1.11.10

Ном & кино

Сүүлд үзсэн кинонууд, нэг ном...


Бөөгийн домог

Өөрийн эрхгүй шимтээд дотор нь ороод, гол дүртэй нь цуг хөл нийлүүлэн алхахад хүргэдэг нь Г.А.-гийн зохиолын онцлог юм шиг. Үе үе өөрийн эрхгүй бие зарсхийгээд байдаг...Яагаад тэгдгийн бүүмэд. Энд тэнд шигтгэсэн, энгийн хэрнээ голыг нь олоод хэлчихсэн мэт өгүүлбэрүүд нь гоё... Домгууд нь ер бусын болоод тэрүү тун сонирхолтой. Гамнаж уншсан ном... Хамтдаа байгаад л баймаар хүн шиг, дуусгамааргүй ном байлаа.

Шивэгчин(2010)

Тасарцан баян айл гарна. Тэднийд шинээр ажиллахаар ирсэн цайлган (энэ үг яг тохирох юм байна жоохон гэнэн, жоохон тэнэгдүү, гэхдээ хүнд муу санадаггүй, бусдыг бас өөр шигээ л гэж боддог)шивэгчин хүүхэн. Хар багаасаа юу хүссэнээ өөрийн болгож сурсан зоргоороо гэрийн эзэн. Залуухан, царайлаг, нөхрийнхөө зэрэг зиндаа эд хөрөнгөнд дүйцэхүйц жирэмсэн эзэгтэй. Охиныхоо гял цал буусан амьдралд өчүүхэн ч толбо үл суулгахыг хүсэх хадам ээж. Энэ гэр бүлийн үүх түүх, бузар булай бүхнийг харж, (хана болгон түүний нүд нь чих нь )дуугай хүлцэн өнгөрүүлж ирсэн хижээл насны даамал эмэгтэй.

Шивэгчин бүсгүйг гэрийн эзэн хоёр гурван удаа "амтална". Шивэгчинд ч муухай байсангүй. Харин дэндүү "цайлган" амьтан болохоороо жирэмслээд, тэрийгээ өөрөө ч мэдэхгүй амгалан. Харин энэ тухай даамлын амнаас түрүүлж мэдсэн хоёр хатагтай шивэгчнийг, гэдсэн дэх хүүхэдтэй нь "арилгаж" хаяхаас нааш санаа амрахгүй. Нэг иймэрхүү үйл явдалтай.

Амьдралд байх л түүх, баян эзэгтэй нарыг зүхэх сэтгэл төрөөгүй нь юуных вэ. Тэднээс өөр юу хүлээнэ гэж? Өөрийгөө, гэдсэн дэх хүүхдээ тэд нараас хамгаалж чадаагүй нь "цайлган" шивэгчний хохь. Миний оюун санаа их булингартсан бололтой.

Зураглал, жүжиглэлт дажгүй санагдсан...

Closer (2004)

"Хайртай хайртай л гэх юм, тэр чинь хаана байна? Надад харагдахгүй, баригдахгүй мэдрэгдэхгүй зөвхөн хоосон үг л агаарт хийсээд байна".

ойлгоход хэцүү ч танил мэдрэмжүүд...
гунигтай үедээ дахин үзнээ. Гунигламаар үедээ ч юмуу.

Desert Flower (2009)

Сомали гаралтай загвар өмсөгч Waris Dirie-гийн тухай кино. Африкийн ядуу охины нэр алдарт хүрсэн түүх. Гэхдээ нэг онцлог нь тэрвээр FGM-ийн хохирогч, мөн энэ хэрцгий заншлыг устгахын төлөө зүтгэгч эмэгтэй юм билээ. Дэлхий дахинд анх FGM-ийн тухай мэдээлж хүн төрөлхтний анхаарлыг тийш нь хандуулж чадсан мундаг бүсгүй.

Babies (2010)

Хүний хүүхдүүд бүгд л хөөрхөн. Гэхдээ монгол хүүхэд цаанаа нэг хайр хүрээд байдаг нь нээх сонион. Хөгжлийн түвшин өндөрсөх тусмаа хүүхдэд хэрэгцээнээс нь хэтэрсэн тав тухыг хангах гэж хичээдэг болсон ч юмуу. Бяцхан үрсийн хорвоотой танилцах аян замд тав тухаас илүү ээж аавын, эргэн тойрны хүмүүсийх нь хайр л их чухал юм даа.

