үед ч ялгаагүй, ганц мөр шүлэг.

/дундах хэсгийг нь оруулалгүй орхив/

Цөхрөлийн эхэн-найдварын эцэс,
Найдварын эхэн, цөхрөлийн эцэс...
Цөм нэг нэг мөр шүлэг,
Дөл болж дүрэлзэх хуурай нарс,
Дөнгөж ноцоод унтарсан нойтон цучил,
Ил, далд, гүйцэд, дутуу...
Энэ буй ЕРТӨНЦ бүхэлдээ ганц ганцхан мөр шүлэг.

Д. Урианхай.

гоё ном бэлэглэсэн Навчдаа баярлалаа.

Учрахын баяр их тусмаа хагацахын гуниг хүнд

2010-09-28T09:53:00.000+09:00

Энэ замаар өчнөөн жил явсан ч, баяртай гээд эргэхэд улам л хэцүү болдгийн учир юу юм болоо. Дараагийн удаа өөр хэн нэгнийг гаргаж өгөх гээд сууж байх сан гэж хүсэв. Эсвэл түр явчаад л буцаад ирэх тийм аялалд л мордох сон гэж хүсэв.

Учрахын баяр их тусмаа хагацахын гуниг хүнд,
Ургах хагдрахын зовлон даасан буурал уул
Ул сууснаараа ганхаж байгаад, нураад дарчих шиг хүнд

Эзэнгүй гэж дандаа амласан сэтгэлийн илчинд,
Эгэлж жихүүцсэн нэг өдрөө дулаацах гээд очиход
Зайгүй болчихсон байх шиг хүнд

Энэрэх итгэхийн ухааныг цээж халуу оргитол зулж өгөөд
Энгэр түшсэн буурал өвөөгийн минь үг
Худал юм шиг санагдам хүнд

Одод шуугдсанаас хойш ч тэнгэр баярлуулан үлдэж
Од одноос түрүүнд асан үдшийн бүрий сүлдэг
Огторгуйн ганц цолмон бөхөх шиг хүнд

Учрахын баяр их тусмаа хагацахын гуниг хүнд
Унтаж сэрээд хартал, хээр ганцаар явгараад
Унаганаасаа үүрссэн хийморийн хүлэг
Хаяад явчихсан байх шиг хүнд

Ирэх нэгэн өдрийн аз тохиож
Инээд, нулимсандаа дэвтэн тэврэлдэж
Эргэн золгох мөч хүртэл,
Орчлон хөмрөх шиг хүнд!...

Д.Урианхай.

Ланфрен Ланфра

2010-09-14T01:25:00.003+09:00

ингээл байгаад баймаар.
бүх юм сайхан...

Гадаа зогсоод л баймаар
Нүүрээн тэнгэрт л харуулан
Зогсоод баймаар цасанд мод шиг даруулан
Зогсоод л баймаар
Царай зүсэнд минь
Цагийн төрх тодортол
Зогсоод
Зогсоод л баймаар
Улаан алчуураа
Цагаан болтол
Зогсоод л баймаар
Урсатлаа
Урсаад арилтлаа
Бороонд зогсоод л баймаар
Чиний үнэрийг авч явсан салхи
Авчирч өгөхөөс өөр
Аргагүй болтол нь
Зогсоод л баймаар
Ирэхгүй гэдэг үг
Ичээд нуугдтал
Зогсоод л баймаар
Ирэх замыг чинь зөөллөн
Элс болон бутартлаа
Зогсоод
Зогсоод л баймаар
Л.Ө.

Eat Pray Love

2010-09-10T18:19:00.000+09:00

Гоё ном санал болгосон Рүбиксдээ баярлалаа.

