Блог бичих шалтгаанууд ба ....

Блог бичдэг шалтгаан маань бодоод байсан нилээд хэд байдийн байна. Нэг сумаар 4,5 сум буудаж байгаан байнашдээ би чинь. Эндээс санаа төрөөд бичиж үзлээ.

1. Бодлоо цэгцлэх. Дэмий олон бодолд автаад ирэхээр тэр дундаа төөрөөд учраа олохгүй нэг л самгардсан хүн болчдийн. Бичиж байгаад харахлээр ээдэрсэн утасны ширэлдээ нь гараад дотор онгойгоод ирдэг
2. Ганцаардалаа аргадах. Хааяа би энэ ертөнцөд цор ганцаараа мэт санагдах үе байдаг. Сарантуяагийн нэг ийм дуу байдаг даа.

Уйлах юм зүрх минь
Юундаа ч уйлдаг юм билээ дээ
Уйлах юм сэтгэл минь
Хэндээ ч хэлдэг юм билээ дээ

Хэн нэгэнтэй хуваалцмаар байвч болохгүй чадахгүй олдохгүй яг ийм мөчид блог дээрээ хэдэн үг бичээд тавичихад бас л ханьтай шүү.
3. Нөхөрлөлөө хуваалцах. Тэр бүр уулзаад байж чаддаггүй найзууд. Алс хол байлаа ч сэтгэл зүрхээрээ ойр байхад блог маань тусалдаг юм. Уулзаж үзээгүй ч дотно санагдах блогийн найзууд. Хэн нэгний дотоод ертөнцийг тольдох цонх.
4. Өнгөрснөө дурсах. Бичиж үлдээхгүй л бол ой ухаанаас үүрд арчигдан одох эгэл атлаа үнэтэй өдрүүдийн тухай дурдатгал. Дурсаад бичээд сууж байхад мартсан юмнууд эргэж санагдаад бөөн носталги. Мөн одоо цагаа ч гэсэн хожим нь эргэн санаад уншиж суухад сайхан байх болов уу.
5. Өөрийгөө нээх. Өөрийгөө таних. Жаргалтай байхийн суурь үндэс нь энэ юм болуу. Би юунд дуртай, би юуг үздэггүй, яахаар баярлаж яавал гомддог. Товчхондоо би хэн бэ гэдгээ бага багаар мэдэхэд их тус болж байна.

Би блогоо өдрийн тэмдэглэл шиг л хөтөлж байгаа. Бүүр хувийн тэмдэглэлээ далд хийчихээд л :-) Цаасан дэвтэр дээр өдрийн тэмдэглэл хөтөлдөг байсан. Блог болохоор дуу, зураг хийгээд илүү амьд байлгах боломжтой гэсэн давуу талтай юм. Journal therapy гэж байдаг гэсэн. Өдөр бүр тэмдэглэл хөтөлснөөр стрессээ ялж don't worry be happy амьдрах.

Өнөөдөр битүүн. Халуун ам бүлээрээ цугларч байгаад дулаахан гэртээ сэтгэл дүүрэн гэдэс цатгалан сайхан баярлаарай. Маргааш орж ирж золгоорой :-) Золгосон хүнд бэлэг явуулий шүү (нээрээ хэхэ)


Энэ дууг өнөөдөржин сонслоо. Маш их таалагдаж байна. Нүдээ аниад үгийг нь төсөөлөн бодлоо. Ийм picnic явмаар байна. Shontook tnx шүү.