Pages

21.10.08

Love Takes Time

Өнөөдөр багадаа дуртай байсан нэг дууныхаа тухай бичье.








Дурсамж хадгалсан дуунууд байдаг. Энэ дуу миний хувьд тийм дууны нэг. 15-16 настайдаа их сонсдог байж билээ. Mariah-ийн бусад дуу дундаас илүү дуртай , өдөржин сонсоод ч уйддаггүй байсан санагдах юм. Тэгээд бас болоогүй ээ нөгөө дурлалын эзэн рүүгээ залгаад авахлаар нь үг дуугүй энэ дууг тавьж сонсгоно. Нөгөөх маань дуустал нь сонсдог байсан болуу мэдэхгүй, ямар ч байсан утсаа бүүр тасалчихдаггүй л байсан юм. Одоо эргээд энэ дууг сонсохоор тэр үед утасныхаа дэргэд эвхрээд суучихсан охин үеийн минь төрх нүдэнд харагдах шиг. Нууцалж хадгалсан хайраа гаргаад хэлчих зориггүй ч цээжиндээ нандигнан хадгалсан алдрайхан хүүхэд нас минь дээ.

Энэ дууг эргэн дурсах болсон учир нь өнөө өглөө хамт ажилладаг охин маань бүлцийсэн нүдтэй ирээд энэ дуу их гоё дуу юм гэж ирээд л ярихаар нь би бас дуртай байснаа хэлж хоёулаа адилхан дуунд дуртайгаа мэдэж авцгаав. Өчигдөр уйлаа юу гэсэн чинь юм хэлэхгүй инээгээд л байсан. Үгүй гэхгүй байхыг бодоход уйлсан байх, энэ дууг сонсох дуртай гэхийг бодоход лав дурлалаас л болж уйлсан байх. Гэж бүхнийг өөрийнхөөрөө таамаглачихъя.

Энэ охин надад их таалагддаг юмаа. Хальт харахад эрэгтэй ч юмуу гэмээр tomboy стильтэй охин л доо. Нүүр амаа ч будахгүй. Гэхдээ сайн харвал цэвэрхэн хөөрхөн охин, ааш нь ч гэсэн надтай их таардаг, дотносохыг хүсдэг хүн дээ. Адилхан дуунд дуртай гэсэн чинь бас нэг алхам түүнтэй дотносох шиг.
Сониноос энэ бичлэгийг бичиж байхад нөгөө миний багын хайрт надаас messenger-ээр юм асууж байна. Бараг л харсан цагаасаа эхлээд хайрладаг байсан, 10 төгсөж зам салтлаа харсаар л явсан, олон ч удаа чамайг бодож уйлдаг байсан, бас зөндөө удаа чамайг бодож инээдэг байсан. Олон жил өнгөрсөн одоо ч гэсэн хааяа хааяа зүүдлээд сэрэхээрээ хачин баяртай болдог гэж хэлэх юмсан даа. Гэхдээ хэлэхгүй ч байсан яахав дээ.

9 comments:

  1. Шинэ өглөөний мэнд :). Блог чинь гого болчихож. Өнөөдөр сэтгэлд нэг хүн сэмээрхэн дурлал хөөгөөд ирэх нь үү гэж харуулдаж суусаар дуусгав. Хэ хэ хэ. За яахав маргааш ч байж юуны магад. Итгэл гайдвар хамгийн сүүлд үхдэг хойно. Kiss my dear and have a sweet love dream!

    ReplyDelete
  2. Блогтой болчихоор ганцаардах нь гайгүй юмаа. Хэндээ ч хэлэхээ мэдэхгүй юмаа ингээ л биччихнэ

    Хэн нэгэн дурлал тэврээд зүрхийг чинь тогшихоор онгойлгохдоо бэлэн байгаарай миний найз ♥

    ReplyDelete
  3. chihevch baidaggyi duu sonsoj chadsangyi ee. Ug n' sonsood l laag comment bichie gej bodson chin... Bi bas durlaltai uchirmaar bainaa...Uchigdur neg tanidag ubba-gaas mail irsen chin "haa negteegees hen negen garaad l irne" gesen yum bichsen bailee. Bi "bi setgel ezguireed bainaa" geed l baahan uglesen yum. Buur arga yadaad huuchniihaa humuusiig bodoj uzsen chin setgel hudluh yum neg ch algaa... Ene chigeeree yavaad baival "musun hatan" bolchih yum bish baigaa...Hehe hatan boloh aimaar durtai...Yagaad "musun busgui" yumuu, "musun emegtei" gesen ug garaagyi yum bol...minii amnaas...kkk

    ReplyDelete
  4. hehe zuv shdee
    bolj ugvul hatan shig amidrah bidnii muruudul yumchin

    ReplyDelete
  5. Barag bugdiig n unshlaa. ymar goe ym bee buur setgel hudluud dogdlood ch bh shig hehe.. gunigtai hesegt n huuchnaaa bodoj gomdollood durlaltai hesegt n dogdlood l... yaaag odoogiin bdlaar bi duralchihsan ingej durlaagui ih sonin neg l goe bnshuuu

    ReplyDelete
  6. дурлалд чинь амжилт хүсье урнаа :)

    ReplyDelete
  7. lucky guy aan...

    ReplyDelete
  8. lucky 'cause he doesn't know...

    and never will...

    ReplyDelete
  9. "Олон жил өнгөрсөн одоо ч гэсэн хааяа хааяа зүүдлээд сэрэхээрээ хачин баяртай болдог гэж хэлэх юмсан даа. Гэхдээ хэлэхгүй ч байсан яахав дээ. "
    хэхэ

    ReplyDelete

Хүмүүсээ бие биедээ сэтгэгдэл хайрла.

Хүсэл сэтгэл бадраах халуун дулаан үгээ хайрла :)