Амьдрал нэг л биш, миний хүссэн санаснаас өөр замаар яваад байгааг мэдрэхээрээ яадаг вэ? Ихэнх нь амьдралаа өөрчлөх зориг хүрдэггүй, тэсээд л, бүх юм аяндаа сайхан болохыг хүлээгээд л... Өөрийн хийсэн буруу сонголтын үр дүнтэй эвлэрээд л дуусдаг байх. Эсвэл үнэхээр миний хүссэн амьдрал гээч нь юу юм бэ гэдгээ ойлгож амжилгүй байсаар насыг барах нь ч элбэг. "Eat, Pray, Love"-ыг бичсэн Elizabeth Gilbert хэмээх бүсгүй харин энэ асуудлыг атаархмаар гоё даваад гарчээ.

Тэрвээр нэг бүтэн жилийг зөвхөн өөртөө зориулж, хүссэн зүйлээ хийж өнгөрүүлэхээр шийдсэн байна. Итали хэл сурахын тулд Ромд 4 сар, бясалгал үйлдэхийн тулд Энэтхэгт 4 сар, эцэст нь газар дээрхи диваажинд өөрийх нь ирээдүйг зөгнөж хэлсэн өвгөн домчтой уулзахын тулд Балид 4 сар амьдарна. Энэ хугацаандаа өөрийн дотоод сэтгэлийг тольдон харж, өөрийгөө таньж, биеийн болон сэтгэлийн зовиураа арилгаж сурах бөгөөд нэг жилийн өмнөхөөс хамаагүй жаргалтай бүсгүй болон хувирсан тухай аян замын тэмдэглэл, memoir байна.

"Хот бүр өөрийн онцлог шинжийг агуулсан үгтэй байдаг. Ромын хувьд энэ нь <СЕКС> Хот тэр чигтээ сексээр амьсгалж, сексийн төлөө оршин тогтнож, сексийг хөхүүлэн дэмждэг. Нью-Йоркийн хувьд <ЗОРЬСНОО БҮТЭЭХ>, Лос-Анжелес бол <АМЖИЛТАНД ХҮРЭХ>, Нэйплийх <ЗОДООН>, Парисынх магадгүй <ДУРЛАЛ>" (Улаанбаатар хотых маань юу байж болох вэ? <ЧИХЦЭЛДЭЭН?> )

"Залбирал бол бурханд хандаж ярихыг хэлнэ, харин бясалгал бол бурханыг анхааран сонсохыг хэлнэ"

"Хүний амьдралд үй олон soulmate таарч болох бөгөөд тэд өөрийн гэсэн үүргээ гүйцэтгээд амьдралын гольдролоос салан оддог. Зам нийлэхээ больсон хүний араас чаргууцалдах хэрэггүй, баярлалаа гэж хэлээд явуулах нь зөв"

"Балид хүүхэддээ 4 янзын л нэр өгдөг : Wayan, Made, Nyoman, Ketut. Үгчилж орчуулвал Ууган, Удаах, Гутгаар, Дөтгөөр. Тавдах хүүхдэд дахиад л эхнээс нь Ууган 2дугаар гэх мэтээр. Тийм ч учраас Балид хүн болгон хочтой байдаг"

"Би түргэн дурладаг, үр дагаварт нь ямар риск нуугдаж байж болохыг тооцдоггүй. Тухайн хүнийхээ хамгийн сайн талуудыг л олж хардаг, түүний сэтгэл хөдлөл нь ямагт дээд цэгтээ тулаастай байх юм шиг л төсөөлдөг. Үр ашиггүй, өөрийгөө ч түүнийг ч зовоосон хүлээлт, найдвар... эцсийн эцэст би өөрийн хэт өөдрөг зангийнхаа золиос болдог удаа олон байсан" (Би яг ийм шд...энэ өгүүлбэрийг уншаад яг өөрийгөө мэдсэн)

гэх мэт сонирхолтой, доогуур нь зурмаар хэсгүүд зөндөө байлаа. Бас их алиа, хошигнол ихтэй...Уншиж сууснаа ганцаараа үхтлээ инээгээл. Хөгжилтэй, ухаалаг, сайн найзтайгаа чалчиж байгаам шиг сэтгэгдэл төрж байлаа. Өдөр нь яаж ч стресдсэн орой нь энэ номыг уншихлаар сэтгэл амраад л, тайвшраад нэг л гоё.