25 comments:

  1. chi neeree amjuulnaa. 'shivegchin', 'tsuliin tsetseg' 2-g uzsen. 'buugiin domog' nomoo zeelj unshuulaarai. bi bas ih bulingartsan bololtoi. 'shivegchin'-g uzeed yag l cham shig yum bodson.
    Z...

    ReplyDelete
  2. тэгээрэй уулзахдаа өгий

    бас babies-ийг үзээрэй чамд таалагдана байхаа ккк

    ReplyDelete
  3. өө, янзтай гого хану нууд үзсэн байна шдэ. Тэр ГА г уншхийнсаан.

    ...жоохон гэнэн, жоохон тэнэгдүү, гэхдээ хүнд муу санадаггүй, бусдыг бас өөр шигээ л гэж боддог...
    гэжийснаа тэнэгдүү гэхээр бусад үгнүүд нь тэнэг гэхтэй утга нэгэн болчихсон юм шиг санагдлаа

    ReplyDelete
  4. магадгүй... надад тэр хүүхнийг тэнэг гэмээр санагдсийн. Тэхдээ энэ цаг үед тохироогүй гэнэн тэнэг гэхиймуу даа. Уг кино нь нилээд дээр үеийх, дахиж remake хийгдсэн болоод надад тэгж санагдсан байх

    ReplyDelete
  5. Shiwegchin, desert flower 2-g uzsen ali ali n goyo kino. Ene 2 kinog uzeed ih l ym bodogson doo, er n hund mongo, aldar ner tiim chuhal bish gedeg bodliig mini ulam batalsan. yalanguya shivegchind gardag jaahan ohin aimaar hargis tiimee. Harain ter babies-g uzeh ymsaan, hoorhon kino bhaa.

    ReplyDelete
  6. iim domog ulgeruud sonsood ongorsnii daraa ymagt gunig toruuldeg ....... ulger domog todiihnoor dursagdaad l ene buhen duusch bna daa minii medeh olon zuil bas l iimerhuu dursagdah todiihon uldeed l martagdaj bna daa gehdee nadad tiim ch ih gunig tordoggui ee amidrald iim genen teneguud bas hairiig olj harahiig hussen tuundee ergelzsen ul medeg gunigluun zaluus busguichuul es zanshil zarimdaa haranhui buduuleg hertsgii bailaach urgeljleel yvaad baidag on jiluud muu muuhai zuil baih bolovch ihenhdee undes ugsaa garal uuslee sanaj uldeh hadgalj yvah gesen ustan mohoj bui jijig undestnii suulchiin gartaa barin uhen hatan zuurch bui argamjaa ene buhen bagtsan oor tum buman zuiliig bagtaasan humuunii amidrald neg davtagdashgui solongo bolon irj bui huuhduud BI IIM L TSAG UEDEE HAIRTAI kkkkk

    ReplyDelete
  7. Babies ёстой хөөрхөн кино. Манай охин бусад хүүхэлдэйн киноноос илүү энэ киног үзэх их дуртай.

    ReplyDelete
  8. За үргэлжлүүлээд уншаад байждээ : )

    ReplyDelete
  9. Лхагва: аахан чиний бичсэн тэмдэглэлийг уншаад Цөлийн цэцгийг онцолж үзсэн юм.

    Байдаг л нэгэн : нэг амьсгаагаар унших гэж сүйд боллоо шүү би энд ккк. Тэр хэрцгий заншил бол устах хэрэгтэй. Чи яг юу гэдгийг нь мэдээгүй болоод тэгж хэлж байна даа. Эмэгтэй хүнийг зэрэмдэглэж хаядаг элдэв балай заншлууд бүгд устаасай билээ

    тэхдээ би ч гэсн өөрийнхөө цаг үед хайртай

    Өнөрбат: тиймүү охин чинь хэдтэйн? би бас охиндоо үзүүлнээ...

    М: ккк одоо юу уншдийн билээ...

    ReplyDelete
  10. Бөөгийн домгийг уншина гэчээл авч чадалгүй яваад байгаа, нэг зорьж очоод авахгүй бол...
    тэр шивэгчин гээд киноы англи нэрийг нь мэдэх үү?

    ReplyDelete
  11. tovch bichij surhiisaaaan bi ugaasaa taslal tomoor ehleh tseg tavih ene teriig barag meddeguimoo kkkkkk

    ReplyDelete
  12. bi chin ihee muhar susegtei huuchniig barimlagch munhag humuun bulgeee

    ReplyDelete
  13. Gkk, minii neg ch bichlegiig hun unshsan gesen saihan sonsogdoj bna shoo. Ter Babies-g uzeh ymsaan, chamd file n bhgui biz, bi netees haij uzej amjihgui ymoo, bvl ogch tus bolooch. :)

    ReplyDelete
  14. Би өөрөө шивэгчин гэж орчуулсын, англиараа бол Housemaid гэсэн байхаа.

