Өнөөдөр

Хоёр жилийн өмнө... яг энэ өдөр...хорвоод хосгүй нэгэн их хайрыг би олсон юм. Тийм хайр байдаг гэж мэдрээгүй явсан. Түүнтэй учирснаас хойш би өөрөө ч шинээр төрсөн. Тэр одоо миний амьдралын хамгийн эрхэм хүн минь, гэрэл гэгээ минь, утга учир минь, анд найз минь, хань минь болсон. Түүнтэйгээ байхад би хамгийн баян, хамгийн азтай, хамгийн хүчтэй хүн. Тэр маань миний нүдэнд хамгийн хөөрхөн, хамгийн ухаалаг, хамгийн бяцхан... Тэр минь миний амьд бурхан...


Миний бондоохой түнтээхэй бамбаахай охин минь...

Хоёр жилийн турш, энхрий охиныхоо ээж нь болоод өнгөрүүлсэн мөч хором бүр баяр хөөрөөр дүүрэн байлаа. Цаашдаа ч үй түмэн жаргалтай өдрүүд биднийг хүлээн буйд итгэнэм. Орчлонгийн мянга мянган учрал дундаас ээжийгээ гээд ирсэнд нь баярлалаа. Өнөөдрийг хүртэл эрүүл саруул, цовоо цоглог, хэрсүү ухаалаг өсөн торниж буйд нь баярлалаа. Хайртай эрх гүнж хамгийн үзэсгэлэнт дагина, сахилгагүй туулайхан, өрөмний өтдөө төрсөн өдрийн мэнд хүргэе.

Охин-Эрдэнэ
Ц.Буяннэмэх
Онгодын дуудлагаар одноос буусан
Охь сэтгэлийн минь оч охин-эрдэнэ
Ор сураггүйн орчлоос намайг зорьсон
Орог саарал бөрт чонын удам охин-эрдэнэ
Охин минь наддаа нандин эрдэнэ
Өмөг сэтгэлийн минь түшиг охин-эрдэнэ
Алтан дэлхийд ургасан сарнай минь
Амь амьдралын минь тасархай алаг үр минь
Асур тэнгэрийн орноос намайг зорьсон
Алс эртний Алунгуан удам охин-эрдэнэ
Надад заяасан нандин эрдэнэ
Намайг баясгах охин-эрдэнэ
Өвөрт минь ургасан өөдөсхөн цэцэг
Өр сэтгэлээс минь уяатай охин үр минь
Өөдлөх тэнгэрийн одноос намайг оносон
Өнө эртний Өүлэн удмын охин
Мэлмийг минь баясгах миний эрдэнэ
Мөнхөд нялхрах охин-эрдэнэ
Булбарайхан гар хөөрхөн төрх чинь
Булгилах зүрхний минь хүчтэй лугшилт
Тогдгорхон бие зөөлхөн харц чинь
Тодоос тодхон оюунд минь зурагдана
Охин минь чи миний амьд төрх
Охин минь чи миний амьсгалын минь хэсэг