Бурханы тухай, бясалгалын тухай хэсгийг тийм ч сайн ойлгоогүйэ. Гэхдээ сэтгэл дэх зовинол, зүдгүүрээ арилгахын тулд, сэтгэлийн амар амгаланг олохын тулд бясалгал хийж сурах хэрэгтэй юм байна гэсэн бодол төрсөн. Эхний боломжийг ашиглан энийг судалж үзэхийг хүсэж байгаа.

Удахгүй кино нь гарах юм байлээ. Гарцан ч юмуу. Жүлиа Робертс тоглосон...Хурдхан л олж үзмээр байна.

Дурсамж

2010-09-09T17:59:00.003+09:00

Дурсамж бол ой ухаан гэдэг тайзан дээр зүрх сэтгэл хэмээх найруулагчийн редакторлосон жүжиг.

/хэн нэгний хэлсэн үг/

Дурсамж хэмээгч нь...уураг тархинд шингэсэн өнгөрсөн үеийн тухай тэмдэглэл билээ, гэхдээ тэнд бодит үйл явдал, орон зайн тухай хөдөлшгүй баримт бус харин хувь хүний сэтгэл дэх мэдрэмж хадгалагдан үлддэг... Мэдрэмж маань өөрөө хувийн шинж чанартай тул дурсамж ч мөн адил. Амьдралын зөрлөг дээр уулзаад учраад салахдаа өөр өөрийн гэсэн мэдрэмжээ дурсамжийн хайрцгандаа тээн, цаашдын замаа даган оддог...

Он жил урсах тусам, уг тэмдэглэлээ өөртөө тааламжтайгаар хувирган өөрчлөх бөгөөд санахыг хүссэнээ л санаж, хэрэггүй хэсгийг нь тайрч тасдан баллуурдаж хаях бөлгөө. Эцсийн бүлэгт, чиний миний ой ухаанд зураглагдан үлдсэн тэр дурсамж, жинхэнэ бодит түүхээсээ нилээдгүй гажсан, хувийн хүсэл таашаалд нийцсэн уран сайхны кино болж хувирах...

Гоё кино үзээд уйлж уярч болно, харин тэр бол жинхэнэ амьдрал биш учраас итгэж болохгүй. Гоё дурсамжаа хадгалаад нандигнаад хааяа нэг гаргаж ирж үзээд амьдарч болно, харин түүндээ автаж болохгүй. Дурсамж дурсамжаараа л үлдэхийн чухал нь энд оршмой...

Намайг шатаах илч илгээсэн
Чамайг харамсан үгүйлнээ
Бодол ээдүүлэн дурсана чамайг
Богинохон дурсамж бүсгүй...

PS : баахан гурван цэгнүүд, бөлгөө, оршмой этр гээд
аймаар хэлбэрдсэн бичлэг ганцыг хийчлээ үхэхэх
гадаа бүрхэг байхаар ингэж бичмээр санагдаад байхын :)

Урт жилүүдийн тухай...урт дурсамж

2010-09-07T15:04:00.003+09:00

Ойрдоо аягүү сонион. Хаа сайгүй 3ын тоонууд харагдаад байдаг болчлоо. Санаандгүй цаг харахад 3:33. Миний тоглодог тариалангийн талбай дээрх оноо нь 333333. Уншиж байгаа номны хуудсыг гэнэт анзаарсан чинь 333. Энэ бичлэг маань албан бусаар 333 дах нь. Би бараг талаас илүүг нь зүгээр ноорог маркаар хадгалчдын. Тэднүүсийгээ оруулаад 333 гэсэн үг. Өөр бас хаана ямар 333 харлаа даа мартчиж.

За энэ бол хадуурал байлаа. Уул нь бол эндэх оюутан амьдралынхаа тухай бичих гэсий. Эртээр хүн асуухад нь яриад өгчий гэсэн толгойд орж ирэх юм байдгүй шүү. Тэгээл өнгөрсөн хойно бодоод сууна. Би ер нь дандаа тэгэх юмаа. Тэр үед тэгээд ингээд хэлцэн бол гоё байх байж дээ гээл хаа хойно өнгөрснийх нь дараа амаа барьдаг.