    Байдаг л нэгэн : ярьж байхыг чинь сонсмоор санагдчлаа бичгээр бол чиний санааг бүрэн тусгаж авахад учир дутагдалтай байдаг байх...

    Эмэгтэй хүний хэлүү, бэлэг эрхтэнийг огтолж аваад битүүлээд оёчдог заншил female genital mutilation(FGM) шүү дээ. Юу гэж хэлэх вэ?

    Лхагва : http://www.scorpap.com/2010/09/babies-2010-dvdrip.html энд татахаар байна гэнэ чи үз дээ

    ReplyDelete
  15. гоё канунууд байна, би алийг нь ч үзээгүйм шиг байхын, их л соёлоос хоцрогдсон хүндээ кк, сүүлийн үед тэгээд ч юун кану үзэхтэй манатай завгүй байгаамдоо
    үзээгүй ч гэсэн Шивэгчин кинон дээр саналаа хэлмээр санагдав. Би вол шивэгчинг буруутгаж чадахгүй, түүнийг хохь чинь гэж бас хэлэхгүй, харин өрөвдөнө. Эрчүүдийн золиос болчихсон эмэгтэйг бид хамтдаа яагаад зүхдийм бол... Үүнд чинь хэн буруутай гэж. Би өөрийн жаргалын төлөө бусдад муу зүйл хийхийг хүлээн зөвшөөрч чаддаггүйм. Хэдийгээр гэр бүлээ аврах ёстой ч яагаад тийм замаар гэж. Тэглээ гээд гэрийн эзэгтэйд жаргал ирэхүү? Эсвэл би өөрөө шиэвэгчин шиг авирладаг болохоороо түүнийг буруутгахын оронд өрөвдөж байгаам болвуу... мэдэхгүйм... гэхдээ л эмэгтэйчүүд эмэгтэй хүнийхээ талд биш харин эрчүүд ямагт нэг талд зогсож байдгийг л хамгийн ихээр мэдэрдэг болоод байгаа... миний оюун ухаан бусдаас хэтэрхий бохирдсоноос болоод тэнэг урт сээгий биччихлээ :(

    ReplyDelete
  16. хэхэ үгүйээ нууцханаа

    би шивэгчинг тэр нөхөртэй нь явлаа гэж буруутгаагүй. Тэр залууд далдхан сэтгэлтэй болсоныг нь харахад өрөвдөлтэй л байсан. Цаадах нь тэгсэн чинь унтсаныхаа дараа мөнгө өгч байгаа байхгүй юу.

    Хамгийн гол нь жирэмсэн болсноо мэдсэнийхээ дараа өөрөө яваад өгөх хэрэгтэй байсан юм. Тэгэхгүй тэр айлд үлдээд маанаг царайлж байгаад хүүхдээ устгуулуулчдийн. Хэрвээ би тэрний оронд байсан бол дуугай гараал алга болоод өгнө, хэзээ ч олдохгүй газар луу. Тэр шивэгчин тэнд юу бодож үлдсэнийг ойлгохгүй байгаан.

    Тэр гэрийн эзэгтэйн хувьд эр нөхрөө, цаашлаад эд хөрөнгө, бүтээсэн амьдралаа харамласан хүүхнүүд тэр байтугай юм хийдэг байх. Тийм ч учраас зүгээр л яваад өгөх хэрэгтэй байсийм. Гэж дотроо халаглан бодсон доо.


    Би үргэлж чиний талд шдээ. Яагаад гэвэл чи миний ам нээж хэлж чадахгүй үгсийг чөлөөтэй хэлэх эрх чөлөөг өөртөө олгож чадсан учраас...

