Сайхаан сайхан

Зун цаг нээрээ сайхан шүү. Бие сэтгэл хөнгөрөөд жигтэйхэн гоё. Эртээр бороо орлоо гээд унжийгаад урвайгаад байсан чинь маргааш нь цэлмэг нартай өглөөг хараал баясаад давхицан. Цаг агаар дагаж унтарч асаж байдаг сонин эд шүү энэ наастр гэж. Миний таримал цэцэг бас байдгаараа салмайгаад унжсан байснаа услаад орхицон чинь сэргээд ирсэн байлээ. Хүний сэтгэл заримдаа ургамал шиг энгийн бүтэцтэй, нар,ус л байхад тэнэгэр өөдрөг байдаг бол амар ч юм шиг :-)

Өчигдөр амьдралдаа анх удаа бэйсболын тэмцээн үзэхээр явав. Ай нээх сүртэй амьдралдаа анх удаа гэнээ. Сонирхолтой гоё байдгийм байна.

Би уг нь бэйсбол гэхээр матик шиг бөмбөгөө цохичоол гүйдэг гэдгээс өөр ойлголтгүй байсан хүн. Саяхан болж өнгөрсөн World Baseball Classic (хөлбөмбөгөөр бол World Cup)-ийг зурагтаар харж суугаад ажлын охиноос дүрэм болоод хэрэглэгддэг үгнүүдийг сурсийн. Ойлгоод үзэхээр их дажгүй спорт юмаа. Ялангуяа тоглолтыг нь очоод үзэхээр бүүр гоё. Өөрийн эрхгүй суудлаас босгож дэвхцүүлж орилуулмаар мөчүүд олон байлаа. Фэнүүд нь их идэвхтэй балиашиглах юм. Би ч дунд нь ороод хоолой мэдэн хашгирч , хөлөө дороо дэвсэлж, алгаа хорстол ташиж...стрессээ сайхан тайлсан.

Тоглолтын дундуур янз бүрийн хөгжилтэй event явуулдаг нь их таалагдсан. Нэг залуу том дэлгэцэн дээр найз бүсгүйдээ хайраа илчилж НАДТАЙ ГЭРЛЭЭЧ гэж гуйгаад. Бүсгүйд нь бөөн сюрприз болж байгаан, сүүлд бас их дурсамжтай гоё байх даа. Мөн KISS TIME гээд дэлгэцэн дээр гарч байгаа хосууд үнсэлддэг event байна. Огт танихгүй хүмүүс таарвал яах юм бол бүүмэд, ямар ч байсан бүгд үнсэлдэцгээж байсан. Үзэгчдийн суудал руу нисэж ирсэн бөмбөгийг авч таарвал бас их азтай.

Өчигдөр миний дэмжсэн баг даанч харамсалтай нь хожигдчихсон. Бусад багуудаас үзэж байгаад таалагдсан тамирчин, багаа тоочиклож авнаа. Энэ спортод дурлаж магадгүй болоод явчихлаа. Амьдралаас авч болох баяр баясгалангийн нэгийг ийнхүү илрүүлэв :-)