98 оны хавар гурван монгол оюутан хөдөөний жижгэвтэр, цагтаа улсын сургууль байхдаа хүүхдүүд элсэх гэж өрсөлддөг асан, одоо бол хувьд шилжээд яахав дээ нэг болсон сургуулийн босгоор алхан оржийлаа. Монголд нэг жил сурсан хэл аманд ч гүй хамарт чгүй. Азаар хичээл нь лекц хэлбэрээр уншаад явчдаг биш, 10 жилийх шиг багш нь самбар дээр бичиж тайлбарладаг тулдаа танагтай. Хэлийг нь ойлгохгүй би вээр самбар дээрхийг хуулах, эсвэл өөр юм бодож цагийг өнгөрүүлээстэй. Инженерийн хичээлүүд болохоор тоо ихтэй, сүүлд нь номоо нухвал бас ч гэж хагас хугасыг нь ойлгодог тулдаа нэг жилийг давсан байх. Зарим нэг ханз ихтэй хичээл дээр бол чүү чамай D аваал гарсан.

Долоо хоног болгон гэрийн даалгавар өгнө, тэрийгээ report гэнэ. Монголд реферат гэдэг байлуу :р Тэгээд дундын шалгалт, улиралын эцсийн шалгалт. Монгол шиг билет сугална гэхгүй бүгдээрээ нэг ангид сууж байгаад л шалгалтаа бичгээр өгчихдөг байсан. Шалгалт дөхөхлээр номын санд суудал олдохгүйэ. Өдөржин шөнөжин сууж улаан нүд гаргачаад номоо сөхөж ч хараагүй, архидсаар байгаад таарлаа гэсэн хүмүүс л байна. Эгч тэрүүнд нь итгээд за би ч ядахдаа номоо дэрлээд унтсым чинь толгойд орсон байх учиртай гэсэн юм бодоод додигор хаха. Шалгалтын дүн гарахад үнэн юм үнэнээрээ гарчийгаам чинь. Дүнгээ бас их нууна. Ер нь хар багаасаа хоорондоо өрсөлдөж, дээгүүр байр эзлэхийн төлөө тэмцдэг болохоор хичнээн сайн найзууд байсан ч өөрөөс нь илүү сайн дүн авчихвий гэсэн болгоомжлол үргэлж байдаг.

Хичээл тараад дээд курсын ах эгч нараар хоол цайнд даалгах нь шинэковуудын дархан эрх. Хариуд нь сайн бөхөлзөх хэрэгтэй. Танилцах уулзалт арга хэмжээнүүд орой бүр зохиогдоно. Ууна иднэ, ууна, ууна бас дахин ууна. Уучихаараа чухам дотносоод сайн найзууд болсон хэрнээ маргааш нь танихаа байчдаг нь жоохон тиймэрхүү. МТ(membership training) буюу зугаалганд бас явнаа. Юуг нь ч мэдэхгүй дагаад намирсан чинь дээд курсынхэндээ дэглүүлээд. Миний төсөөллөөр цэргүүд л өмнөх жилийнхэндээ тэгж дээрэлхүүлдэг байхаа. Нулимс маань тэхэд аварч билээ, намайг бархираад эхлэнгүүт сандраад өөр тийш нь аваачцан :) Ер нь эднүүс эр эмгүй хагас цэрэгжсэн байдалтай, номхон зогсоод өөрийгөө танилцуул гэхэд яг л байлдагч хүн шиг болчихно. Бөөнөөр нь тэгж дэглэдэг бол ангийн хүүхдүүдийг хооронд нь коллективтой болгох арга юм гэсээн.