    ReplyDelete
  17. humuunii uhaan guitsej ul hureh bodol urgeljlen baihad bichih ch sonsoh ch hurtej ul amjih bizee hun burd yg l iim baigaa chamd ch nadad ch bas busad humuusd ch

    ReplyDelete
  18. ulamlal aimshigtai herstgii gutamshigtai haranhui buduuleg baih n elbeg eruul uhaantai hun bur tiim gedgiig n medej baigaa tegeed yagaad urgeljleed baidag yum bol zarim tsag ued er hun eemeg zuuvel tolgoigoo avhuulj baihad zarim ued huuhdiin zurheer tahil orgood shutegdej baidag yagaad iim baisan yum bol odoo ch haa negtee iim es ulamjlaliin zolios n ogt oorchlogdoogui hun l bna yagaad iim yum bol ug n bid bugd adilhan hun tegeed ene bugdiig baihgui bolgoj yagaad chadahgui baigaan bol uhaan hurehgui yumaa uneheer oilgoj chadahgui yum

    ReplyDelete
  19. erchuud oyun sanaanii huvid ymagt erh choloolog uchraas emegtei humuust dandaa neg tald baigaa yum shig haragddag baihaa yg unendee erchuud hezee ch neg tald baidaggui yum er hun bolgon ooroo l neg tal tus burdee

    ReplyDelete
  20. байдаг л нэгэн ээ шуудангийн хаяг чинь хэвээрээ юу нөгөө номнуудаа явуулах гэсийн. Хэвээрээ ч гэсэн дахиад нэг илгээгээрэй би алга болгоцон олдгүйэ ккк

    ReplyDelete
  21. хэхэ баярлалаа, санаа нийлдэгт чинь :)

    би сайндаа ч ийм эрх чөлөөтэй байгаа биш гэдгийг чи минь ч бас мэдэж л байгаа, өөрийгөө нууж байж л ийм эрх чөлөөг олж авч байна, бодит амьдрал дээрээ яг энэ үзэл бодлоо илэрхийлэхээс яагаад айдаг юм бол, магад ганцаардахаас, бусдад чичлүүлэхээс эмээсэндээ л байх, гэхдээ яалтчгүй зарим тохиолдолд бодит амьдрал дээр үүнийгээ бусдад илэрхийлчдэг л юм

    ReplyDelete
  22. бусадтай адил юм шиг байхгүй бол араас нь олон бэрхшээл дагалдана шүү дээ. Гэхдээ хүний зүрх гэдэг нууцаа ганцаараа тээж явбал тэсэрчихдэг хэврэгхэн эд юм гэнэлээ. Тийм болохоор бусадтай хуваалцах арга хайж, санаа нийлэх хүнийг эрж явдаг юм шиг байнаа...

    ReplyDelete
  23. тэсрэхээ ч шахдаг шүү тээ ккк, блогтоо бичдэг маань тэр тэсрэлтийн өчүүхэн хэсэг нь, чиний блог дээр илүү их нээлттэй байдаг, өөрийнхөө блог дээр хамаагүй бичиж болохгүй байгааг бас чи гадарласан байх тээ, нэг үе бичсэн бичлэг бүрийн минь араас асуулга ирдэг байсан болохоор би зарим зүйлсийг бичихээ больчихсон юм, тэр хүн чинь бас эр л хүн юм болохор ойлгохгүйгээ ойлгохгүй
    үнэндээ би түүнийг аймааар их санажийн уулзаагүй 2 жил болллоо, саяхан ирээд явна гэж байтал болохоо больчихсон, одоо жилийн дараа ирнэ, магадгүй бурхан биднийг уулзах болоогүй гэж бодсон болтой...
    яагаад ч энэ тухай биччивдээ, тэхдээ би ер мартаж чадахгүй юм яааядаа байз...

    ReplyDelete
  24. холбоотой байдаг, хоёр биенээ боддог бол бас ч гэж найдвар байна шдээ. Түүнийг мартчихвал амьдрал чинь хоосон оргиод явчих байх даа. Багахан шиг л шаналаасай гэж чиний өмнөөс хүсэж байна :)

    ReplyDelete
  25. Бөөгийн домгийг би яг одоо уншиж байгаа. Итгэл үнэмшил төрдөггүй байсан намайг бөө гэх энэ зүйл өөр нүдээр харахад хүргэж байгаа. Тиймээс их таалагдсан.
    Аан тэр кануунуудаас хятад болон цөлийн цэцгийг үзээгүйм байна. Цөлийн цэцгийн нэг хэсгээс хальт уншиж байсан санагдахын номноос нь. Харин тэр babies ёстой хөөрхөөн.

    ReplyDelete

Хүмүүсээ бие биедээ сэтгэгдэл хайрла.

Хүсэл сэтгэл бадраах халуун дулаан үгээ хайрла :)

👸🏻💔6x6

3 сард 3 удаа ярилцлаганд орлоо. 3-ууланд нь тэнцээгүй арвин их амжилттай хаха. Хоёр нь нэгдүгээр ангид элсэх шалгалт. Нэг нь ажил дотроо өө...