Дугуйлан гэж байна, дуу бүжгийн, компьютрийн, сонины, Исүсийн гээд янз бүр. Хүүхдүүд өөрсдөө сайн дураараа нэгдээд бие биендээ мэддэг юмаа зааж өгдөг бүлгэм гэхиймуу даа. Хичээлийн завсраар, цонхтой цагаараа дугуйлан дээрээ очоод дэмий буу халаад сууж байх нь элбэг. CC (campus couple) буюу сургуулийн хосууд эндээс ихэвчлэн төрнө. Хавар намартаа сургуулийн баяр гэж хийдэг. Дугуйлангууд өөрсдийн үзүүлбэрээ бэлдэнэ, жижиг сажиг идэх юм хийж зарна, гаднаас хамтлаг дуучид ирж концерт тоглоно. Хааяадаа үнэгүй кино үзүүлнэ. Нэг удаа төв зааланд "Худал үг" гэдэг нэртэй кино гаргаваа. Тэр үед шинэхэн танилцсан найз хөвгүүнтэйгээ цуг үзсэн чинь...юүфээ... Эротикийн төвшинг хол давсан боорно гэхэд арай л биш тиймэрхүү сонин кино байжүлээ. Аймаар ичээл тэгсэн хэрнээ бас орхиод гарчиж чадахгүй шимтэн үзээл. Гараад харьж явахдаа шал өөр юм ярьж нтр. Ичингүйрэн балайрах гэдэг үгний утгыг ихэд ойлгож билээ.

Төгсөлтийн баяр гэж харин ёстой юу ч болдоггүй шахуу. Манайхны нийллэг, найр, шоудалт... огт байхгүй шүү дээ. Монтаж гээд нэг номны чинээтэй юм авахуулна. Нэг мэргэжлээр төгсөж байгаа 100 гаран хүний зургийг бөөнд нь хийчиж байгаан. Тэгээл диплом гардан авах өдрөө гэр бүл найзууд нь ирж хамт патиар татуулаал. Дуусаа. Монгол ёсоороо нэг гоёлын дээл оюулаад төгсөхдөө өмсөнө гэж бодсон ичээд чадаагүй. Одоо болтол нэг ч өмсөж чадаагүй тэр чигтээ чимдаанд эвхээстэй.

Магистрт бол үнэндээ сурах сонирхолгүй байсан юмаа. Төгсөөд ажилд орох гэтэл бакалавр гээд голоод байхаар нь аргагүйн эрхэнд үргэлжлүүлэн сурахаар болсон. Бүүр хөдөө газар, хичээл нь хүнд, стресс ихтэй, ганцаардмал хоёр жилийг одоо эргэн бодох дургүй байдгийн. Цаг хугацааг буцаах болвол энэ үеийгээ алгасаад гарах сан гэж хүсдэг байлаа.

Эргээд бодож байхад, монголдоо сурсан бол илүү хөгжилтэй, сонирхолтой оюутан насыг өнгөрөөх байсан юм шиг. Ганцхан жилийнх ч гэсэн монголын оюутан амьдрал хамаагүй илүү баялаг, дүүрэн дурсамжтай байдаг. Хүн хүнээсээ л хамаардаг байх даа. Одооны хүүхдүүд хаа ч явсан зохицоод дасаад нутгийн индиан шиг болцон байхын. Би болохоор яг баримлын шавар шиг, эндэхийн нийгэмд, хүмүүсийн дунд өөрөө зохицон тэдний нэг хэсэг нь юм шиг амьдарсан, харин өөрийн гэсэн үзэл бодол, өнгө төрхөө олж авч чадаагүй нь харамсалтай санагддаг. Тэхдээ сургуулийн жилүүддээ хайртай. Явахаасаа өмнө сургуулиараа нэг дайраад гарах юм шүү...

Есөн сар

2010-09-01T09:39:00.000+09:00

Ну вот, наконец - то,
дождливый сентябрь!
Ну вот, наконец - то,
прохладная осень!

Намар, сэрүүн бороо, хуучны орос дуу, гитар хөгжим... Эд нар хоорондоо зохицдог юм шиг байнаа.

Манай жанжинко буцаж ирсэн. Сар гаруйхны дотор ямар их өөрчлөгдөө вэ. Хэл яриа, харц, сэтгэж байгаа нь... Бүүр томоо охин шиг л... Хүүхдээсээ хол олон жил байгаа хүмүүс яадаг болоо. Тэрүүхэн хооронд ийм том болж байгаам чинь. Хэдэн сар жилээр хол байвал тэр хэмжээгээрээ бяцхан бие нь, алдрай ухаан нь өсөж торниж байгааг харж, баясах жаргалаа алдаж байгаа хэрэг дээ... I don't wanna miss a thing about her :)

Би гэж хүн эргэж буцаал... Жилийн өмнө төлөвлөж, шийдэж байснаасаа няцаад л... Ганцаараа байх хугацаанд бодолд маань нилээд өөрчлөлт гарсан бололтой. Зөөлөн газардахын тулд бэлтгэл хэрэгтэй. Бас эргээд харамсахгүйн тулд. D-162...Одооноос өдөр хоногоор нь тоолноо. Эрхэм анд Э-гийн туршлагаар...

Хайрын тухай бодох болов. Хайр агуу, хайр ариун, хайр хүршгүй алсад гэж төсөөлдөг байжээ. Туниа муутай, хариугүй сульдаатай ч гэсэн сэтгэл дотор минь, дэргэд маань хайр байгаад л байсныг анзаараагүй ч юм шиг. Эсвэл сүүлийн хэдэн жил гадуур тэнэсэн сэтгэл санаа орон гэртээ эргэж ирж байгаа нь энэ үү. Хайр гэдэг нэр үг биш, хайрлах гэдэг үйл үг байсан нь илүү зөв санагдлаа.

Есөн сар...

Есдүгээр сар миний хамгийн дургүй сар
Яасан гэж би түүнд дургүйцнэ вэ?
Есдүгээр сар надад ямар гэм хийлээ?
Их гэм хийсээн, гэм хийсэн,
Ийм л тэнгэрийн дор би хамгийн их архи уусан,
Халамцаад инээж(маш их инээсэн),
Согтоод дуулж(хэтэрхий их дуулсан),
Сүүлдээ уйлж, харин уйлахдаа
Сүрхий эр хүн байх гэсэндээ бусдаас нулимсаа нуусан...
Нууж дотроо гашуу оргитол барьсан
Нулимс минь намайг эрүүл болгосон...
Сэргэж аваад нэг томоос том навчин дээрээс
Сэтгэлийнхээ жинхэнэ төрхийг харсан.
Сэтгэлийн минь жинхэнэ төрх
Алтан цох байсан...

Үгүй дээ, миний дургүй сар
Есөн сар биш юм байна.

Танилцъя

2010-08-23T17:00:00.002+09:00

Танилцы охион танилцы
Хүлээгээч охион, сонсооч

гээл Байзда дуулдаг байжүлээ.

Таанууд гудамжинд танилцаж, өдөж өдөлцөж үзжийсан л биз дээ. Би өдий хүртлээ 2 удаа л "танилцаж" үзсэн. 19тэйдээ, 29тэйдээ... Сайн санахгүй байгаа болохоос 9тэйд намайг нэг жаал бас өдсөн байж тун болзошгүй л ен тээ. 39тэйд яахын байгаан бүүмдээ. Найдлага тээцэн байгаа шүү :р Уртаашаа өргөөшөө хоёрхон юм болохоор аягүй сайн сананөө. Сүртэй гоц гойд явдал болоогүй ч дурсаад биччий яахуу.

19тэйд энд дөнгөж ирчээд автуусанд мангуураад төөрөөд явжийсан 10 жилийн формтой хөвгүүн ирснээ танилцы гэдгийн. Тэхэд хэл ус ч муутай. Ямар ч байсан ойлгоод, өөрийгөө гадаад оюутан гэдгээ хэлсэн. Тэгсэн мань эр их гайхжийнаа. Өөр шиг нь сурагч гэж бодсийн байх. Гэрээс илгээмж ирээд, шуудангаа олкуу мунгинаад явжийсан байхгүй юу. Өнөөх маань намайг дагаад бууцан болохоос зам этр мэдэдгүйн гэнэ. Тэгээд хоёулаа хүн амьтнаас сураглан барин шуудангаа олжийж билээ. Гар утас гарч ирээгүй үе, би нэг жижкэн улаан пэйжиртэй. Энд "би-би" гэж дууддагийн. Бибинийхнээ дугаарыг өгөөд салсан дахиж холбогдоогүй. Конец фильма :)

29тэйд Сүхбаатарын талбайн дэргэдүүр оройхон алхаж явсан чинь нэг хүн цаг асуужийна. Би цаггүй гэсэн чинь "өө тэнд цаг байшдээ. 9 өнгөрчийшдээ" гэнгүүтээ шуудангийн дээтлийн цагийг заажийна. Мэдсээр байж юундаа асуудаг байна гэж гайхаал аан гэчээд цаашаа явсан чинь харин өнөөх маань гүйэ уул нь танилцах гээл ингэнээ. Сонгодог аргыг хэрэглэсэн байлээшд. Тээл жоохон ярьж явсан. Хүн нь таалагдаж бариагүй ч гоё л санагддийн байлээ. Иймээ тиймээ үргэлжлэлгүй бас л тэгээд конец фильма :)

Уучлаарай бүсгүй минь хамт алхаж болох болуу
Очих газар луу чинь хүргэж өгч болох болуу

Энэ дууг сонссон чинь иймэрхүү юмнууд санагдлаа. Өөрийнхөө дурсамжаас хуваалцаарай.

Happy Happy Happy :)

2010-08-23T14:17:00.003+09:00

Гоё дуу сонсож, гоё хоол идэж, гоё газар үзээд үнэхээр жаргалтай нэгэн өдрийг өнгөрөөв. Хүн жаргалтай мөчөө хэн нэгэнтэй хуваалцахыг хүсдэг. Хамт явсан охиндоо өнөөдөр сайхан байлаа шүү гэж биччээд. Дахиад хэн нэгэнд энэ тухайгаа хэлмээр байдаг. Тохиромжтой хүн санаанд орж ирдгүйээ. Тэхээр нь "Баярласан шүү. Үнэхээр сайхан өдөр байлаа" гэж бичээд өөрийнхөө дугаар луу явуулцан :р Уншиж байгаа номны гол дүр бүсгүйгээс суралцсан арга юм байгаан. Энэ Soulmate ч болохоо байж дээ галзуурчийгаан байна гэж боджийнуу эрхэм уншигч минээ ккк.

Энэ дуучдийн тухай өмнө нь сонсож байгаагүй. Концерт үзэхсэн гэж бодож явтал зарлал нь тааралдаад тэгээл захиалцын. Тэгсэн юу вээ ёстой чика тоглолт болсон доо. Laurent Ban гээд мюзикл дуучин юм билээ. Яг л гол дүрүүдэд зохидог баргил, хүчтэй хоолойтой. Жирийн дууг дуулахдаа хүртэл яааая. Зүгээр нэг гоё биш бүүүүр дотор нь уусаад яваад ортол, сонсогчдыг уяртал нь хайлтал нь дуулжийлээ дээ ёстой. Phantom of the Opera-н дууг францаар, My Way-г герман, испани, италиар дуулсан... сүүүпэрррр!!! Өөрөө бас их хөгжилтэй, алиа юм ярьж инээлгээл. Холоос царай нь сайн харагдахгүй байсан чинь яджаахад яасан ч царайлгийм...Фэн болохоос өөр ямар ч арга үлдсэнгүй :р

Laurent Ban Nadia Bel

Эмэгтэй дуучин нь Nadia Bel. Бас л сайхан хоолойтой, сайхан дуулсан. Эмэгтэй дуучны тухай болохоор ингээл болоо ккк

Бас нэг дуучин нь Sorel гэдэг гитартай залуу. Хоолой нь яааааг миний дуртай стиль. "When Susanna Cries~~~" гээл дуулсан чинь хамаг бие жирс жирсхийгээд... Гитар дардаг залууд үнэхээр нугасгүй гэдгээ дахин мэдрэв :р Бас франц хэл сурмаар санагдав. Энэ дуулжийгаа нь Sorel.

Тоглолт дуусаад майр гоё амттай хавирганы шөл идсэн гэдгээ би энд дурдаагүй гээд бодчоорой. Хамаг хөлс гоожоод дусал ч үлдээгүй халбагадсан гэдгийг би ч бичээгүй та нар ч уншаагүй шүү за. Муу хүн бишдээ ямар идсэн ууснаа гайхуулах гэж тэ ккк. Энэ хавиар ирэх болуул хаана байдгийг нь зааж өгөмз.

Тэгчээд дараа нь бас гоё газар очсоо. Сүүлийн үед зураг үзэх хоббитой болсон нь энэ хүнтэй холбоотой. Сүүлийн 10 гаран жил дэлхийн өнцөг булан бүрлүү аялж, тэнд дарсан зургаараа ном, үзэсгэлэн гаргадаг юм билээ. Би нэг номыг нь авч уншаад. Уншаад ч гэж дээ дүүрэн зураг, аялах явцдаа төрсөн сэтгэгдлээ бичсэн тийм зурган ном. Маш гоё санагдсан, тухайн оронд түрхэн зуур ч гэсэн очоод ирсэн мэт. Хэдэн жилийн өмнө монголд очиж байсан гээд хэдэн сайран хацартай монгол хүүхдийн зураг ч байсан. Номон дээрээс нь ийм кафе ажиллуулдаг гэж сонсоод тэнд нь очиж үзсийм.

Хаалгаар нь яваад л ороход шал өөр ертөнцөд ирсэн мэт. Гэрэл нь намуухан шаргал, хөгжим нь ч намуухан уянгалаг.

Ханаараа дүүрэн гэрэл зураг өлгөөтэй. Бас энд тэндгүй аялж явахдаа цуглуулсан хуучин эд хэрэгсэл, чимдаан, бичгийн машин, бягтруул гэх мэт өрөөстэй. Хуучирч элэгдсэн зүйлсээс тэдний туулж өнгөрүүлсэн амьдрал мэдрэгдэх шиг болдог учраас дуртай байдаг гэж номондоо бичсэн байсийн.

Гэрэл зургийн тухай лекц уншиж, сонирхогчдийн гэрэл зургаар үзэсгэлэн гаргадаг гэсэн...

Наймдугаар сар

2010-08-17T17:04:00.000+09:00

Скоро осень, за окнами август,

От дождя потемнели кусты,

И я знаю, что я тебе нравлюсь,

Как когда-то мне нравился ты.

Энэ дуу таалагдав. Намар ч арай л болоогүй. Гэхдээ цаг ч дороо шүү дээ.

Найман сар...

Зун ер нь миний дуртай улирал биш.
Зун дуусахад бүх юм дуусчих шиг болдог.
Намар боллоо гэсэн ганцхан баяр баясал л
Намайг тэр их уйтгараас,
Наймдугаар сарын борооноос авардаг.
Тэнгэр рүү ч хармааргүй,
Тэртээ дээгүүр шувууд үймээд,
Тэвчээрийг минь барсан бүгд
Тийшээ бас нисчих шиг, сэтгэл хоосроод...
Амьдрал
Нэг удаа яг л ийм наймдугаар сарын
Аадар бороон дундуур
Нэвт норчихсон жижигхэн богширгыг
Шурт хийлгэн цонхоор оруулаад
Сэрд хийтэл харуулж билээ.
Зүүд совин шиг тэр жаахан шувууны
Зүрх нь цохилох дуулдаж байсан аа...
Үнэхээр чанга цохилж байсан аа...

Үгүй дээ, миний дургүй сар
Найман сар биш юм байна.
Г.А.